1 AŋKɔrenth 2:13 - Ȧŋlemrȧnɛ Ȧfu

¹³ Ta mȧtȧy ame gbeŋ tə mə sə fɔf, pə yi hɛ rə ȧsim ȧte kȧtemp ka rəwuni kəpet mə tə thəksa-e, kɛrɛ rə ȧsim ȧte ɔYina məsəm ɔ thəksa, kȧmȧ sə yɛksi mȧtȧy ma ɔYina ka aŋa mə ba ɔYina məsəm.

1 AŋKɔrenth 2:13 ပူးပေါင်းရင်းမြစ်များ

Luk 12:12

kotȧy-e ɔYina məsəm ɔ tə tɔri nu ka ȧŋlɔkɔ ŋati gbeŋ ȧte nə yi tə kəpa.

Mȧyɔs ma aŋsom 2:4

Ka ɔYina məsəm ɔ la ŋa bɛ, kaŋ təp kəfɔf tənt tətel mɔ mə ɔYina məsəm ɔ sɔŋ ŋa tə kəfɔf.

1 AŋKɔrenth 1:17

kotȧy-e Krayst ɔ som hɛ mi tə kəbaptais, kɛrɛ ɔ som mi tə kəkawandi mapa məfinɔ ma Kuru; pə yi hɛ rə kətemp dɛ yi sim təfinɔ, ta thani a yɔ akənt kəpəŋkinɛ ka Krayst kə səkɛ yay.

1 AŋKɔrenth 14:2

Ȧtesoma-e ɔwe mə fɔf ka kənt kətel-e, ɔ fɔfȧnɛ hɛ afəm, ɔ fɔfȧnɛ Kuru; kotȧy-e pə sɔk hɛ wuni o wuni, ma pə yi ɔ fɔf ɛgbundu kətȧŋȧnɛ ka ɔYina.

1 AŋKɔrenth 2:1

Ɔwa minɛ awɔnt, ma i der ro rɔnu-e, i der hɛ rə kəfɔf kəfinɔ thalɔm rə kȧtemp ka rəwuni kəpet, tə kətɔri nu aŋgbundu ŋa Kuru.

1 AŋKɔrenth 2:14

Kɛrɛ ɔwuni ɔwe te ba ɔYina ɔ gbəli hɛ sɔthɔ mȧtȧy ma ɔYina məsəm ka Kuru, ȧtesoma-e mə yi məpəŋk do rɔŋɔŋ; ɔwa ɔ gbəli hɛ tȧrȧ ma pəkasifɛ ɔYina məsəm kɔnɔ wɛski ma.

1 AŋKɔrenth 2:4

Kafɔf kȧmi ras dɛ yi kakawandi kȧmi kə yi hɛ rə sim təthɔnthɔ rə kətemp ka rəwuni kəpet-e, kɛrɛ rə katɔrinɛ ka ɔYina məsəm yi rə afɔsɔ,

1 AŋKɔrenth 9:11

Bepi sə po tɛp mȧtȧy ma ɔYina məsəm do rɔnu-e, tȧy təkɛthanɛ tȧŋ bepi sə rɔk ɛyɛt ɛ nu salata madɛr ma su-i?

AŋƐfisɔs 5:19

Fɔfȧnɛ nu ka ȧŋSams dɛ yi məleŋ məsəm tətəp tətəp, ɔwa leŋ nu tə kəthɔkəs ɔMarki ka ɛmerȧ ɛ nu.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

2 Pitar 1:16

kotȧy-e saŋ sə taŋanɛ hɛ mump mətempi ma sə po tɔri nu ka anfɔsɔ dɛ yi ka kȧder ka ɔMarki kȧsu Yisɔs Krayst, kɛrɛ saŋ sə seri ta aŋyiki ŋɔŋ ŋa rȧbȧy yi ɛfɔr ɛ su gbeŋ.