1 AŋKɔrenth 14:20 - Ȧŋlemrȧnɛ Ȧfu

²⁰ Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

1 AŋKɔrenth 14:20 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Mathiu 18:3

kɔ pa, Tɛntɛnɛ i kanɛ nu, Thambe nǝ lȧfthi ɛmerȧ ɛ nu-e, nǝ sǝkɛ mɔ afɛth alɔl-e, nǝ gbǝli hɛ wɔŋ ka rȧbȧy ra ro riyana.

Mathiu 19:14

Kɛrɛ Yisɔsȧŋ ɔ pa, Ter aŋfɛth kȧmȧ aŋ der ro mi, te nu bɛnt ŋa, kotȧy-e, awunɔŋ ŋa ba rȧbȧy ra ro riyana.

Mathiu 19:4

kɔ wosa ɔ pa ro ŋaŋ, Nǝ tha karaŋ hɛ kǝpa kɔnɔ ɔwe bɛmpa ŋa kǝbi ka ɔtǝpɛr ɔ bɛmpa ŋa uruni dɛ yi ubɛra-i?

Mark 10:15

Tɛntɛnɛ i kanɛ nu, Wuni o wuni ɔwe mə te malanɛ rȧbȧy ra Kuru mɔ uwath-e, ɔgbəli hɛ wɔŋ ri.

Luk 18:17

Tɛntɛnɛ i pa ro nu, wuni o wuni ɔwe te malanɛ rȧbȧy ra Kuru mɔ wath ufɛth ɔ gbəli hɛ wɔŋ ri.

AŋRomans 1:13

Aŋwɔnt a mi i yema kȧmȧ nə tȧrȧ kəpa i ba ti rə ȧmerȧ alɔkɔ ȧgbȧthi tə kəder ro rɔnu, (kɛrɛ tȧy tə bɛnt mi haŋ thonɔŋ) kȧmȧ i gbəli ba məkomi kətɔŋ ka nu sɔ, mɔ mȧ i ba ka tȧbona təlɔm.

AŋRomans 16:19

A po tȧrȧ kabɔthi lanɛ ka nu dɛr o dɛr. Tiyȧŋ pə bɔnɛ mi bɛ ta ȧtȧ nu; kɛrɛ i yema nu nə yi atempi salata tȧfinɔ, yi apaŋi tȧy salata tȧləs.

1 AŋKɔrenth 13:11

Ȧke i yi wath-e, i fɔf mɔ wath, i nanɛ mɔ wath, i tȧmtȧmnɛ mɔ wath; kɛrɛ ma i po tɛŋa-e, i gbapɛ mȧtȧy ma rəfɛth.

1 AŋKɔrenth 14:19

Kɛrɛ kətɔŋ ka aŋchɔch i tha fela tə kəfɔf sim tamath rɛ yi kȧtȧrȧ kȧmi kȧmȧ i gbəli thəksa alɔm sɔ-e, pəthas sim ɛwul tɔfɔt rə kənt kətel.

1 AŋKɔrenth 2:6

Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

AŋƐfisɔs 4:13

Haŋ saŋ bɛ sə sɔthɔsnɛ ȧŋmerȧ ŋin ŋa kȧlanɛ dɛ yi kȧtȧrȧ ka ɔWan ka Kuru, pə yi mɔ sə bek ka rawuni rəgbenthis, ka katɛŋa ka ɔlasər wa Krayst.

AŋFilipai 1:9

Ta ȧte sɔ-e i ramnɛ kȧmȧ mabɔthər ma nu mə gbəli bȧrnɛ haŋ ka kətara dɛ yi kətemp bɛ.

AŋFilipai 3:15

Tiyȧŋ saŋ aŋa po tɛŋa rə kəlanɛ, maŋ ba nu ȧmerȧ awunɔŋ, ɔwa bepi nə ba ɛnanɛ ɛgbaskɛ ta tȧy o tay-e, Kuru ɔ tə tɔri nu ȧte sɔ.

1 Pitar 2:2

mɔ təlɛnth, fela nu ȧmȧsȧ mətəteŋ ma ȧrim ra Kuru, kȧmȧ ri kati-e, nə tɛŋa.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.