14 Mȧtȧy bɛ mə nə yɔ, yɔ ma nu rə məbɔthər.
Mȧtȧy ame i yamari nu kȧmȧ nə bɔthərȧnɛ.
Bepi ra rədi ra mu rə kɛthanɛ ɔwɔnt mu-e, di kati mə kɔth hɛ sɔ ka mȧbɔthər. Te ləsər kɔ yi da rədi ra mu, ma pə yi Krayst ɔ fi ta atɔŋ.
Kɛrɛ fela nu ɛboya ɛyɛ tha yi ɛfinɔ ɛlɔkɔ bɛ. Ɔwa i ti tɔri nu aroŋ ara tha thesa bɛ.
Tȧŋ tȧŋ nu mə ȧbɔthər, ɔwa fela nu ɛboya ya ro Yina, pə tha gbethi kȧmȧ nə gbəli nȧbi.
Nə tȧrȧ kəpa aŋfəm ŋa ȧŋseth ŋa Stɛfanɔs ŋa yi mȧkomi mətɔtɔkɔ ro Akaya, kaŋ po sɔndnɛ tə kəmar aŋsəm, tiyȧŋ i nɛmthɛnɛ nu awɔnt,
Ɔwa ta salata ɛyɛt ɛdi ɛyɛ a fȧkȧ ɛrɔŋ-e, sə tȧrȧ kəpa pə sɔk su bɛ ta ti. Ɔwa kətara tȧy kə tə ŋata ȧmerȧ, kɛrɛ mȧbɔthər mə tə sɔŋ kətemp.
Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,
Kaŋka ɔMarki ɔ yɔ mabɔthər ma nu mə bȧrnɛ dɛ yi mə thɛrmɛ ɔkin ka ulɔm, kəkɔ ka afəm bɛ, hali mɔ mə saŋ sə bɔthər nu.
Kɛrɛ ka-ake ma Timɔthi ɔ po kȧl der do rɔsu-e, ɔ kȧrȧ su akanɛ afinɔ salata kȧlanɛ dɛ yi mabɔthər ma nu, dɛ yi kəpa nə nanɛ su finɔ lɔkɔ o lɔkɔ, rə kəfela tə kənəŋk su, mɔ mə saŋ sə fela tə kənəŋk nu.
Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;
kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.
Wop kȧnantȧ rə ayiki kətɔŋ ka nu bɛ, ɔwa yɔ nu kȧmȧ a te yifas kəfənt kati; kotȧy-e Kuru ɔ tə thonkas aŋrəpi bɛ.
Ɔwa pəthas koko bɛ bɔthərȧnɛ nu kiriŋkiriŋ, kotȧy-e məbɔthər mə tə gbəpsər ɛhakɛ ɛlai.
dɛ yi ka kənesa Kuru-e, məbɔthər ma rəwɔnt; yi ka məbɔthər ma rəwɔnt-e, məbɔthəranɛ.
