1 AŋKɔrenth 4:5 - Ȧŋlemrȧnɛ Ȧfu

⁵ Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

1 AŋKɔrenth 4:5 ပူးပေါင်းရင်းမြစ်များ

Mathiu 10:26

Tiyȧŋ te nu nesa ŋa, kotȧy-e tȧy tǝgbǝpǝr tǝ yi hɛ ȧte mǝ a te ba kǝgbǝpǝri; ɔwa tȧy tǝmaŋknɛ tǝ yi hɛ ȧte mǝ a te ba kǝŋaibi.

Mathiu 24:30

Ɔwa ka ȧŋlɔkɔ ŋati ȧŋmisali ŋa ɔWan ka wuni aŋ tǝ tɔrinɛ ka ȧkuru. Tȧbona bɛ ka ȧdȧru tǝ tǝ kulɔ, ɔwa aŋ tǝ nənk ɔWan ka wuni ɔ der ka karǝnt ka ȧkuru rǝ afɔsɔ yi ayiki ȧbana.

Mathiu 24:46

Ȧŋbɔy ŋati ɔ ba aruba ɔwe ɔmarki kɔŋ ɔ bǝp ɔ yɔ mɔ yaŋ bepi ɔ der-e.

Mathiu 25:21

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:23

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ; mǝ po yi ubɔthi lanɛ rǝ yɛt ɛthan, i ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Luk 6:37

Te nu thonkas apa, ɔwa a ba hɛ tə kəthoŋkas nu. Te sɔŋ wuni mətheri. Ɔwa a ba hɛ tə kəsɔŋ nu mətheri. Tera, ɔwa a tə tera nu.

Yɔn 21:22

Yisɔsȧŋ ɔ pa ro ŋɔŋ, To mə pə yi mu-e, bepi i selɔ ɔ tiyȧ haŋ i der-e? Munɔ tȧŋ mi.

Yɔn 21:23

Tiyȧŋ ȧŋpa aŋe aŋ gbanthɛnɛ kətɔŋ ka aŋwɔnt bɛ, kəpa ɔkarande kati ɔ ba hɛ tə kəfi: kɛrɛ Yisɔsȧŋ ɔ pa hɛ ɔ ba hɛ kəfi; ɔ pa gbo, Bepi i selɔ ɔ tiyȧ haŋ i der-e, to mə pə yi mu-e?

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

AŋRomans 14:4

Mun kanɛ ɔwe mə thonkas ȧŋbɔy ŋa wuni lɔm-e? Ka ɔmarki kɔŋ ɔ təmȧ, thalɔm ɔ fumpɔ. Ɔwa ɔ tə təmȧ yathi, pəkasifɛ ɔMarki ɔ ba afɔsɔ tə kətəmər kɔ.

AŋRomans 2:1

Tiyȧŋ munɔ, O wuni kəpet, mə ba hɛ sɔ roŋ bepi mə thonkas wuni lɔm, kotȧy-e ma mə sɔŋ ulɔm mətheri-e, mə sɔnɛ mətheri, pəkasifɛ mə yɔ mɔlɔ min yi ɔlɔm.

AŋRomans 2:16

ka ȧŋrey aŋa Kuru mɔ thonkas ɛmurare ya afəm ka kȧta ka Yisɔs Krayst, mɔ mə mapa məfinɔ ma Kuru mə pa, ama minɛ i po tɔri nu.

AŋRomans 2:29

kɛrɛ ɔ yi uYuda tɛntɛnɛ ɔwe yi uYuda rə ȧmerȧ, yi kəbirons tɛntɛnɛ kə yi ka ȧŋmerȧ dɛ yi ka aŋyina, pə yi hɛ gbo ka mȧgbal son. Kakolo ka wuni wunɔ kə yi hɛ ka afəm, kɛrɛ kə wur ka Kuru.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

1 AŋKɔrenth 1:7

kȧmȧ nə te paŋ aboya o boya ma mə nə kar kȧder ka ɔMarki kȧsu Yisɔs Krayst,

1 AŋKɔrenth 11:16

Bepi wuni o wuni ɔ yema thoŋka ti-e, sə ba hɛ matanɛ mati, ɔwa ɛchɔch sɔ ɛ ba hɛ ma.

1 AŋKɔrenth 11:26

kotȧy-e ka ɔkatkat mȧ nə di kabo ake, ɔwa nə kȧl mun ka ampɔthi aŋe, nə taməs rafi ra ɔMarki haŋ ɔ kȧl der.

1 AŋKɔrenth 15:23

Kɛrɛ wuni o wuni ka kagbanth kɔŋ; Kraystȧŋ mȧkomi mətɔtɔkɔ; kədarəŋ kati ŋaŋ aŋa yi ka Krayst ka kȧder kɔŋ.

1 AŋKɔrenth 3:13

mapanth ma wuni o wuni mə tə tɔrinɛ, kotȧy-e ȧŋrey ŋa Krayst aŋ tə ŋaibi ma, dɛ yi anant sɔ. Ɔwa anant nə tə mɛm ko mapanth ma wuni o wuni mȧ mə yi.

1 AŋKɔrenth 3:14

Bepi mapanth ama wuni mɔ sal rokɔm kati mə tia-e, ɔ tə sɔthɔ ȧrȧm.

1 AŋKɔrenth 3:8

Ɔwa kɔn ɔwe mə tɛp, yi kɔn ɔwe mə bɔyis-e, aŋ yi athənȧnɛ; ɔwa kin o kin ɔ tə sɔthɔ ȧŋrȧm ŋɔŋ mɔ mə mapanth mɔŋ mə yi.

2 AŋKɔrenth 10:18

Ȧtesoma-e ɔwuni kolonɛ tha mə a malanɛ, kɛrɛ ɔwe ɔMarki ɔ kolo.

2 AŋKɔrenth 10:9

Ta pə te yi mɔ i yema ninisnɛ nu dɛ yi ɛreka.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

2 AŋKɔrenth 5:10

kotȧy-e saŋ nu bɛ sə ba tə kətəma rodi ka kawaŋ ka kərɔk ɛpa ka Kraystȧŋ, kȧmȧ wuni o wuni ɔ sɔthɔ ȧŋrȧm ŋa mȧyɔs ama ɔ po yɔ ka madɛr, bepi mə yi məfinɔ thalɔm mələs.

1 AŋThɛsȧlonika 5:2

Pəkasifɛ naŋ nə tȧrȧ finɔ kəpa ȧŋrey ŋa ɔMarki aŋ tə der mɔ ukei tȧtȧk.

AŋHibru 4:13

Ɔwa rəka o rəka rəbɛmpa rə yi hɛ ara ɔ te nəŋka rəfɔr; kɛrɛ koko rə yi rətiŋ dɛ yi rəgbafəth ka kakəli ka ɔwe sə ba tə kəgbakia.

Yeməs 4:11

Awɔnt, te nu fofiya aŋwɔnt a nu; kɔn ɔwe mə fofiya ɔwɔnt kɔŋ-e, thalɔm ɔ thonkas ɔwɔnt kɔŋ-e, ɔ fofiya ȧŋthɔ, ɔ thonkas ȧŋthɔ; ɔwa bepi mə thonkas anthɔ-e, mə yi hɛ sɔ ɔwe mə wop ŋi, mə yi uthoŋkas.

Yeməs 5:7

Tiyȧŋ naŋ awɔnt, muyu nu haŋ ka kȧder ka ɔMarki. Kəla, ɔbaf ɔ kar haŋ ȧŋlɔkɔ aŋ bek tə kərɔk mȧkomi məbaki ma ȧŋthɔf, ɔ muyu haŋ mɔ sɔthɔ akɔm kətɔtɔkɔ yi kȧləpsɔ.

Yeməs 5:9

Awɔnt, te nu fɔfəthanɛ ukin dɛ yi ulɔm, ta thani naŋ sɔ nə sɔthɔ mətheri. Kəla ɔThoŋkas ɔ təmȧ ka kadare.

1 Pitar 1:7

Soma aŋlanɛ a nu-e, aŋa yi abȧki mɔlɔ pəthasi məbɔŋɔ, (ama pə yi-e, hali mə tə dinɛ, a mɛmər ma ka anant), a tə thekthek ŋi kȧmȧ aŋ gbəli wurɔ kəthɔkəs, yi kəkolo, dɛ yi kəyikis ka kaŋaibinɛ ka Yisɔs Kraystȧŋ.

1 Pitar 5:4

Ɔwa ma ɔTɔl ubana mɔ tɔrinɛ-e, nə tə sɔthɔ ȧniyɔ ŋa ayiki aŋa te ba kəferər.

2 Pitar 3:12

Ma pə yi ti-e, nə kəli, ka nə bosinɛ ta kȧder ka ȧŋrey ŋa Kuru, ma tȧriyana tə tə poŋ tɛf ka nȧnt nəmara-e, ɔwa mayɛt sɛŋk mə tə thaŋkɛ ka ɔfei ɔninis wati.

2 Pitar 3:4

Aŋ tə pa hɔ, Reke aŋlahiri ŋa kȧder kɔŋ aŋ yi-e? kotȧy-e kȧbi ma aŋbemba a su aŋ po fi-e, mȧtȧy bɛ mə yi gbo məthənanɛ mɔ ka ɔtəpɛr.

Yud 1:14

Inɔk sɔ, ɔwe bekȧ tȧmthədɛrəŋ ka rȧlek ra Adȧm, ɔ nȧbi ta aŋfəm aŋe, ɔ pa, Kəla, ɔMarki ɔ der yi aŋfəm ŋɔŋ asəm ɛwul ɛwul,

Kȧŋȧibinɛ 1:7

Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.

Kȧŋȧibinɛ 20:12

Ka i nənk aŋfi alɔl dɛ yi abana, aŋ təmȧ rodi ka Kuru-e, ka a kanthi tafa; ka a kanthi sɔ kafa kəlɔm ȧke yi ȧkȧfȧ ka aŋesəm. Ɔwa a thonkas aŋfi kətȧŋȧnɛ ka mȧtȧy ama a po gbal ka ȧtȧfȧ, mɔlɔ ma mȧyɔs maŋ mə yi.