1 AŋKɔrenth 15:20 - Ȧŋlemrȧnɛ Ȧfu

²⁰ Kɛrɛ ka-ake Kraystȧŋ ɔ po kȧl yokanɛ ka rafi, kɔ yi mȧkomi mətɔtɔkɔ ka ŋaŋ aŋa dirȧ.

1 AŋKɔrenth 15:20 ပူးပေါင်းရင်းမြစ်များ

Mȧyɔs ma aŋsom 2:24

Ɔwe Kuru ɔ yokas ka rəfi ma ɔ po səli ɔbaŋ wa rəfi, pəkasifɛ pə fɔyɛ tȧy kəpa rafi rə wop kɔ.

Mȧyɔs ma aŋsom 26:23

kəpa Kraystȧŋ ɔ ba kənȧkȧsi, ɔwa kəpa kɔnɔ ɔ yi ɔtɔtɔkɔ tə kətaməs kawalɛ ka aŋfəm yi ka tȧbona təlɔm kətȧŋȧnɛ ka kȧyokanɛ ka aŋfi.

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

1 AŋKɔrenth 15:23

Kɛrɛ wuni o wuni ka kagbanth kɔŋ; Kraystȧŋ mȧkomi mətɔtɔkɔ; kədarəŋ kati ŋaŋ aŋa yi ka Krayst ka kȧder kɔŋ.

1 AŋKɔrenth 15:6

Kədarəŋ kati ɔ tɔrinɛ ka awɔnt athasi tɛmɛ tamath ka kətəma win, ɔwa agbȧthi pay aŋ tiyȧ haŋ ka-ake, kɛrɛ alɔm aŋ po fi.

AŋKɔlɔsi 1:18

Kɔnɔ yi rȧbomp ra ȧŋdɛr, pə yi mɔ aŋchɔch. Kɔnɔ yi ɔtəpɛr sɔ, dɛ yi ɔWan utɔtɔkɔ kəwur kətɔŋ ka aŋfi, kȧmȧ pə gbəli yi rə tȧy o tȧy ɔ ba matəma mətɔtɔkɔ.

1 AŋThɛsȧlonika 4:16

kotȧy-e ɔMarki gbeŋ ɔ tə thor kəwur ro riyana rə kəgbelegbele kəbana, dɛ yi ȧrim ra wurɔ ubana, dɛ yi kathɛma ka Kuru; ɔwa aŋfi rokor ka Krayst aŋ tə mɔtha yokanɛ.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 14:13

Ka i təlȧ rim kəwur ro riyana rə pa, Gbal ȧte, Aruba ŋaŋ aŋa fi ka ɔMarki kətəp ka-ake. Ya pə yi ɔYina ɔ pa, kȧmȧ aŋ fothanɛ ka mapanth maŋ; ȧtesoma-e mȧyɔs maŋ mə tȧŋ ŋa nɛp nɛp.