1 AŋKɔrenth 15:4 - Ȧŋlemrȧnɛ Ȧfu

⁴ ka a maŋk kɔ, ɔwa ka ȧŋrey aŋa bekȧ məsas ɔ kȧl yokanɛ ka rəfi mɔ mə mȧgbal ma Kuru mə pa.

1 AŋKɔrenth 15:4 ပူးပေါင်းရင်းမြစ်များ

Mathiu 12:40

kotȧy-e mɔ mǝ Yonaȧŋ ɔ ba mǝrei mǝsas pali gbɛs ka akor ka kalop kǝbana-e, ya ɔWan ka wuni mǝ ɔ yi rokor ka ȧŋthɔf mǝrei mǝsas pali gbɛsȧŋ.

Mathiu 16:21

Ka ȧŋlɔkɔ ŋati Yisɔsȧŋ ɔ tǝp kǝtɔri aŋkarande ŋɔŋ kǝpa ɔ ba kǝkɔ ro Yerusalɛm tǝ kǝnȧkȧsi mətȧy mǝgbȧthi ka mȧta ma aŋbȧki yi aŋfode ȧbana yi aŋkarmɔkɔ, ɔwa aŋ tǝ dif kɔ, ɔwa ka ȧŋrey aŋa bekȧ mǝsas a tǝ kȧl yokas kɔ.

Mathiu 20:19

Aŋ tǝ lȧnki kɔ ka tȧbona tǝlɔm kȧmȧ aŋ sel kɔ, ɔwa aŋ tǝ sap kɔ, aŋ tǝ tȧŋ kɔ ka kǝnt kǝpǝŋkinɛ. Ɔwa ka ȧŋrey aŋa bekȧ mǝsas-e, ɔ tǝ yokanɛ.

Mark 9:31

Pəkasifɛ ɔ thəksa aŋkarande ŋɔŋ, ɔ pa ro ŋaŋ, A tə lȧnki ɔWan ka wuni ka mȧta ma aŋfəm, ka aŋ tə dif kɔ; bepi a po dif kɔ-e, kədarəŋ ka mərey məsas ɔ tə kȧl yokanɛ.

Luk 24:26

ƆKrayst ɔ mar hɛ tə kənakasi mȧtȧy ame dɛ yi tə kəwɔŋ ka aŋyiki ŋɔŋ-i?

Luk 24:46

Ɔwa ɔ pa ro ŋaŋ, Ya a po gbal kəpa ɔKrayst ɔ yi tə kənakasi dɛ yi tə kəkal yokanɛ ka rəfi ka ȧŋrey aŋa bekȧ məsas,

Luk 9:22

ɔ tɔri ŋa kəpa ɔWan ka wuni ɔ ba tə kənakasi mȧtȧy məlai, aŋbȧki yi aŋfode yi aŋkarmɔkɔ aŋ tə kasi kɔ, ɔwa a tə dif kɔ. Ka ȧŋrey aŋa bekȧ məsas-e ɔ ba tə kəkal yokanɛ.

Yɔn 19:38

Kədarəŋ ka mȧtȧy ame, Yosɛf-əŋ ɔwe ro Arimathia, ɔwe yi ukarande ka Yisɔs, kɛrɛ rə ɔmaŋknɛ, ta rənes ra aŋYuda, ɔ nɛmthɛnɛ Payletȧŋ kȧmȧ ɔ selɔ ɔ kera kabel ka Yisɔs; ɔwa Payletȧŋ ɔ malanɛ. Tiyȧŋ ɔ der, ɔ thora kabel kɔŋ.

Mȧyɔs ma aŋsom 1:3

Ka aŋa sɔ ɔ tɔrinɛ ukəli kədarəŋ ka kanakasi kɔŋ, rə məseri məgbəraŋ məgbathi rə ɛlɔkɔ ɛgbaskɛ, ka mərey təgba tərəŋ-e, ɔwa ɔ fɔf ta rȧbȧy ra Kuru.

Mȧyɔs ma aŋsom 17:31

Pəkasifɛ ɔ po bot ȧrey ma ɔ ba kəthoŋkas ȧdȧru rə məlompi ka kȧta ka ɔwuni ɔwe ɔ po thith. Ɔwa ɔ po sɔŋ ti məlanɛnɛ ka aŋfəm bɛ ma ɔ po yokas kɔ ka rafi.

AŋRomans 6:4

Tiyȧŋ ka ȧŋbaftisəm ȧsu a maŋk su yi kɔn ka rəfi, soma mɔ mə a yɔ Krayst ɔ kȧl yokanɛ kətɔŋ ka aŋfi-e, ka aŋfɔsɔ ŋa ɔKas-e, yaŋ sɔ saŋ sə yi tə kəkɔth ka aroŋ da aŋesəm afu.

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

AŋHibru 13:20

Ɔwa ka-ake kaŋka ɔKuru ka mȧthɔfəl ɔwe poŋ yokas ɔMarki kȧsu Yisɔs ka rəfi-e, ɔTɔl talɔmɛ ubana; kətȧŋȧnɛ ka mȧtir ma aŋlemranɛ athəbana-e,

1 Pitar 1:11

kaŋ thɛns ko wuni, thalɔm ko alɔkɔ ɔYina ka Krayst rokor ka ŋaŋ ɔ tɔri ma ɔ ŋaibi ɛsɔmpanɛ ya Krayst dɛ yi aŋyiki aŋa mə tanda.