1 AŋKɔrenth 3:12 - Ȧŋlemrȧnɛ Ȧfu

¹² Ɔwa bepi wuni o wuni ɔ sal ka ɔtəmər wati ɔwe, pə yi rə məbɔŋɔ-o; akala ȧferȧ-o, məsar məbaki mɔlɔ-o, tənt-o, ɛforo-o, thalɔm yi ɛthuk;

1 AŋKɔrenth 3:12 ပူးပေါင်းရင်းမြစ်များ

Mȧyɔs ma aŋsom 20:30

Ɔwa afəm aruni aŋ tə yokanɛ kətɔŋ ka nu gbeŋ, ɔwa aŋ tə fɔf mȧtȧy məkənə kȧmȧ aŋ liŋanɛ aŋkarande.

AŋRomans 16:17

Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

1 AŋKɔrenth 3:11

kotȧy-e wuni ɔ gbəli hɛ bot ɔtəmər o ɔtəmər ɔlɔm-e, pəthas thambe ɔwe a poŋ thɔŋ bot, kɔnɔ yi mɔ Yisɔs Kraystȧŋ.

1 AŋKɔrenth 3:13

mapanth ma wuni o wuni mə tə tɔrinɛ, kotȧy-e ȧŋrey ŋa Krayst aŋ tə ŋaibi ma, dɛ yi anant sɔ. Ɔwa anant nə tə mɛm ko mapanth ma wuni o wuni mȧ mə yi.

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

AŋKɔlɔsi 2:8

Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

1 Timɔthi 6:3

Bepi wuni o wuni ɔ thəksa tȧy təlɔm, ɔwa ɔ pɛnsa sim təlompi, hali ȧsim ta ɔMarki kȧsu Yisɔs Kraystȧŋ, yi mathəksa ma təteŋ salata ranes ra Kuru.

2 Timɔthi 2:20

Kɛrɛ ka aseth abana pə yi hɛ gbo ɛyɛt ɛbɛmpa ya mȧbɔŋɔ yi akala ȧferȧ ɛ yi-e, kɛrɛ ya ɛbeŋ yi ɛthɔf sɔ; ɛlɔm ta məpanth məkolo, ɛlɔm ta məpanth məyay.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

2 Timɔthi 3:7

Lɔkɔ o lɔkɔ aŋ thəkəs tȧy təfu, kɛrɛ thȧnkȧŋ aŋ gbəli hɛ sɔthɔsnɛ kȧtȧrȧ ka tȧteŋ.

2 Timɔthi 4:3

ȧtesoma-e ȧŋlɔkɔ aŋ tə bek maŋ te sɔ gbəli muyu kəthəksa ka tȧteŋ, kɛrɛ aŋ tə yema gbo təl ȧtȧ yi təbɔthi təl, ɔwa aŋ tə fir akarmɔkɔ agbȧthi aŋa yi abeki ŋa.

AŋHibru 13:9

Te nu lafthɛ ka mȧthəksa mətel məgbanthɛ tətəp, kotȧy-e pǝ yi ɔfinɔ bepi a bȧkəs ɛmerȧ ɛ nu rɛ aboŋa-e, beta rɛ masəm ma ɛyɛt ɛdi ama te gbəli mar ŋaŋ aŋa wop ma.

1 Pitar 1:7

Soma aŋlanɛ a nu-e, aŋa yi abȧki mɔlɔ pəthasi məbɔŋɔ, (ama pə yi-e, hali mə tə dinɛ, a mɛmər ma ka anant), a tə thekthek ŋi kȧmȧ aŋ gbəli wurɔ kəthɔkəs, yi kəkolo, dɛ yi kəyikis ka kaŋaibinɛ ka Yisɔs Kraystȧŋ.

Kȧŋȧibinɛ 2:14

Kɛrɛ i ba kəthɛkɛ mu ta tȧy təlɔm, pəkasifɛ mə ba ŋaŋ kətɔŋ ka mu aŋa wop mathəksa ma Belam, ɔwe thəksa Belak tə kəgbɔns aŋwuth ŋa Isrɛl kȧmȧ aŋ di ɛyɛt ɛyɛ a po wurɔ sathka ka ɛrɔŋ-e, dɛ yi tə kəyɔ kərəp.

Kȧŋȧibinɛ 21:18

Ka a bɛmpa anthatha ŋati rə məsar məbaki mɔlɔ mə a tela ayaspa; ɔwa kȧpet kə yi ka məbɔŋɔ, məgbəraŋ mɔ amɛmnɛ akelkel.

Kȧŋȧibinɛ 3:18

Tiyȧŋ i maŋ mu tə kəwair mi mȧbɔŋɔ ama a po mɛm ka anant kȧmȧ mə yi uyola, dɛ yi suma təfera tə kəwɔŋ, kȧmȧ mȧlap ma ratiŋ ra mu rə te tɔrinɛ; ɔwa sop sɔ ɛfɔr ɛ mu yi atɔl asop, kȧmȧ mə gbəli nənk.