1 AŋKɔrenth 2:7 - Ȧŋlemrȧnɛ Ȧfu

⁷ Kɛrɛ sə fɔf gbo kȧtemp ka aŋgbundu ŋa Kuru, pə yi mɔ kȧtemp kəmȧnknɛ ȧke Kuru ɔ botəs thəpaŋ yeŋka ȧdȧru rə təpɛ, ta salata aŋyiki a su.

1 AŋKɔrenth 2:7 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Mathiu 13:35

kȧmȧ ȧrim ra ɔnȧbi rǝ lasǝr ara pa, I ti fɔf rǝ ɛlomɔ, I ti thǝksa mȧtȧy ama a maŋk rǝ agbundu kǝbi ka ɔtɔpɛr wa ȧdȧru.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

1 AŋKɔrenth 2:1

Ɔwa minɛ awɔnt, ma i der ro rɔnu-e, i der hɛ rə kəfɔf kəfinɔ thalɔm rə kȧtemp ka rəwuni kəpet, tə kətɔri nu aŋgbundu ŋa Kuru.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 3:10

Kama aŋchɔch ka-ake aŋ gbəli yɔ aŋkərbomp dɛ yi ɛfɔsɔ ya ȧkȧriyana aŋ tȧrȧ kȧtemp kəgbaskɛ gbaskɛ ka Kuru.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

AŋHibru 11:3

Asabu ŋa kȧlanɛ sə tȧrȧ kəpa a bɛmpa ȧdȧru ka ȧrim ra Kuru, te ba ti sə tȧrȧ kəpa ɛyɛt ɛyɛ sə nəŋka rəfɔr-e, a bɛmpa yi kəwur ka ɛyɛt ɛyɛ sə te gbəli nənk.

1 Pitar 1:11

kaŋ thɛns ko wuni, thalɔm ko alɔkɔ ɔYina ka Krayst rokor ka ŋaŋ ɔ tɔri ma ɔ ŋaibi ɛsɔmpanɛ ya Krayst dɛ yi aŋyiki aŋa mə tanda.

1 Pitar 5:1

I maŋ aŋbȧki aŋa yi kətɔŋ ka nu, minɛŋ min yi sɔ ubaki dɛ yi useri ka ȧŋnȧkȧsi ŋa Kraystȧŋ, minɛ ba sɔ ani ka aŋyiki aŋa mə a re ŋaibi.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

2 Pitar 1:3

Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.