1 AŋKɔrenth 15:15 - Ȧŋlemrȧnɛ Ȧfu

¹⁵ Yao, saŋ sə yi aseri ayem ŋa Kuru, pəkasifɛ sə po seri kəpa Kuru ɔ po yokas Krayst; ɔwe ɔ te yokas-e, bepi pə yi tɛntɛnɛ aŋfi aŋ yokanɛ hɛ.

1 AŋKɔrenth 15:15 ပူးပေါင်းရင်းမြစ်များ

Mȧyɔs ma aŋsom 2:24

Ɔwe Kuru ɔ yokas ka rəfi ma ɔ po səli ɔbaŋ wa rəfi, pəkasifɛ pə fɔyɛ tȧy kəpa rafi rə wop kɔ.

Mȧyɔs ma aŋsom 2:32

Yisɔs ɔwe-əŋ, kɔnɔ Kuru ɔ yokas, ɔwa saŋ bɛ sə yi ti məseri.

Mȧyɔs ma aŋsom 20:21

i seri ka aŋYuda yi aŋKrik kathupi ka Kuru, yi kȧlanɛ ka ɔMarki kȧsu Yisɔs Krayst.

Mȧyɔs ma aŋsom 4:10

ta naŋ bɛ yi aŋfəm ŋa ro Isrɛl bɛ, nə tȧrȧ kəpa, ka ȧŋes ŋa Yisɔs Krayst ɔwe ro Nasarɛth ɔwe nə tȧŋ ka akənt kəpəŋkinɛ-e, ɔwe Kuru ɔ yokas ka rəfi, ka ȧŋes ŋɔŋ gbeŋ ɔlaŋgba ɔwe ɔ təmȧ rodi ka nu uyeŋki mədɛr.

Mȧyɔs ma aŋsom 4:33

Aŋsom aŋ seri ta kȧyokanɛ ka ɔMarki Yisɔs rə afɔsɔ abana; ɔwa aboŋa abana aŋ yi rokɔm ka ŋaŋ.

1 AŋKɔrenth 15:13

Bepi kȧyokanɛ ka aŋfi kə yi hɛ-e, Krayst gbeŋ ɔ tha yokanɛ hɛ ras.

1 AŋKɔrenth 15:16

kotȧy-e bepi aŋfi aŋ yokanɛ hɛ-e, Krayst sɔ ɔ tha yokanɛ hɛ.

1 AŋKɔrenth 15:20

Kɛrɛ ka-ake Kraystȧŋ ɔ po kȧl yokanɛ ka rafi, kɔ yi mȧkomi mətɔtɔkɔ ka ŋaŋ aŋa dirȧ.