1 AŋKɔrenth 3:13 - Ȧŋlemrȧnɛ Ȧfu

¹³ mapanth ma wuni o wuni mə tə tɔrinɛ, kotȧy-e ȧŋrey ŋa Krayst aŋ tə ŋaibi ma, dɛ yi anant sɔ. Ɔwa anant nə tə mɛm ko mapanth ma wuni o wuni mȧ mə yi.

1 AŋKɔrenth 3:13 ပူးပေါင်းရင်းမြစ်များ

Mathiu 10:15

Tɛntɛnɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm yi ro Kɔmɔra ka ȧŋrey ŋa kagbǝk ɛpa, pǝthasi ta kȧpet kati.

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Luk 2:35

kȧmȧ ɛnanɛ ya ɛmerȧ ɛgbathi ɛ ŋaibɛ. Yao, agbathɔ aŋ tə raf kabuth ka mu sɔ.

AŋRomans 2:16

ka ȧŋrey aŋa Kuru mɔ thonkas ɛmurare ya afəm ka kȧta ka Yisɔs Krayst, mɔ mə mapa məfinɔ ma Kuru mə pa, ama minɛ i po tɔri nu.

AŋRomans 2:5

Kɛrɛ kətaŋ ka kabak ka mu rəfɔr yi kate thupi ka mu-e, mə bȧr gbo rəbaŋ ka ȧŋrey ŋa rəbaŋ, ma kathoŋkas kəlompi ka Kuru kə tɔrinɛ;

1 AŋKɔrenth 1:8

ɔwe yi tə kəbaksər nu sɔ haŋ ka ɔthalnɛ. Kama nə te ba məthɛkɛ ka ȧŋrey ŋa ɔMarki kȧsu Yisɔs Krayst.

1 AŋKɔrenth 3:12

Ɔwa bepi wuni o wuni ɔ sal ka ɔtəmər wati ɔwe, pə yi rə məbɔŋɔ-o; akala ȧferȧ-o, məsar məbaki mɔlɔ-o, tənt-o, ɛforo-o, thalɔm yi ɛthuk;

1 AŋKɔrenth 4:5

Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

2 Timɔthi 1:12

Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

2 Timɔthi 1:18

Kaŋka ɔ sɔthɔ ȧney ka ɔMarki ka ȧŋrey ŋati. Ɔwa munɔ mə tȧrȧ finɔ kamar ȧke ɔ yɔna mi ro Ɛfisɔs.

2 Timɔthi 3:9

Kɛrɛ aŋ gbəli hɛ kɔ kədi, pəkasifɛ ȧŋpənk ŋaŋ aŋ tə tɔrinɛ ka afəm bɛ, mɔ mȧ ȧŋpənk ŋa aŋa pɛnsa Mosis aŋ tɔrinɛ.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

AŋHibru 10:25

Ɔwa maŋ te nu pənɛ tə kəgbanɛ rɔkin, mɔ mə afəm alɔm mə aŋ pənɛ; kɛrɛ maŋ bȧksəranɛ nu təbuth, pə tha gbethi ma nə nənk kəpa ȧŋrey ŋa Krayst aŋ po fat.

1 Pitar 1:7

Soma aŋlanɛ a nu-e, aŋa yi abȧki mɔlɔ pəthasi məbɔŋɔ, (ama pə yi-e, hali mə tə dinɛ, a mɛmər ma ka anant), a tə thekthek ŋi kȧmȧ aŋ gbəli wurɔ kəthɔkəs, yi kəkolo, dɛ yi kəyikis ka kaŋaibinɛ ka Yisɔs Kraystȧŋ.

1 Pitar 4:12

Ambɔthər a mi, ta pə te kɛtha nu ta amɛm abaŋ aŋa ba tə kəderər nu, mɔ ȧtȧy ȧtȧ nə te nanɛ tə gbəli bəp nu.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

2 Pitar 3:7

Kɛrɛ kȧriyana dɛ yi ȧdȧru ɛyɛ yi ka-ake, a bɛnɛ yi salata ȧrim rin rati tə kəthɔi yi ka ȧŋrey ŋa kathoŋkas dɛ yi kadinɛ ka ante lanɛ Kuru.

Kȧŋȧibinɛ 20:12

Ka i nənk aŋfi alɔl dɛ yi abana, aŋ təmȧ rodi ka Kuru-e, ka a kanthi tafa; ka a kanthi sɔ kafa kəlɔm ȧke yi ȧkȧfȧ ka aŋesəm. Ɔwa a thonkas aŋfi kətȧŋȧnɛ ka mȧtȧy ama a po gbal ka ȧtȧfȧ, mɔlɔ ma mȧyɔs maŋ mə yi.