1 AŋKɔrenth 5:1 - Ȧŋlemrȧnɛ Ȧfu

¹ A po pa ti gbafəth kəpa kərəp kə yi kətɔŋ ka nu, kərəp kəwunɔŋ ȧke te yi hali kətɔŋ ka aŋkafri tə kəpa ye ukin ɔ gbasi ɔrani ka ɔkas kɔŋ.

1 AŋKɔrenth 5:1 ပူးပေါင်းရင်းမြစ်များ

Mȧyɔs ma aŋsom 15:20

kɛrɛ ta sə gbalər ŋa kȧmȧ aŋ gbapɛ rayifa ra ɛyɛt ɛpath, yi kərəp, yi ɛsɛm a dif kəte loŋ mətir, yi mətir.

Mȧyɔs ma aŋsom 15:29

kəpa nə gbapɛ ɛyɛt ɛyɛ a po wurɔ ta sathka, ɛyɛt ɛbumərnɛ, yi mətir, dɛ yi ɛsɛm aŋe a dif kəte loŋ mətir, yi kərəp. Bepi nə sobinɛ ka mȧtȧy ame-e, pə tə yi nu ɔfinɔ. Maŋ piar nu.

1 AŋKɔrenth 1:11

kotȧy-e, aŋwɔnt mi, aŋfəm ŋa Tiloyis aŋ po tɔri mi kəpa ɛgbȧl ɛ yi kətɔŋ ka nu.

1 AŋKɔrenth 5:11

Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

1 AŋKɔrenth 6:13

Ɛyɛt ɛdi ɛ yi ta akor, ɔwa akor kə yi ta ɛyɛt ɛdi; kɛrɛ Kuru ɔ tə yɔ yi bɛ ɛ tiyȧ fu. A bɛmpa hɛ ȧŋdɛr ta kərəp, a bɛmpa ŋi ta ɔMarki; dɛ yi ɔMarki ta ȧŋdɛr.

1 AŋKɔrenth 6:18

Gbukɛ nu kərəp. Ahakɛ o hakɛ aŋa wuni mɔ yɔ aŋ yi hɛ ka ȧŋdɛr, kɛrɛ ɔwe mə yɔ kərəp-e, ɔ sap ahakɛ ka ȧŋdɛr ŋɔŋ gbeŋ.

1 AŋKɔrenth 6:9

Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

2 AŋKɔrenth 12:21

ɔwa kȧmȧ pə te yi ma i der sɔ-e, ɔKuru kȧmi ɔ tə thora mi rodi ka nu, ɔwa i ti bok ta ȧtȧ ŋaŋ aŋa po la yɔ ahakɛ, kɛrɛ aŋ te tha thupi ta katayanɛ yi kərəp tətəp tətəp ȧtȧ aŋ po yɔ.

2 AŋKɔrenth 2:5

Kɛrɛ bepi wuni ɔ po yɔ ȧtȧy ȧtȧ mə sɔŋ kənimsa-e, pə yi hɛ ka minɛŋ gbeŋ mɔ yɔ ti, kɛrɛ ɔ yɔ ti ɔthan ka naŋ bɛ. I yema hɛ bondəs ȧŋpa ɔthasər.

2 AŋKɔrenth 7:12

Tiyȧŋ hali ma i gbalər nu-e, pə yi hɛ salata ɔwe po yɔ ɔləs, ta a pa ras ɔwe po sɔmpanɛ asabu ŋa maləs mati, kɛrɛ pə yi kȧmȧ asoli aŋa saŋ sə ba ta ȧtȧ nu rodi ka Kuru-e, aŋ tɔrinɛ ro rɔnu.

AŋKȧletia 5:19

Ɔwa mȧyɔs ma madɛr mə tɔrinɛ gbafəth, mə yi; kȧrəp, kȧtayanɛ, kȧyifȧsnɛ, ɛfela ɛləs,

AŋƐfisɔs 5:3

Kɛrɛ kȧrəp-o, kȧtayanɛ bɛ-o, ta a pa ras ɛmilɛ-o, ta a te sɔ bont yi kətɔŋ ka nu, mɔ mȧ aŋsəm aŋ yi tə kəyɔ.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

1 AŋThɛsȧlonika 4:7

kotȧy-e Kuru ɔ tela hɛ su salata mənɔkɔ, kɛrɛ ta rəsəm.

Kȧŋȧibinɛ 2:21

I po sɔŋ kɔ afɛrɛ tə kəthupi, kɛrɛ ɔ thupi hɛ ka kȧrəp kɔŋ.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.