1 AŋKɔrenth 14:6 - Ȧŋlemrȧnɛ Ȧfu

⁶ Ɔwa awɔnt, bepi i der do rɔnu rə kəfɔf kənt kətel-e, ko kəmar mɛ sɔŋ nu-e, thambe i fɔfȧnɛ nu rə kətɔri, thalɔm rə kətara tȧy, thalɔm rə kənabi, thalɔm rə kəthəksa-e?

1 AŋKɔrenth 14:6 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Mathiu 16:17

Ka Yisɔs ɔ pa ro ŋɔŋ, Munɔ mǝ ba aruba Saymɔn ɔwan ka Yona, pǝkasifɛ wuni kǝpet ɔ tɔri hɛ ti ro mu, kɛrɛ ɔKas kȧmi ɔwe yi ro riyana.

Mathiu 16:26

To mǝ pǝ naŋfas wuni bepi ɔ sɔthɔ ȧdȧru bɛ, kɛrɛ ɔ dim aŋesǝm ŋɔŋ-e? Thalɔm ko wuni mǝ ɔ gbǝli sɔŋ tǝ kǝsinkar aŋesǝm ŋɔŋ-e?

Mȧyɔs ma aŋsom 2:42

kaŋ bȧsər bȧkər ka mȧtȧy məthəksa ma aŋsom, yi məmanɛ, yi ka kasiməth təbo, yi ka təramnɛ.

AŋRomans 15:14

Ka minɛ sɔ, aŋwɔnt mi, i lanɛ kəpa naŋ gbeŋ nə la yi məthɔth, dɛ yi kətara bɛ, ɔwa nə gbəli sɔ maŋsanɛ.

AŋRomans 16:17

Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

AŋRomans 6:17

Kɛrɛ sə muti Kuru mɔmɔ pəkasifɛ ma nə la yi ɛbɔy ya ahakɛ, nə po wop rə ȧmerȧ kathəksa ȧke a tɔri nu.

1 AŋKɔrenth 10:33

Mɔ mȧ minɛ i yɔ kȧmȧ pə bɔnɛ afəm bɛ ka tȧy o tȧy, ɔwa i thɛns hɛ ȧtȧ yi təbȧrnɛ ta ȧtȧ mi gboŋ-e, kɛrɛ ȧtȧ yi təbarnɛ ta agbȧthi, kȧmȧ aŋ kisi.

1 AŋKɔrenth 14:1

Tȧŋ tȧŋ nu mə ȧbɔthər, ɔwa fela nu ɛboya ya ro Yina, pə tha gbethi kȧmȧ nə gbəli nȧbi.

1 AŋKɔrenth 14:7

Hali ɛyɛt ɛyɛ te ba ŋesəm ɛ wurɔ sim, pə yi kuleŋ-o, thalɔm ɛfer ya nȧbeŋa-o, bepi ɛ wurɔ hɛ sim təgbaskɛ gbaskɛ-e, ko ma gbəli tȧrȧ ȧtȧ ma fɛŋ-e, thalɔm ȧtȧ ma fer-e?

2 AŋKɔrenth 11:6

Hali ma i yi uyay ka kəfɔf-e, i yi hɛ uyay ka kətara tȧy; sə poŋ ti tɔri gbafəth kətɔŋ ka nu bɛ rə roŋ o roŋ.

2 AŋKɔrenth 12:1

Thambe i kolonɛ, hali pə yi kə mar hɛ wuni, kɛrɛ i ti der ka mənənk dɛ yi təŋaybinɛ ta ɔMarki.

2 AŋKɔrenth 12:7

Ɔwa ta thani i ŋatanɛ ɔthasər-e, salata manəŋk məbana ame-e, a sɔŋ mi kəbȧnk ka ȧŋdɛr, pə yi mɔ ɔsom ka Sethani tə kəsɔmpa mi, kȧmȧ i te ŋatanɛ ɔthasər.

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋƐfisɔs 3:4

kȧmȧ pə yi ma nə karaŋ nə tə tȧrȧ kȧsɔthnɛ kȧmi ka aŋgbundu ŋa Kraystȧŋ.

AŋFilipai 3:15

Tiyȧŋ saŋ aŋa po tɛŋa rə kəlanɛ, maŋ ba nu ȧmerȧ awunɔŋ, ɔwa bepi nə ba ɛnanɛ ɛgbaskɛ ta tȧy o tay-e, Kuru ɔ tə tɔri nu ȧte sɔ.

2 Timɔthi 2:14

Yɔ kȧmȧ aŋ kȧl nanɛ mȧtȧy ame bɛ, ɔwa maŋ ŋa rodi ka Kuru kȧmȧ aŋ te thoŋka ka sim təyay yay, ȧtȧ mə yɛthəs aŋa təl ti.

2 Timɔthi 3:10

Kɛrɛ munɔ mə po tȧrȧ finɔ mathəksa ma mi dɛ yi mayi, yi mabotəs, yi kȧlanɛ, yi kamuyu, yi mabɔthər, yi katəma kȧmi kəŋkəŋ,

2 Timɔthi 3:16

Kuru ɔ tempəs ɛmerȧ yaŋ aŋa gbal mȧgbal məsəm bɛ, ama yi məbeki tə kəthəksa, yi tə kəmaŋ, yi tə kəlompəs, dɛ yi tə kərusəm salata məlompi,

2 Timɔthi 4:2

Taməs ȧrim ra Kuru. Bȧsər tɔri ri lɔkɔ o lɔkɔ. Ŋal ɔwa maŋ, ɔwa bȧksər rə kəmuyu kəte thamrɔ,

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 13:9

Te nu lafthɛ ka mȧthəksa mətel məgbanthɛ tətəp, kotȧy-e pǝ yi ɔfinɔ bepi a bȧkəs ɛmerȧ ɛ nu rɛ aboŋa-e, beta rɛ masəm ma ɛyɛt ɛdi ama te gbəli mar ŋaŋ aŋa wop ma.

2 Pitar 1:5

Ɔwa ma pə thas ȧte bɛ-e, bȧsər nu kȧmȧ nə bȧr ka kȧlanɛ ka nu, kəthɔth; dɛ yi ka kəthɔth-e, kətara tȧy;

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

2 Yɔn 1:9

Wuni o wuni ɔwe mə təmȧ kəri, ɔwa ɔ bȧkər hɛ ka mathəksa ma Kraist-e ɔ ba hɛ Kuru. Kɛrɛ kɔn ɔwe bȧkər ka mathəksa ma Krayst, ɔkati ɔ ba ɔKas yi ɔWan sɔ.