27 Ȧtesoma-e Kuru kɔnɔ bot mȧtȧy bɛ ka ȧtȧtək tɔŋ ratha. Kɛrɛ ma ɔ pa, Mȧtȧy bɛ mə yi kɔ roratha-e, pə yi gbəraŋ kəpa a lɔm hɛ kɔn ɔwe bot mȧtȧy bɛ roratha kɔŋ.
ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.
Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.
Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;
ƆKas ɔ bɔthər ɔWan, ɔwa ɔ po sɔŋ koko ka mȧta mɔŋ.
ȧke ɔ yɔ ka ȧŋgbȧp ŋa Krayst, ma ɔ yokas kɔ ka rafi, kɔ yɔ kɔ ɔ yirȧ ka kȧdiyɔ kɔŋ ka ɔyira wa riyana,
kɔ po bot tȧy o tȧy ka ȧtȧtək tɔŋ ratha, kɔ yɔ kɔ ɔ yi rȧbomp ra tȧy o tȧy ka aŋchɔch,
Kɛrɛ ta umȧleka ureke ɔ la thȧnkȧŋ pa hɔ; Yirȧ ka kȧdiyɔ kȧmi, haŋ i bot antheranɛ a mu Ka ȧtȧtək ta mu roratha-e?
Kɛrɛ ɔfode ɔwe-e, ma ɔ po sɔŋ sathka ta ɛhakɛ win haŋ thəbana, ɔ yirȧ ka kȧta kədiɔ ka Kuru.
Ɔwa mə po bot koko bɛ ka ȧtȧtək tɔŋ roratha. Ma ɔ bot koko roratha kɔŋ-e, pə yi mɔ ɔ tey hɛ koko ara te ba kəsanɛ do rɔŋɔŋ. Kɛrɛ ka-ake sə tha nənk hɛ mȧtȧy bɛ mə sanɛ do rɔŋɔŋ.
ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.
Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.