15 kotȧy-e, hali nə ba naŋ akarmɔkɔ ɛwul tɔfɔt ka Kraist-e, nə gbəli hɛ ba akas agbȧthi. Kotȧy-e minɛ i yi ɔkas ka nu ka Krayst Yisɔsȧŋ asabu ŋa mapa məfinɔ ma Kuru.
Kətaŋanɛ ka ȧŋboŋa ŋa Kuru aŋa a sɔŋ mi-e, mɔ wuni tȧrȧ seth, i po bot ɔtəmər, ka ulɔm ɔ seth rokɔm kati. Kɛrɛ tha wuni o wuni ɔ botər ȧmerȧ mɔ mə ɔ sal ri.
kotȧy-e i ba hɛ ȧmerȧ akabanɛ ȧŋsabu ŋa kȧ kawandi kȧmi mapa məfinɔ ma Kuru, ȧtesoma-e a reŋ mi kȧthambe kati. Te ba ti, sɛkɛ mi-o bepi i kawandi hɛ mapa məfinɔ ma Kuru!
Bepi ya pə yi-e, ko yi ȧŋrȧm a mi thɔŋ-a? Aŋ yi kəpa ma mə i kawandi mapa məfinɔ ma Kuru-e, i taməs ma kəyaŋkaŋ kəte bot mɔlɔ, kȧmȧ i te kianɛ mamari ma mi ɔthasər ka mapa məfinɔ ma Kuru.
ma pə yi ti-e a kom nu ɔfu, pə yi hɛ ka mater ama ba kəthey, kɛrɛ ka mater ama te ba kəthey thȧnkȧŋ, salata ȧrim ra Kuru ara ba kəyi haŋ thȧnkȧŋ thəbana.