1 AŋKɔrenth 3:16 - Ȧŋlemrȧnɛ Ȧfu

¹⁶ Naŋ nə tɛ hɛ kəpa nə yi ȧŋseth ŋa Kuru, ka ɔYina ka Kuru ɔ yirȧ rokor ka nu-i?

1 AŋKɔrenth 3:16 ပူးပေါင်းရင်းမြစ်များ

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

AŋRomans 6:16

Nə tɛ hɛ kəpa ka ɔwe nə sɔndnɛ mɔ atar asanɛ, nə yi ɛbɔy ya ɔkin kati, pə yi ka ahakɛ kəkɔ ka rəfi-e, thalɔm pə yi ka kəsanɛ Kuru kəkɔ ka məlompi-i?

AŋRomans 6:3

Nə tȧrȧ hɛ ti kəpa saŋ aŋa a po baftays ka Yisɔs Kraystȧŋ, a baftays su kəwɔŋ ka rafi rɔŋ-i?

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

AŋRomans 8:9

Kɛrɛ naŋ, nə yi hɛ ka madɛr-e, nə yi ka ɔYina məsəm, bepi pə yi ɔYina məsəm ka Kuru a yi nu rokor. Ɔwa bepi wuni o wuni ɔ ba hɛ ɔYina ka Kraystȧŋ ɔ yi hɛ ukɔŋ.

1 AŋKɔrenth 3:17

Bepi wuni o wuni ɔ ləsər ȧŋseth ŋa Kuru-e, kɔnɔ Kuru mɔ dim, kotȧy-e ȧŋseth ŋa Kuru aŋ yi asəm. Ɔwa naŋ nə yi ȧŋseth ŋati.

1 AŋKɔrenth 3:9

kotȧy-e, saŋ sə yi ayɔ məpanth rɔkin yi Kuru. Naŋ nə yi akɔr ka Kuru, nə yi ȧŋseth ŋa Kuru.

1 AŋKɔrenth 5:6

Kakolonɛ ka nu kə thesa hɛ. Nə tɛ hɛ kəpa ɛgbith ɛthan ɛ furəs kaboth bɛ-i?

1 AŋKɔrenth 6:16

Nə tɛ hɛ kəpa ɔwe mə kulunɛ ka ubɛra urəpi ɔ səkɛ adɛr ŋin yi kɔn-i? Ȧtesoma-e ɔMarki ɔ pa, Ŋa ŋarəŋȧŋ aŋ səkɛ adɛr ŋin.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

1 AŋKɔrenth 6:9

Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

1 AŋKɔrenth 9:13

Nə tɛ hɛ kəpa ŋaŋ aŋa bȧtho yi ɛyɛt ɛsəm ya ȧŋseth ŋa Kuru-e, aŋ di ɛyɛt ɛsəm yati-i, dɛ yi aŋfode ŋa ȧŋbɛsɛ aŋ ba sɔ ɛni yaŋ kəwur ka ȧŋbɛsɛ-i?

1 AŋKɔrenth 9:24

Nə tɛ hɛ kəpa aŋa mə gbukɛ rȧ ȧgbȧkȧnɛ aŋ gbukɛ bɛ-i, kɛrɛ ukin gbo kɔnɔ mə sɔthɔ amɔlɔ-i? Ɔwa gbukɛ nu yaŋ kȧmȧ nə sɔthɔ.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

2 Timɔthi 1:14

Bɛnɛ arəka rəfinɔ ara a maŋkər mu ka ɔYina məsəm, ɔwe yirȧ ka ɛmerȧ ɛ su.

AŋHibru 3:6

kɛrɛ Krayst ɔ yi ubɔthi lanɛ ka ȧŋseth ŋa Kuru mɔ uwan. Ɔwa saŋ sə yi ȧŋseth ŋɔŋ, bepi sə wop kapələnɛ dɛ yi mabɔnɛ ma kagbak ȧmerȧ kȧsu ɔbaksər haŋ ka ɔləpsɔ.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Yɔn 4:12

Wuni o wuni ɔ tha nənk hɛ Kuru hali. Bepi sə bɔthərȧnɛ, Kuru ɔ tiyȧ ro su, yi mabɔthər mɔŋ mə gbenthis ro su.