1 AŋKɔrenth 2:10 - Ȧŋlemrȧnɛ Ȧfu

¹⁰ Kɛrɛ Kuru ɔ po ŋaibi ma ro rɔsu ka ɔYina məsəm, kotȧy-e ɔYina məsəm ɔ thekthek mȧtȧy bɛ, yao, hali mȧtȧy məbɔlɔŋ ma Kuru.

1 AŋKɔrenth 2:10 ပူးပေါင်းရင်းမြစ်များ

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Mathiu 16:17

Ka Yisɔs ɔ pa ro ŋɔŋ, Munɔ mǝ ba aruba Saymɔn ɔwan ka Yona, pǝkasifɛ wuni kǝpet ɔ tɔri hɛ ti ro mu, kɛrɛ ɔKas kȧmi ɔwe yi ro riyana.

Luk 10:21

Ȧŋlɔkɔ ŋati ɔYina məsəm ɔ lasər Yisɔsȧŋ yi məbɔnɛ, kɔ pa, I mɔmɔ mu ɔKas, ɔMarki ka ro riyana yi ȧdȧru, ma mə po maŋk mȧtȧy ame ka aŋtempi yi aŋtara tȧy, ɔwa mə tɔri ma ka aŋfɛth. Yao ɔKas pəkasifɛ ame mə yi mȧselɔ ma mu.

Luk 2:26

Ɔyina məsəm ɔ po tɔri kɔ kəpa ɔ ba hɛ tə kənəŋk rəfi haŋ ɔ po nənk ɔKrayst ka ɔMarki.

Yɔn 14:26

Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Yɔn 16:13

Kɛrɛ ma kɔnɔŋ, ɔYina ka təteŋ, ɔ der-e, ɔ tə kora nu ka tȧteŋ bɛ; kotȧy-e, ɔ fɔf hɛ ka ȧŋmerȧ ŋɔŋ; kɛrɛ mȧtȧy bɛ ama ɔ təl, ame ma mɔ fɔf: ɔwa ɔ tə tɔri nu mȧtȧy ama ba tə kəder.

1 AŋKɔrenth 14:30

Kɛrɛ bepi a ŋaibi tȧy təlɔm ka ukin ɔwe yirȧ rayɛr, ta ɔtɔtɔkɔ ɔ taŋk.

1 AŋKɔrenth 2:11

kotȧy-e wuni reke ɔ tȧrȧ ɛnanɛ ya wuni, thambe aŋyina aŋa yi rokor ka ɔwuni kati-e? Ya pə yi sɔ wuni o wuni ɔ gbəli hɛ tȧrȧ ɛnanɛ ya Kuru thambe ɔYina məsəm ka Kuru.

AŋKȧletia 1:12

Ȧtesoma-e i sɔthɔ hɛ ki kəwur ka wuni, thalɔm wuni thahɔ thəksa mi ki-e, kɛrɛ Yisɔs Krayst kɔnɔ ŋaibi ki do rɔmi.

AŋƐfisɔs 3:3

tə kəyi a ŋaybi ti do rɔmi kȧmȧ i sɔthnɛ aŋgbundu, mɔ mə i po thɔŋ gbal rə sim təthan,

AŋƐfisɔs 3:5

A la hɛ tɔri ŋi ka aŋwuth ŋa afəm thəpaŋ, mɔ mȧ a poŋ thɔŋ ŋaybi ŋi ka-ake ka aŋsom ŋɔŋ asəm dɛ yi Aŋnȧbi kətȧŋȧnɛ ka ɔYina məsəm;

1 Timɔthi 4:1

ƆYina məsəm ɔ tɔri ti finɔ kəpa ka marey mələpsɔ-e, afəm alɔm aŋ tə bȧrȧ kəmuth ka kȧlanɛ, rə kəsu ɛləns ka ɛyina ɛyem, yi mapa ma makərəfi,

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

1 Yɔn 2:20

Kɛrɛ naŋ nə po sɔthɔ kafethər ka ɔKin usəm, ɔwa nə tȧrȧ mȧtȧy bɛ.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

Kȧŋȧibinɛ 1:1

Kaŋaibinɛ ka Yisɔs Krayst ȧke Kuru ɔ sɔŋ kɔ, tə kətɔri ɛbɔy yɔŋ mȧtȧy ama ba kəder ka ɔthan ɔwe; ɔwa ɔ som umȧleka kɔŋ tə kətɔri ti ka ȧŋbɔy ŋɔŋ Yɔnȧŋ.

Kȧŋȧibinɛ 2:24

Kɛrɛ i pa do rɔmu, yi ka aŋlɔm ro Thayatira aŋa te malanɛ mathəksa ame-e, pə yi mɔ-e ka ŋaŋ aŋa te tha thəkəs mȧtȧy ama mə a tela ɛgbundu ya Sethani. I ba hɛ sɔ kəreŋ mu kothe kəlɔm.