16 Tiyȧŋ ɔmari nu, yi na ȧtȧnsȧnɛ mi.
Ɔwa yi nu ȧtȧnsȧnɛ mi mɔ mə minɛ mə i tansanɛ Kraystȧŋ.
Awɔnt, yi nu ȧtȧnsȧnɛ mi, ɔwa lomar ŋaŋ aŋa kɔth kətȧŋȧnɛ ka ȧŋmɔl aŋa sə sɔŋ nu.
Ɔwa mȧtȧy ama minɛ i poŋ thəksa nu, dɛ yi ama nə poŋ təl dɛ yi nə po nənk do rɔmi, wop ma nu ɔbaksər. Ɔwa ɔKuru ka məthɔfəl ɔ tə yi yi naŋ.
Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;
Pə yi hɛ kəpa sə ba hɛ mamari mati, kɛrɛ sə fela tə kəsɔŋ nu amɔl kȧmȧ nə tansanɛ su.
Nanɛ nu ŋaŋ aŋa yi aŋkərbomp a nu aŋa po tɔri nu ȧsim ta Kuru; kala ȧmerȧ ka mayi maŋ, ɔwa tansanɛ kȧlanɛ ka naŋ.
Te nu gbasi afɔsɔ rokɔm ka aŋa a kɔtɛ ro rɔnu, kɛrɛ yi nu ɛmɔl ta akuthi.
