1 AŋKɔrenth 15:52 - Ȧŋlemrȧnɛ Ȧfu

⁵² Lɛmp, ka kəgbȧləp win ma kathɛma kələpsɔ kə fɛŋ. Kotȧy-e a tə fɛŋ kȧthɛma, ka aŋfi aŋ tə kȧl yokanɛ ka rȧfi kəte they, ɔwa saŋ, a tə sinkar su.

1 AŋKɔrenth 15:52 ပူးပေါင်းရင်းမြစ်များ

Mathiu 24:31

Ɔ tǝ som aŋmȧleka ŋɔŋ yi rim rǝbana rǝ kǝthɛma, ɔwa aŋ tǝ thoŋkla aŋthith ŋɔŋ dɛr rɔkin kǝwur ka ɛkoŋ yanlɛ ya ȧdȧru, kǝwur ka ɔthalnɛ wa aŋfena haŋ kǝkɔ ka ɔthalnɛ ɔlɔm.

Yɔn 5:25

I kanɛ nu tɛntɛnɛ, Ȧŋlɔkɔ aŋ tə der, ɔwa aŋ yi thɔŋ ka-ake, ma aŋfi aŋ tə təl ȧrim ra ɔWan ka Kuru; ɔwa ŋaŋ aŋa mə təl aŋ tə kəli.

Yɔn 5:28

Te nu kabanɛ ta ȧte; kotȧy-e ȧŋlɔkɔ aŋ tə der, ma aŋfi sɛŋk aŋa yi ka taboma aŋ tə təl ȧrim rɔŋ,

1 AŋKɔrenth 15:23

Kɛrɛ wuni o wuni ka kagbanth kɔŋ; Kraystȧŋ mȧkomi mətɔtɔkɔ; kədarəŋ kati ŋaŋ aŋa yi ka Krayst ka kȧder kɔŋ.

1 AŋKɔrenth 15:42

Ya pə yi sɔ ka kakal yokanɛ ka aŋfi. A sak ŋa rə kəthey, a kȧl yokas ŋa rə kəte thei.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

1 AŋThɛsȧlonika 4:15

Sə pa ȧte do rɔnu ka ȧrim ra ɔMarki, kəpa saŋ aŋa yi ras nɔru haŋ ɔMarki ɔ der-e, sə gbəli hɛ mɔtha ŋaŋ aŋa po thas.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

Kȧŋȧibinɛ 8:13

Ka ȧŋlɔkɔ ŋati i kəli, ka i nənk agboyo ɔ fal ka kȧriyana kɔ fɔf rə rim rəbana, Mɔnɛ-o, mɔnɛ-o, mɔnɛ-o ta aŋfəm aŋa yi ka ȧdȧru asabu ŋa ȧsim ta tathɛma ta aŋmȧleka asas aŋa ba ras tə kəfɛŋ!

Kȧŋȧibinɛ 8:2

Ɔwa i nənk aŋmȧleka tȧmthədɛrəŋ aŋa təmȧ rodi ka Kuru, ka a sɔŋ ŋa təthɛma tȧmthədɛrəŋ.