1 AŋKɔrenth 2:6 - Ȧŋlemrȧnɛ Ȧfu

⁶ Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

1 AŋKɔrenth 2:6 ပူးပေါင်းရင်းမြစ်များ

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mathiu 19:21

Ka Yisɔsȧŋ ɔ pa ro ŋɔŋ, Bepi mǝ yema yi ugbenthis-e, kɔnɛ mǝ thila ara mǝ ba, ɔwa mǝ sɔŋ ȧŋmɔnɛ. Mǝ tǝ ba kɛŋ ro riyana, ɔwa der, mǝ tȧŋ mi.

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Luk 16:8

Ka ɔmarki kɔŋ ɔ korikori ȧŋbɔy ŋɔŋ ukənə pəkasifɛ ɔ yɔ kətemp; kotȧy-e aŋwuth ŋa ȧdȧru aŋ yi atempi kətɔŋ ka ŋaŋ pəthasi aŋwuth ŋa ȧŋmothȧ.

1 AŋKɔrenth 1:28

kɔ thith mȧtȧy məyai ma ȧdȧru yi mȧtȧy məfarkɛ, yao, hali mȧtȧy ama te yi, Kuru ɔ po thith ma tə kədim mȧtȧy ama yi.

1 AŋKɔrenth 12:8

Ka ukin ɔYina məsəm mɔ sɔŋ ȧrim ra kȧtemp; ka ulɔm ȧrim ra kȧtara tȧy kəwur ka ɔYina ɔkin kati;

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

1 AŋKɔrenth 2:1

Ɔwa minɛ awɔnt, ma i der ro rɔnu-e, i der hɛ rə kəfɔf kəfinɔ thalɔm rə kȧtemp ka rəwuni kəpet, tə kətɔri nu aŋgbundu ŋa Kuru.

1 AŋKɔrenth 2:13

Ta mȧtȧy ame gbeŋ tə mə sə fɔf, pə yi hɛ rə ȧsim ȧte kȧtemp ka rəwuni kəpet mə tə thəksa-e, kɛrɛ rə ȧsim ȧte ɔYina məsəm ɔ thəksa, kȧmȧ sə yɛksi mȧtȧy ma ɔYina ka aŋa mə ba ɔYina məsəm.

1 AŋKɔrenth 2:8

Ugbəka o gbəka ka ȧdȧru are ɔ tɛ hɛ ki, pəkasifɛ bepi aŋ po tȧrȧ ki aŋ gbəli hɛ naŋ tȧŋ ɔMarki ka ayiki ka akənt kəpəŋkinɛ.

1 AŋKɔrenth 3:1

Ɔwa minɛ awɔnt, pə fɔyɛ mi la fɔfȧnɛ nu mɔ mə afəm ŋa ɔYina, kɛrɛ mɔ afəm ȧtȧŋ mafela ma madɛr, pə yi mɔ təlɛnth ta Krayst.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 13:11

Ka kaləpsɔ, awɔnt, maŋ dirȧ nu yɔ. Yi nu apons, yi nu abɛfəth, ba nu ȧmerȧ ŋin, yirȧ ka məthɔfəl; ɔwa ɔKuru ka məbɔthər dɛ yi məthɔfəl ɔ tə yi yi naŋ.

2 AŋKɔrenth 4:3

Bepi pə yi ȧkɛra kȧsu kəfinɔ kə ba kumafele-e, kə ba gbo kumafele ka aŋa mə dinɛ.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋKɔlɔsi 1:28

Ɔwa sə taməs rə kəmaŋ wuni o wuni dɛ yi kəthəksa wuni o wuni rə kətemp bɛ; kȧmȧ sə gbəli lȧnki wuni o wuni ugbenthis rokor ka Krayst Yisɔs.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

AŋHibru 5:14

Kɛrɛ ara rədi rəbaki rə yi ta ŋaŋ aŋa po tɛŋa, hali ŋaŋ aŋa tȧrȧ rə ȧmerȧ tə kəgbaski təlompi yi tələs.

AŋHibru 6:1

Tiyȧŋ maŋ kɔnɛ nu rodi haŋ sə po tɛŋa. Maŋ tey nu mathəksa mətɔtɔkɔ ma Kraystȧŋ; maŋ te nu kȧl bot ɔtəmər wa kȧlanɛ kȧsu ɔwe yi mɔ kəthupi kəwur ka məpanth məfi, dɛ yi kəlanɛ Kuru,

Yeməs 3:15

Kɛrɛ kȧtemp ake kə yi hɛ kȧtemp ka rəbaki ȧke wur rokɔm, kə yi gbo ȧka ȧdȧru, kə taŋanɛ ɔləs, kə yi ka Sethani.

Yeməs 3:2

kotȧy-e rə mȧtȧy mǝgbathi saŋ bɛ sə pənthbəla. Kɔnɔ ɔwe te pənthbəla ka ȧsim tɔŋ, ɔkin kati, wuni gbenthis wɔŋ, ɔwa ɔ gbəli wop mafela ma ȧŋdɛr bɛ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.