1 AŋKɔrenth 3:5 - Ȧŋlemrȧnɛ Ȧfu

⁵ Kanɛ yi Pɔl-əŋ-e? Ɔwa kanɛ yi Apɔlɔs-e? Aŋ yi gbo aŋsom ŋa Kuru kətaŋ ka aŋa nə lanɛ, mɔ mə ɔMarki ɔ sɔŋ afɔsɔ ka kin o kin.

1 AŋKɔrenth 3:5 ပူးပေါင်းရင်းမြစ်များ

Mathiu 25:15

kɔ sɔŋ ukin ɛtalent tamath, ka ulɔm ɛtalent yɛrǝŋ, ka ulɔm sɔ atalent ŋin; rǝ ukin o kin mɔ mǝ kagbǝli kɔŋ kǝ yi-e. Kɔ kɔnɛ ka ȧŋbiyas ŋɔŋ.

Luk 1:2

hali mɔ mə aŋ po laŋklia ma ro rɔsu, ŋaŋ gbeŋ aŋa nəŋka ti rəfɔr kȧbi ka katəp aŋa yi aŋsom ŋa ȧrim.

Yɔn 3:27

Yɔnȧŋ ɔ wosa, ɔ pa, Wuni ɔ gbəli hɛ sɔthɔ koko thambe ɔ sɔthɔ ri kəwur ro riyana.

Mȧyɔs ma aŋsom 18:24

Ka uYuda ulɔm ɔ der ro Ɛfisɔs, ȧŋes ŋɔŋ ŋə yi Apɔlɔs; a kom kɔ ro Alɛksandria, wuni tȧrȧ fɔf wɔŋ, ɔwa ɔ ba afɔsɔ ka mȧgbal məsəm.

Mȧyɔs ma aŋsom 19:1

Ka pə re yi ma Apɔlɔsȧŋ ɔ yi ro Kɔrinth-e, Pɔl ɔ thas ka ȧŋthɔf aŋa yi ka kȧmɛrɔ, kɔ der ro Ɛfisɔs, kɔ bəp ri akarande alɔm.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

1 AŋKɔrenth 12:28

Kuru ɔ po bot ti ka aŋgbanɛ ŋa aŋfəm ŋɔŋ kȧmȧ alɔm aŋ tə yi asom, kəbeka ŋarəŋ anȧbi, kəbeka asas akarmɔkɔ, kədarəŋ kati məyɔ məkabanɛ, ɛboya ya kəyeŋkəs, kəmar, agbəka, yi tənt tətəp.

1 AŋKɔrenth 16:12

I po nɛmthɛnɛ ɔwɔnt a su Apɔlɔs tə kəder ro rɔnu yi aŋwɔnt; kɛrɛ mȧselɔ ma Kuru mə yi hɛ kȧmȧ ɔ yɔ ti ka-ake. Kɔnɔ mə derȧŋ, be ɔ sɔthɔ aŋfɛrɛ alompi.

1 AŋKɔrenth 3:10

Kətaŋanɛ ka ȧŋboŋa ŋa Kuru aŋa a sɔŋ mi-e, mɔ wuni tȧrȧ seth, i po bot ɔtəmər, ka ulɔm ɔ seth rokɔm kati. Kɛrɛ tha wuni o wuni ɔ botər ȧmerȧ mɔ mə ɔ sal ri.

1 AŋKɔrenth 3:22

Bepi pə yi Pɔl-o, Apɔlɔs-o, Kȧyifas-o, raru-o, aŋesəm-o, rəfi-o, mȧtȧy ama yi ka-ake-o, thalɔm mȧtȧy ama mə der-o; na ba ma bɛ.

1 AŋKɔrenth 3:7

Tiyȧŋ kɔn ɔwe tɛp, yi kɔn ɔwe bɔyis, aŋ yi hɛ koko; thambe Kuru ɔwe mə sɔŋ kabarnɛ.

1 AŋKɔrenth 9:17

Ɔwa bepi i yɔ ȧte ka mȧselɔ ma mi gbo-e, i ba ȧrȧm; kɛrɛ bepi pə yi hɛ ka mȧselɔ ma mi-e, halisa a po maŋkər mi aŋgbɛthɛŋ ŋati.

2 AŋKɔrenth 11:23

Ŋa yi ɛbɔy ya Kraist-i? (I kȧl fɔf mɔ upəŋk) Min thasi ŋa; rə məpanth-e, ɔgbȧthi ɔlay; rə kəsȧp-e, pə fɔyɛ lɔm; ka ɛseth ya tərəŋka, katkat; ka mȧsibo ma təfi-e, ɔgbȧthi gbo.

2 AŋKɔrenth 3:3

kotȧy-e a tɔri ti gbafəth kəpa nə yi ȧŋreka ŋa Kraystȧŋ aŋa a po maŋkər su, aŋa a te gbal rə aruba, kɛrɛ rə ɔYina ka ɔKuru ukəli; pə yi hɛ ɛwalka ɛ məsar, kɛrɛ ɛwalka ya ɛmerȧ ya afəm a kəpet.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

2 AŋKɔrenth 4:1

Tiyȧŋ ma pə yi ti-e, sə ba kabȧtho ake, mɔ mə sə po thɔŋ sɔthɔ ȧney-e, sə thamrɔ hɛ;

2 AŋKɔrenth 4:5

Ȧtesoma-e, sə taməsnɛ hɛ, kɛrɛ sə tam Krayst Yisɔs ɔMarki, dɛ yi saŋ mɔ ɛbɔy ɛ nu salata Yisɔsȧŋ

2 AŋKɔrenth 4:7

Kɛrɛ sə bɛnɛ akɛŋ ake ka ɛbɔl ya ɛyɔftha ɛyɛ yi madɛr ma su, kȧmȧ aŋyiki ŋa aŋfɔsɔ abana aŋ gbəli yi ka Kuru son, aŋ wur hɛ do rɔsu hali.

2 AŋKɔrenth 5:18

Ɔwa mȧtȧy ame bɛ mə wur ka Kuru ɔwe yɔ su sə kȧl manɛ yi kɔn asabu ŋa Krayst, kɔ po sɔŋ su kəyɔna ka kakal manɛ kati;

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

2 AŋKɔrenth 6:4

kɛrɛ ka mɔtai bɛ mɔ ɛbɔy ya Kuru sə mɛm tə kəkolonɛ ka kəmuyu kəbɔli, ka ɛsɔmpanɛ, ka amɔnɛ, ka kəkɛthanɛ,

AŋƐfisɔs 3:7

A səki mi ȧbɔy ŋa ȧkɛra kati kətȧŋȧnɛ ka ȧŋboya ŋa ȧŋboŋa ŋa Kuru-e, aŋa a sɔŋ mi kətaŋ ka kagbəli ka aŋfɔsɔ ŋɔŋ.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:25

Di kati a səki mi usom kətȧŋȧnɛ ka aŋgbɛthɛŋ aŋa Kuru ɔ maŋkər mi ta ȧtȧ nu, tə kətɔri ɔlasər wa ȧrim ra Kuru Məsaba;

1 Timɔthi 1:12

Ɔwa i mɔmɔ Yisɔs Krayst ɔMarki kȧsu ɔwe bȧksər mi, pəkasifɛ ɔ nənk mi ubɔthi lanɛ, yi ubeki, kɔ wɔŋȧ mi ka mapanth mɔŋ;

1 Pitar 4:10

mɔ mə wuni o wuni ɔ po sɔthɔ ȧŋboya, ya nə yi tə kəkiyanɛ ŋi rə kəmar ukin dɛ yi ulɔm mɔ ȧbɔy ufinɔ ŋa ȧŋboŋa ŋa Kuru.