1 AŋKɔrenth 16:13 - Ȧŋlemrȧnɛ Ȧfu

¹³ Bumnɛ nu, təmȧ nu kəŋkəŋ ka kȧlanɛ. Yɔ nu mɔ afəm aruni, bȧk nu mədɛr.

1 AŋKɔrenth 16:13 ပူးပေါင်းရင်းမြစ်များ

Mathiu 25:13

Tiyȧŋ kǝlɛnɛ nu kotȧy-e nǝ tɛ hɛ ȧŋrey thalɔm ȧŋlɔkɔ aŋa ɔWan ka wuni mɔ der.

Mathiu 26:41

Kǝlɛnɛ nu, ɔwa ramnɛ nu kȧmȧ nǝ te wɔŋ rǝ tȧy tǝgbɔns; ȧŋmerȧ aŋ selɔ tɛntɛnɛ, kɛrɛ aŋdɛr a rant.

Luk 21:36

Tiyȧŋ kəlɛnɛ nu, ɔwa ramnɛ nu lɔkɔ o lɔkɔ kȧmȧ nə yi abeki tə kəfisȧ ka mȧtȧy ame bɛ ama ba kəyi, yi tə kətəma rodi ka ɔWan ka wuni.

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

1 AŋKɔrenth 15:58

Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.

2 AŋKɔrenth 1:24

Pə yi hɛ kəpa sə ba kəgbəka rokɔm ka kȧlanɛ ka nu, kɛrɛ sə yi amar ŋa mabɔnɛ ma nu, kotȧy-e nə təmȧ rɛ kəlanɛ.

AŋKȧletia 5:1

Təmȧ nu kəŋkəŋ ka rȧwankom rəfinɔ ara Krayst ɔ sɔŋ su; te sɔ sɔndnɛ ka kȧronke ka rȧtar.

AŋƐfisɔs 3:16

kȧmȧ ɔ yɔ nu kətȧŋȧnɛ ka ɔlasər wa aŋyiki ŋɔŋ, kȧmȧ nə bȧksər rə aŋfɔsɔ ŋa ɔYina ŋɔŋ ka rafəm ra nu;

AŋƐfisɔs 6:10

Ka kaləpsɔ, aŋwɔnt a mi, yi nu abȧki mədɛr ka ɔMarki, dɛ yi ka aŋfɔsɔ ŋa kagbəli tȧy kɔŋ.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 4:1

Tiyȧŋ, aŋwɔnt a mi abɔthər, ta aŋa i bosinɛ, naŋ mabɔnɛ dɛ yi ȧŋniyɔ a mi, təmȧ nu kəŋkəŋ ka ɔMarki, abɔthər.

AŋFilipai 4:13

I gbəli yɔ tȧy o tȧy bɛ asabu ŋa Krayst ɔwe mə sɔŋ mi afɔsɔ.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

AŋKɔlɔsi 4:2

Bȧsər nu ka kəramnɛ, ɔwa bumnɛ nu rə kəmuti mɔmɔ.

1 AŋThɛsȧlonika 3:8

kotȧy-e ka-ake sə ba ŋesəm bepi naŋ nə təmȧ kəŋkəŋ ka ɔMarki.

1 AŋThɛsȧlonika 5:6

Tiyȧŋ maŋ te nu dirȧ, mɔ aŋfəm alɔm nɔru, kɛrɛ maŋ bum nu; maŋ yi nu atempi.

2 AŋThɛsȧlonika 2:15

Tiyȧŋ awɔnt, təmȧ nu ɔbaksər, ɔwa wop nu mathəksa məkur ama sə po tɔri nu, pə yi rə sim, thalɔm ka areka a su.

1 Timɔthi 6:12

Tim katim kəfinɔ ka kalanɛ, wopnɛ aŋesəm thəbana ta ȧtȧ a po tela mu, yi ta ȧtȧ mə po sɔŋ məseri məfinɔ rodi ka məseri məgbathi.

2 Timɔthi 2:1

Tiyȧŋ, munɔ ɔwan kȧmi, yi ubaki mədɛr ka ȧŋboŋa aŋa yi ka Krayst Yisɔs.

2 Timɔthi 4:5

Kɛrɛ munɔ mə yi tə kəbum ka tȧy o tȧy, ɔwa muyu ɛsɔmpanɛ, yɔ mapanth ma ukawandi, sɔŋ məseri məfinɔ salata mapanth ma mu.

2 Timɔthi 4:7

I po tim katim kəfinɔ, i po gbanthi ȧŋbara a mi, i po bɛnɛ kȧlanɛ.

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

Kȧŋȧibinɛ 16:15

(Kəla-a, minɛ mə derȧŋ mɔ ukey. Wuni ka aruba wɔŋ ɔwe mə bumər-e, dɛ yi ɔwe mə bɛnɛ ɛlopra yɔŋ ta thani ɔ kɔth kətiŋ tal, ɔwa aŋ nənk mȧlap mɔŋ).