1 AŋKɔrenth 14:3 - Ȧŋlemrȧnɛ Ȧfu

³ Kɛrɛ kɔn ɔwe mə nabi-e, ɔ fɔf tə kətempəs ɛmerȧ ya afəm yi kəbaksər dɛ yi kəbɛfəth.

1 AŋKɔrenth 14:3 ပူးပေါင်းရင်းမြစ်များ

Luk 3:18

Ɔwa Yɔnȧŋ ɔ kawandi ȧkɛra kəfinɔ ka aŋfəm, yi ɛmaŋ ɛlɔm ɛgbathi.

Mȧyɔs ma aŋsom 13:15

Ɔwa maŋ po karaŋ ȧŋthɔ yi mȧgbal ma Aŋnȧbi, aŋgbəka ŋa ȧŋseth agbanɛ aŋ som ro rɔŋaŋ, aŋ pa, Wɔnt a su, bepi nə ba kɛra tə kəmaŋ aŋfəm, fɔf nu.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

Mȧyɔs ma aŋsom 15:32

Ka Yudasȧŋ yi Sailas-əŋ, maŋ yi Aŋnȧy sɔ-e, aŋ maŋ aŋwɔnt rə sim təlai, aŋ bȧksər ŋa.

Mȧyɔs ma aŋsom 4:36

Ɔwa Yosɛfȧŋ ɔwe aŋsom aŋ sɔŋ ȧŋes ŋa Barnabas, (bepi a tepa ŋi ŋə yi Wan ka kȧBɛfəth), uLifay wɔŋ, wuni ka ro Siprɔs,

Mȧyɔs ma aŋsom 9:31

Ka aŋchɔch ro Yudia, ro Kalili yi ro Samaria aŋ ba məthɔfəl, ɔwa aŋ sɔthɔ kəbaksər. Ɔwa maŋ kɔth ka ranes ra ɔMarki yi ka kȧbɛfəth ka ɔYina məsəm-e, aŋ bȧrnɛ.

AŋRomans 12:8

dɛ yi ɔwe mə maŋ afəm-e, ka kȧmȧŋ kɔŋ; ɔwe mə boya-e, ta ɔ yɔ ti rə ȧmerȧ aselɔ; ɔwe mə gbəka-e ta ɔ yɔ ti rə kəbotnɛ ȧmerȧ; ɔwe mə tɔri ȧney-e, ta ɔ yɔ ti rə məbɔnɛ.

AŋRomans 14:19

Tiyȧŋ maŋ taŋanɛ nu mȧtȧy ama mə sɔŋ məthɔfəl, yi mȧtȧy ama mə tempəs ukin yi ulɔmȧŋ.

AŋRomans 15:2

Ta kin o kin kȧsu ɔ thesis ɔfatanɛ kɔŋ ta ȧtȧ yi təfinɔ tə kətempəs kɔ.

1 AŋKɔrenth 10:23

Mȧtȧy bɛ mə yi məlompi ta ȧtȧ mi, kɛrɛ mȧtȧy bɛ mə yi hɛ məmari. Mȧtȧy bɛ mə yi məlompi ta ȧtȧ mi, kɛrɛ mȧtȧy bɛ mə mar hɛ ȧmerȧ.

1 AŋKɔrenth 14:12

Ya pə yi sɔ naŋ, fela nu ɛboya ɛsəm ɛyɛ ka ɔYina. Tim nu tə kəsɔthɔ ara tha thesa tə kətempəs aŋchɔch.

1 AŋKɔrenth 14:17

Tə tɛntɛnɛ mə sɔŋ ȧmɔmɔ afinɔ, kɛrɛ mə mar hɛ ulɔm.

1 AŋKɔrenth 14:26

To pə yi thɔŋ-a awɔnt? Bepi nə thoŋklanɛ rɔkin-e, wuni o wuni ɔ ba aleŋ, ɔ ba kəthəksa, ɔ ba kənt kətel, ɔ ba tȧy təŋȧybi, thalɔm ɔ ba kətepa. Ɔwa yɔ kȧmȧ tȧy o tȧy tə tempəs ȧŋmerȧ.

1 AŋKɔrenth 14:31

kotȧy-e na bɛ nə gbəli nȧbi ukin kin kȧmȧ na bɛ nə thəkəs dɛ yi nə sɔthɔ kəbɛfəth.

1 AŋKɔrenth 8:1

Ɔwa ta salata ɛyɛt ɛdi ɛyɛ a fȧkȧ ɛrɔŋ-e, sə tȧrȧ kəpa pə sɔk su bɛ ta ti. Ɔwa kətara tȧy kə tə ŋata ȧmerȧ, kɛrɛ mȧbɔthər mə tə sɔŋ kətemp.

2 AŋKɔrenth 1:4

ɔwe mə bɛfəth su ka ɛsɔmpanɛ ɛ su bɛ, kȧmȧ saŋ sɔ sə gbəli bɛfəth ŋaŋ aŋa yi rə asɔmpanɛ o sɔmpanɛ, kətȧŋȧnɛ ka kȧbɛfəth gbeŋ ȧke Kuru mɔ bɛfəth su.

2 AŋKɔrenth 2:7

Tiyȧŋ ka-ake pə fisa thɔŋ nə tera kɔ, ɔwa nə bɛfəth kɔ, bepi pə yi hɛ ti thani, ɔ dinɛ ratha ka ɔnɔsinɛ ɔbana.

AŋƐfisɔs 4:29

Te nu selɔ rim o rim rələs rə wur ka tasəŋ ta nu, kɛrɛ fɔf gbo sim təfinɔ ȧtȧ mə yi təbeki tə kəsɔŋ aboŋa ka ŋaŋ aŋa mə təl.

AŋƐfisɔs 6:22

I poŋ som kɔ do rɔnu kȧmȧ nə tȧrȧ ta ȧtȧ su, dɛ yi kȧmȧ ɔ bɛfəth ɛmerȧ ɛ nu.

AŋKɔlɔsi 4:8

ȧtesoma-e i po som kɔ ro rɔnu ta ȧŋsabu ŋati gbeŋ, kȧmȧ nə gbəli tȧrȧ to pə yi do rɔsu, dɛ yi kȧmȧ ɔ bɛfəth ɛmerȧ ɛ nu.

1 AŋThɛsȧlonika 2:11

Ma pə yi nə tȧrȧ to sə la yɔ nu, mɔ ukas ɔwe thɔnthɔ aŋwuth ŋɔŋ tə kəmaŋ nu, yi kəbaksər nu, dɛ yi kəsɔŋ məseri.

1 AŋThɛsȧlonika 2:3

kotȧy-e ȧŋmȧŋ a su aŋ wur hɛ rə kəyɛthȧ, thalɔm məpulkɛ, ta a pa ras məsɔth;

1 AŋThɛsȧlonika 3:2

kȧmȧ i som Timɔthi, ɔwɔnt su yi usom ka Kuru ka mapanth ma ȧkɛra kəfinɔ ka Kraystȧŋ; tə kəbaksər nu, yi tə kəbɛfəth nu salata kȧlanɛ ka nu.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

1 AŋThɛsȧlonika 4:18

Te ba ti bɛfəthanɛ ɛmerȧ ɛ nu rə ȧsim ȧte.

2 AŋThɛsȧlonika 3:12

Sə yamari dɛ yi sə maŋ afəm awunɔŋ ka ɔMarki kȧsu Yisɔs Kraystȧŋ, kȧmȧ aŋ yɔ mapanth maŋ ka məthɔfəl, ɔwa ta aŋ kȧl bulɔ tə kəsɔthɔ ara mə aŋ gbəli di.

1 Timɔthi 1:4

Thalɔm kȧmȧ aŋ te sua ɛləns ka ɛmump yi ɛbȧrki ɛte ba ɔthalnɛ salata tȧkomra təbana, ɛyɛ mə kȧrȧ gbo məsɔkanɛ; beta ti, ta aŋ rusəm aŋfəm ka tȧteŋ yi ka ɛpa ya kȧlanɛ. Yaŋ mə yi tə kəyɔ.

1 Timɔthi 4:13

Sɔŋ ȧŋmerȧ a mu ɔbaksər tə kəkaraŋ, yi tə kəmaŋ, dɛ yi tə kəthəksa haŋ i der.

1 Timɔthi 6:2

Ŋaŋ aŋa ba amarki apoŋ lanɛ, ŋa yi hɛ tə kəfəŋfsir ŋa, kotȧy-e ŋa yi rəwɔnt; kɛrɛ ta aŋ bȧr gbo yɔna ŋa rə ȧmerȧ ȧferȧ, ȧtesoma-e aŋa mə sɔthɔ kayɔna kati ŋa yi alanɛ yi ayathki. Ɔwa maŋ dɛ yi thəksa mȧtȧy ame.

2 Timɔthi 4:2

Taməs ȧrim ra Kuru. Bȧsər tɔri ri lɔkɔ o lɔkɔ. Ŋal ɔwa maŋ, ɔwa bȧksər rə kəmuyu kəte thamrɔ,

Taytɔs 1:9

Ta ɔ wop ɔbaksər ȧsim təbɔthi lanɛ ȧtȧ a po thəksa kɔ, kama-e, kətȧŋȧnɛ ka ȧkɛra ka təteŋ-e, ɔ gbəli maŋ tə kəbaksər alɔm dɛ yi tə kəgbakia aŋfəm aŋa ba ɛpɛnsa.

Taytɔs 2:15

Tɔri mȧtȧy ame-e, ɔwa maŋ dɛ yi ŋal rə afɔsɔ bɛ. Te selɔ wuni o wuni ɔ farki mu.

Taytɔs 2:6

Maŋ sɔ aŋlaŋgba kȧmȧ aŋ yi afəm akəthɛgbɛ.

Taytɔs 2:9

Maŋ atar kȧmȧ aŋ wop ȧrim ra aŋa ba ŋa, tə kəthesanɛ ŋa finɔ rə tȧy o tȧy; ɔwa aŋ yi hɛ tə kəpɛnsanɛ,

AŋHibru 10:25

Ɔwa maŋ te nu pənɛ tə kəgbanɛ rɔkin, mɔ mə afəm alɔm mə aŋ pənɛ; kɛrɛ maŋ bȧksəranɛ nu təbuth, pə tha gbethi ma nə nənk kəpa ȧŋrey ŋa Krayst aŋ po fat.

AŋHibru 13:22

I nɛmthɛnɛ nu awɔnt, muyu nu ȧŋmȧŋ aŋe, ȧtesoma-e i po gbalər nu gbo areka agbut.

AŋHibru 3:13

Kɛrɛ maŋanɛ nu alɔkɔ bɛ, ma pə yi ras thonɔŋ, kȧmȧ aŋyaŋfa ŋa ahakɛ aŋ te yɔ ɛmerȧ ɛ nu ɛ gbolŋa.

1 Pitar 5:12

I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.

Yud 1:20

Kɛrɛ naŋ, ȧŋbɔthər a mi, bȧkəsnɛ nu ka kȧlanɛ ka nu kəsəm, ɔwa ramnɛ nu ka ɔYina məsəm.