1 AŋKɔrenth 3:9 - Ȧŋlemrȧnɛ Ȧfu

⁹ kotȧy-e, saŋ sə yi ayɔ məpanth rɔkin yi Kuru. Naŋ nə yi akɔr ka Kuru, nə yi ȧŋseth ŋa Kuru.

1 AŋKɔrenth 3:9 ပူးပေါင်းရင်းမြစ်များ

Mathiu 15:13

Kɛrɛ ɔ lasi ɔ pa, Ŋǝnt o ŋǝnt aŋa ɔKas kȧmi ro riyana ɔ te tɛp-e, a ba kǝtusi ŋi.

Mathiu 16:18

I kȧl sɔ pa ro rɔmu, Munɔ yi Pita, ɔwa rokɔm ka aŋgbalaŋ aŋe rǝ mǝ i tǝmǝr aŋchɔch a mi; ɔwa tadare ta ro kǝrǝfi tǝ ba hɛ kǝtham ŋi.

Mathiu 9:37

kɔ pa ka aŋkarande ŋɔŋ, Tǝ tɛntɛnɛ karɔk kǝ yi kǝbana, kɛrɛ aŋrɔk a than.

Mark 16:20

kaŋ kɔnɛ, aŋ taməs ȧkɛra kəfinɔ ka Kuru dɛr o dɛr, ka ɔMarki ɔ mar ŋa, ɔwa ɔ bȧksər ȧrim yi ɛmisali ɛyɛ tanda. Amina.

Mȧyɔs ma aŋsom 4:11

Kɔnɔ ɔ yi aŋsar aŋa naŋ atəmər ȧŋseth nə po sai sai, ŋa a po səki rȧbomp ra ȧŋkoŋ.

1 AŋKɔrenth 3:16

Naŋ nə tɛ hɛ kəpa nə yi ȧŋseth ŋa Kuru, ka ɔYina ka Kuru ɔ yirȧ rokor ka nu-i?

1 AŋKɔrenth 3:6

Minɛ po tɛp, Apɔlɔsȧŋ ɔ po bɔyis; kɛrɛ Kuru ɔ sɔŋ kabarnɛ.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

AŋHibru 3:6

kɛrɛ Krayst ɔ yi ubɔthi lanɛ ka ȧŋseth ŋa Kuru mɔ uwan. Ɔwa saŋ sə yi ȧŋseth ŋɔŋ, bepi sə wop kapələnɛ dɛ yi mabɔnɛ ma kagbak ȧmerȧ kȧsu ɔbaksər haŋ ka ɔləpsɔ.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

3 Yɔn 1:8

Tiyȧŋ sə yi tə kəmar afəm mɔ aŋe kȧmȧ sə yi akump amar ka tȧteŋ.