1 AŋKɔrenth 2:8 - Ȧŋlemrȧnɛ Ȧfu

⁸ Ugbəka o gbəka ka ȧdȧru are ɔ tɛ hɛ ki, pəkasifɛ bepi aŋ po tȧrȧ ki aŋ gbəli hɛ naŋ tȧŋ ɔMarki ka ayiki ka akənt kəpəŋkinɛ.

1 AŋKɔrenth 2:8 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Luk 23:34

Ka Yisɔsȧŋ ɔ pa, ƆKas kȧmi, tera ŋa ȧtesoma-e aŋ tɛ hɛ ȧte mə aŋ yɔ. Kaŋ fak məthəŋ ta ȧsuma tɔŋ.

Yɔn 16:3

Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.

Yɔn 7:48

Agbəka alɔm thalɔm aŋFarisi aŋ po lanɛ kɔ-i?

Yɔn 8:19

kaŋ pa ro ŋɔŋ, Reke ɔKas ka mu ɔ yi-e? Yisɔsȧŋ ɔ wosa, Naŋ nə tɛ hɛ mi, nə tɛ hɛ ɔKas kȧmi: bepi nə tȧrȧ mi naŋ-e, nə tə tȧrȧ sɔ ɔKas kȧmi.

Mȧyɔs ma aŋsom 13:27

kotȧy-e ŋaŋ aŋa yirȧ ro Yerusalɛm, yi aŋgbəka ŋaŋ, maŋ te tȧrȧ kɔ-e, thalɔm ȧsim ta Aŋnȧbi ȧtȧ a karaŋ asabath o sabath, aŋ lasər ti maŋ sɔŋ kɔ mətheri.

Mȧyɔs ma aŋsom 7:2

kɔ pa, Awɔnt yi akas, su nu ɛləns. ƆKuru ka ayiki ɔ tɔrinɛ ka ɔkas kȧsu Ebraham ma ɔ yi ro Mesopotemia yeŋka ɔ yirȧ ro Haran,

1 AŋKɔrenth 1:20

Reke ɔtempi ɔ yi-a? Reke ɔgbal ɔ yi-a? Ɔthonka ka ȧdȧru are kɔna? Kuru ɔ səki hɛ kȧtemp ka ȧdȧru are apəŋk-i?

1 AŋKɔrenth 2:6

Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

2 AŋKɔrenth 3:14

Kɛrɛ ɛmerȧ yaŋ gbeŋ ɛ yi ɛfith kotȧy-e, haŋ thonɔŋ a tha gbəpəri hɛ akumbafele kati ka kakaraŋ ka ŋaŋ ka aŋlemranɛ akur; pəkasifɛ kətaŋ ka Krayst son a tə gbəpəri ki.

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋƐfisɔs 4:18

Maŋ ba ɛmerȧ ɛbi, ɛbɔlȧnɛ kəwur ka aŋesəm ŋa Kuru asabu ŋa kate tȧrȧ ȧke yi rokor ka ŋaŋ, ka kagbolŋanɛ ka ɛmerȧ yaŋ.

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

Yeməs 2:1

Aŋwɔnt a mi, te nu wop kȧlanɛ ka ɔMarki kȧsu Yisɔs Kraystȧŋ, ɔMarki ka ayiki, yi kəbot agbȧy kətɔŋ ka afəm.