1 AŋKɔrenth 2:15 - Ȧŋlemrȧnɛ Ȧfu

¹⁵ Ɔwuni ka ɔYina məsəm kɔnɔ mə gbɛŋgbɛŋ mȧtȧy bɛ, kɛrɛ wuni o wuni ɔ gbəli hɛ gbɛŋgbɛŋ kɔ.

1 AŋKɔrenth 2:15 ပူးပေါင်းရင်းမြစ်များ

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Mȧyɔs ma aŋsom 16:3

Ka Pɔlȧŋ ɔ yema kȧmȧ ɔ paya kɔ ka ȧŋbiyas ŋɔŋ tiyȧŋ ɔ birons kɔ salata aŋYuda aŋa yi ka mȧgbȧp mati, kotȧy-e ŋa bɛ aŋ tȧrȧ kəpa ɔkas kɔŋ ɔ yi uKrik.

1 AŋKɔrenth 14:37

Bepi wuni o wuni ɔ nanɛ kəpa ɔ yi unabi-e, thalɔm wuni ka ro Yina-e, ta ɔ gbithanɛ kəpa mȧtȧy ame ama i gbalər nu mə yi aŋyamari ŋa ɔMarki.

1 AŋKɔrenth 3:1

Ɔwa minɛ awɔnt, pə fɔyɛ mi la fɔfȧnɛ nu mɔ mə afəm ŋa ɔYina, kɛrɛ mɔ afəm ȧtȧŋ mafela ma madɛr, pə yi mɔ təlɛnth ta Krayst.

1 AŋKɔrenth 4:5

Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

AŋKȧletia 6:1

Awɔnt, bepi nə pɔntnɛ wuni ka kayɔ ahakɛ-e, naŋ aŋa yi rə ɔYina nə yi tə kəkal təmsər ɔwuni kati rə ȧmerȧ athoranɛ; ɔwa bumnɛ, kȧmȧ naŋ sɔ nə te wɔŋ ka agbɔnsanɛ.

AŋFilipai 1:10

Kama nə thith mȧtȧy məfinɔ; kȧmȧ nə yi təteŋ, kəte ba məthɛkɛ haŋ ka ȧŋrey ŋa Yisɔs Krayst.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

1 AŋThɛsȧlonika 5:21

Mɛm nu tȧy o tȧy; gbȧpsȧ nu tȧfinɔ fȧp.

AŋHibru 5:14

Kɛrɛ ara rədi rəbaki rə yi ta ŋaŋ aŋa po tɛŋa, hali ŋaŋ aŋa tȧrȧ rə ȧmerȧ tə kəgbaski təlompi yi tələs.

1 Yɔn 2:20

Kɛrɛ naŋ nə po sɔthɔ kafethər ka ɔKin usəm, ɔwa nə tȧrȧ mȧtȧy bɛ.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.