1 AŋKɔrenth 16:22 - Ȧŋlemrȧnɛ Ȧfu

²² Bepi wuni o wuni ɔ bɔthər hɛ ɔMarki Yisɔs Kraystȧŋ, ta ɔ yi uraŋka. Kaŋka ɔMarki kȧsu ɔ der.

1 AŋKɔrenth 16:22 ပူးပေါင်းရင်းမြစ်များ

Mathiu 10:37

Wuni o wuni ɔwe bɔthǝr ɔkas thalɔm ɔkara pǝthasi minɛȧŋ, ɔ bek hɛ ta ȧtȧ mi. Ɔwa wuni o wuni ɔwe bɔthǝr ɔwan uruni thalɔm ɔwan ubɛra pǝthasi minɛȧŋ, ɔ bek hɛ ta ȧtȧ mi.

Yɔn 14:15

Bepi nə bɔthər mi, wop nu ɛyamari ɛ mi.

Yɔn 14:21

Kɔnɔ ɔwe ba ɛyamari ɛ mi, ɔwa ɔ wop yi-e, kɔnɔ yi ɔwe mə bɔthər mi: ɔwa kɔnɔ ɔwe mə bɔthər mi ɔKas kȧmi ɔ tə bɔthər kɔ, ɔwa i ti bɔthər kɔ, ɔwa i ti tɔrinɛ gbafəth ro ŋɔŋ.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 15:24

Bepi i tha yɔ hɛ kətɔŋ ka ŋaŋ mȧyɔs ama wuni lɔm ɔ te la yɔ-e, aŋ ba hɛ naŋ ahakɛ: kɛrɛ ka-ake aŋ po nənk ɔwa aŋ po gbɛŋa minɛŋ yi ɔKas kȧmi.

Yɔn 16:14

Ɔ tə yikis mi; ȧtesoma-e, ɔ tə gbasi ma ro mi, ɔwa ɔ tə tɔri ma ro nu.

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Mȧyɔs ma aŋsom 23:14

kaŋ der ka aŋkərbomp kətɔŋ ka aŋfode yi aŋbȧki, aŋ pa, Sə po sekəranɛ rə agbiŋ abana tə kəte thȧm koko haŋ sə po dif Pɔlȧŋ.

AŋRomans 9:3

kotȧy-e i gbəli naŋ fela kȧmȧ min minɛnɛŋ i yi uraŋka kəwur ka Krayst salata aŋwɔnt a mi aŋa yi ka ȧŋbona a mi gbeŋ;

1 AŋKɔrenth 12:3

Tiyȧŋ i yema kȧmȧ nə tȧrȧ kəpa wuni o wuni ɔwe fɔf ka aŋfɔsɔ ŋa ɔYina məsəm ɔ gbəli hɛ pa, Yisɔs, uraŋka wɔŋ; ɔwa wuni o wuni ɔ gbəli hɛ pa, Yisɔs ɔ yi ɔMarki, thambe ka ɔYina məsəm.

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋƐfisɔs 6:24

Ta aboŋa aŋ yi dɛ yi ŋa bɛ aŋa bɔthər ɔMarki kȧsu Yisɔs Kraystȧŋ rə ȧmerȧ ȧferȧ. Amina.

AŋFilipai 4:5

Yɔ kȧmȧ wuni o wuni ɔ tȧrȧ mathɔfəl ma kamuyu ka nu. ƆMariki ɔ yi ufati.

AŋHibru 6:10

kotȧy-e, Kuru ɔ ba hɛ məkənə tə kəpənɛ mapanth ma nu ma mȧbɔthər ama nə poŋ tɔri salata ȧŋes ŋɔŋ, ma nə po mar aŋfəm ŋɔŋ, ɔwa nə kȧl mar ŋa sɔ haŋ ka-ake.

1 Pitar 1:8

Hali ma nə te tha nənk kɔ-e, nə bɔthər kɔ, ɔwa hali ma nə te tha gbɛnthas kɔ-e, nə lanɛ yi məbɔnɛ ama nə gbəli hɛ lɔm, yi ayiki alasər,

1 Pitar 2:7

Tiyȧŋ ro rɔnu aŋa lanɛ ɔ yi ukɛŋ, kɛrɛ ka ŋaŋ aŋa te sanɛ, Aŋsar gbeŋ aŋa ȧŋseth aŋ fȧrki-e, Apo səkɛ aŋsar abana ŋa ȧŋkoŋ.

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.

Kȧŋȧibinɛ 22:20

Kɔn ɔwe sɔŋ məseri ta mȧtȧy ame, ɔ pa, Tə tɛntɛnɛ i ti der lɛmp. Yao, der ɔMarki Yisɔs.