1 AŋKɔrenth 15:2 - Ȧŋlemrȧnɛ Ȧfu

² Ɔwa kətȧŋȧnɛ kati sɔ nə sɔthɔ kəkisi, bepi nə wop ma ɔbaksər, thambe nə po lanɛ kətiŋ.

1 AŋKɔrenth 15:2 ပူးပေါင်းရင်းမြစ်များ

Luk 8:13

Ŋaŋ ka aŋgbalaŋ, maŋ təl-e, aŋ malanɛ ȧrim yi məbɔnɛ, kɛrɛ maŋ te ba ɛthənk-e, aŋ lanɛ alɔkɔ agbut gbo; ma aŋgbɔnsanɛ aŋ bek-e, aŋ bȧrȧ kəmuth.

Mȧyɔs ma aŋsom 2:47

rə kəthɔkəs Kuru. Ka aŋfəm bɛ aŋ tȧrȧ ŋa rəka. Ka ɔMarki ɔ bȧrȧ ŋa ŋaŋ aŋa mə kisi ȧrey o rey.

Mȧyɔs ma aŋsom 8:13

Ɔwa Saymɔnȧŋ, kɔnɔ sɔ ɔ lanɛ; ɔwa ma a baftays kɔ-e, ɔ tiyȧ yi Filipȧŋ, kɔ kabanɛ ma ɔ nənk ɛmisali yi mȧtȧy məkabanɛ ama yɔnɛ.

AŋRomans 1:16

kotȧy-e i lap hɛ salata mapa məfinɔ ma Krayst, ȧtesoma-e mə yi aŋfɔsɔ ŋa Kuru tə kəkisis wuni o wuni ɔwe mə lanɛ; ka ɔtɔtɔkɔ ka aŋYuda, yi ka aŋKrik sɔ.

AŋRomans 11:22

Tiyȧŋ kəli mathɔth dɛ yi sɔ kabak rəfɔr ka Kurɔŋ; kəbak rəfɔr ro rɔŋaŋ aŋa fumpɔ, kɛrɛ do rɔmu məthɔth, bepi mə bȧsər kɔth ka mathɔth mɔŋ. Bepi pə yi hɛ yaŋ-e, a tə sim mu sɔ.

1 AŋKɔrenth 1:18

kotȧy-e, ȧŋpa ŋa akənt kəpəŋkiyɛ aŋ yi gbo apənk ka aŋa mə dinɛ; kɛrɛ ka saŋ aŋkisi, aŋ yi aŋfɔsɔ ŋa Kuru Məsaba.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 11:2

Awɔnt, i thɔkəs nu ma nə nanɛ mi ka mȧtȧy bɛ, dɛ yi nə wop ɔbaksər ɛpa mɔ mə i po lȧnki yi do rɔnu.

1 AŋKɔrenth 15:14

Ɔwa bepi Krayst ɔ tha yokanɛ hɛ ras-e, kakawandi kȧsu kə yi kətiŋ, dɛ yi kȧlanɛ ka nu kə yi kətiŋ sɔ.

2 AŋKɔrenth 2:15

Ȧtesoma-e, sə yi ȧŋbɔnt afɔlfɔl ŋa Krayst ka Kurɔŋ salata ŋaŋ aŋa po kisi, dɛ yi ŋaŋ sɔ aŋa mə dinɛ.

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋKȧletia 3:4

Nə po sɔmpanɛ mȧtȧy məgbȧthi kətiŋ gbo-i, bepi pə yi kətiŋ tə tɛntɛnɛ-i?

AŋƐfisɔs 2:8

kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

2 AŋThɛsȧlonika 2:15

Tiyȧŋ awɔnt, təmȧ nu ɔbaksər, ɔwa wop nu mathəksa məkur ama sə po tɔri nu, pə yi rə sim, thalɔm ka areka a su.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

AŋHibru 10:23

Maŋ wop nu gbaŋ kȧlanɛ kȧsu kȧmȧ kə te yiŋkthanɛ; kotȧy-e kɔn ɔwe sɔŋ su aŋlahiri ɔ yi ubɔthi lanɛ.

AŋHibru 2:1

Tȧsom sə yi tə kəbot ɛmerȧ ɛ su ɔbaksər ka tapa ȧtȧ sə po təl ta thani tə kathɛ su.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

AŋHibru 3:6

kɛrɛ Krayst ɔ yi ubɔthi lanɛ ka ȧŋseth ŋa Kuru mɔ uwan. Ɔwa saŋ sə yi ȧŋseth ŋɔŋ, bepi sə wop kapələnɛ dɛ yi mabɔnɛ ma kagbak ȧmerȧ kȧsu ɔbaksər haŋ ka ɔləpsɔ.

AŋHibru 4:14

Ɔwa, ma sə ba ufode ubana ɔwe po gbəkinɛ ȧŋriyana gbeŋ, pə yi mɔ Yisɔsȧŋ, ɔWan ka Kuru-e, maŋ wop nu maseri ma su gbaŋ,

Yeməs 2:14

Ko kə naŋfas-e, aŋwɔnt a mi, bepi wuni ɔ pa ɔ ba kəlanɛ, kɛrɛ mȧyɔs mɔŋ mə tɔri hɛ ki-e? Kȧlanɛ kati kə tə gbəli kisis kɔ-i?

Yeməs 2:17

Ya pə yi sɔ-e, kəlanɛ, bepi kə tɔri hɛ məyɔs, kə yi kəfi.

Yeməs 2:26

kotȧy-e mɔ mə ȧŋdɛr aŋ fi bepi aŋ ba hɛ ŋesəm-e, ya pə yi sɔ kəlanɛ kə fi bepi kə ba hɛ məyɔs.