1 AŋKɔrenth 2:14 - Ȧŋlemrȧnɛ Ȧfu

¹⁴ Kɛrɛ ɔwuni ɔwe te ba ɔYina ɔ gbəli hɛ sɔthɔ mȧtȧy ma ɔYina məsəm ka Kuru, ȧtesoma-e mə yi məpəŋk do rɔŋɔŋ; ɔwa ɔ gbəli hɛ tȧrȧ ma pəkasifɛ ɔYina məsəm kɔnɔ wɛski ma.

1 AŋKɔrenth 2:14 ပူးပေါင်းရင်းမြစ်များ

Mathiu 16:23

Kɛrɛ ɔ fǝlɛ, ɔ pa ka Pita, Tɔnɛ mi raŋ Sethani. Mǝ yi mi da rǝpǝnthbǝla ȧtesoma-e munɔ mǝ kǝli hɛ ta mȧtȧy ma Kuru, mǝ kǝli gbo ta mȧtȧy ma afǝm a kǝpet.

Yɔn 10:20

Agbȧthi rɔŋaŋ aŋ pa, Ɔ ba ukərəfi, kɔn pəŋk: kɔyɛŋ mə nə təlȧ kɔ-e?

Yɔn 12:37

Kɛrɛ hali ma ɔ po tɔri ŋa ɛmisali ɛgbathi, aŋ lanɛ hɛ kɔ:

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:26

Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Yɔn 15:26

Kɛrɛ ma ɔBɛfəth ɔ der-e, ɔwe i ti somra nu kəwur ka ɔKas, ɔYina ka tȧteŋ, ɔwe wur ka ɔKas-e, ɔ tə gbaki ta ȧtȧ mi:

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

Yɔn 8:43

To som nə te tȧrȧ kafɔf ka mi-e? Hali ma nə te gbəli wop ȧrim ra mi.

Mȧyɔs ma aŋsom 16:14

Ka ubɛra ulɔm, ȧŋes ŋɔŋ ŋȧ yi Lidya, uthila totha təyim-e, ɔ yi ka kȧpet ȧke a bont Thiatira, ɔwe bȧtho Kurɔŋ; kɔnɔ təlȧ su. Ɔwa ɔMarki ɔ kanthi ȧŋmerȧ ŋɔŋ kȧmȧ ɔ botər ȧmerȧ ta mȧtȧy ama Pɔlȧŋ ɔ fɔf.

Mȧyɔs ma aŋsom 17:18

Ka aŋfəm atempi alɔm, aŋƐpikurian yi aŋStoik aŋ bəp kɔ. Alɔm aŋ pa, To wuni thɛlma ɔwe ɔ yema pa-e? Aŋlɔm aŋ pa, Pə yi mɔ ɔ tam ta aturu tətel, pəkasifɛ ɔ tɔri ta Yisɔsȧŋ yi kȧyokanɛ ka rȧfi.

Mȧyɔs ma aŋsom 17:32

Maŋ təl ta kȧyokanɛ ka aŋfi-e, alɔm aŋ sel, alɔm aŋ pa, Sə tə sua mu ɛləns sɔ ta ȧte.

Mȧyɔs ma aŋsom 18:15

Kɛrɛ bepi pə yi ɛyif ta təfɔf yi mes, yi ta ȧŋthɔ a nu-e, naŋ gbeŋ kəlɛnɛ yi nu, i yema hɛ yi uthoŋkas ta mȧtȧy mati.

Mȧyɔs ma aŋsom 25:19

aŋ ba gbo ɛpa ɛlɔm ya andina ŋaŋ, yi ta Yisɔs ukin ɔwe po fi, ɔwe Pɔlȧŋ ɔ pa ɔ yi ukəli.

1 AŋKɔrenth 1:18

kotȧy-e, ȧŋpa ŋa akənt kəpəŋkiyɛ aŋ yi gbo apənk ka aŋa mə dinɛ; kɛrɛ ka saŋ aŋkisi, aŋ yi aŋfɔsɔ ŋa Kuru Məsaba.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 1:23

Kɛrɛ saŋ sə kawandi gbo Kraystȧŋ, ɔwe a tȧŋ ka akənt kəpəŋkinɛ; tə yi ka aŋYuda tȧy təpənthbəlȧ, ɔwa ka aŋKrik-e, tȧy təpənk.

1 AŋKɔrenth 1:25

Pəkasifɛ rapənk ra Kuru rə thasi kȧtemp ka afəm, ɔwa mȧrȧnt ma Kuru mə ba afɔsɔ athasi aŋfɔsɔ ŋa afəm.

1 AŋKɔrenth 15:44

A sak ŋa rə ȧŋdɛr ŋa wuni, a kȧl yokas ŋa ka rafi dɛ yi ȧŋdɛr ŋa ro Yina. Bepi ȧŋdɛr ŋa rawuni kəpet aŋ yi-e, ɔwa ȧŋdɛr ŋa ro Yina aŋ yi sɔ.

1 AŋKɔrenth 15:46

Kɛrɛ ara yi rətɔtɔkɔ rə yi hɛ madɛr ma ro Yina-e, rə yi madɛr ma rawuni kəpet. Kədarəŋ kati madɛr ma ro Yina mə der.

1 AŋKɔrenth 2:12

Ɔwa saŋ sə sɔthɔ hɛ aŋyina ŋa ȧdȧru kɛrɛ sə po sɔthɔ ɔYina ɔwe wur ka Kuru; kȧmȧ sə tȧrȧ mȧtȧy mǝgbathi ama Kuru ɔ boya su kəyaŋkaŋ.

1 AŋKɔrenth 3:1

Ɔwa minɛ awɔnt, pə fɔyɛ mi la fɔfȧnɛ nu mɔ mə afəm ŋa ɔYina, kɛrɛ mɔ afəm ȧtȧŋ mafela ma madɛr, pə yi mɔ təlɛnth ta Krayst.

Yeməs 3:15

Kɛrɛ kȧtemp ake kə yi hɛ kȧtemp ka rəbaki ȧke wur rokɔm, kə yi gbo ȧka ȧdȧru, kə taŋanɛ ɔləs, kə yi ka Sethani.

1 Yɔn 2:20

Kɛrɛ naŋ nə po sɔthɔ kafethər ka ɔKin usəm, ɔwa nə tȧrȧ mȧtȧy bɛ.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

Yud 1:19

Aŋe ŋa mə kȧrȧ məpeskinɛ, ŋa yi afəm ŋa ȧdȧru, aŋ ba hɛ ɔYina məsəm.