1 AŋKɔrenth 14:2 - Ȧŋlemrȧnɛ Ȧfu

² Ȧtesoma-e ɔwe mə fɔf ka kənt kətel-e, ɔ fɔfȧnɛ hɛ afəm, ɔ fɔfȧnɛ Kuru; kotȧy-e pə sɔk hɛ wuni o wuni, ma pə yi ɔ fɔf ɛgbundu kətȧŋȧnɛ ka ɔYina.

1 AŋKɔrenth 14:2 ပူးပေါင်းရင်းမြစ်များ

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Mark 16:17

Ɔwa ɛmisali ɛye ɛ tə tȧŋ ŋa aŋa lanɛ; aŋ tə wurɔ akərəfi ka ȧŋes a mi; aŋ tə fɔf tənt təfu;

Mark 4:11

kɔ pa ro ŋaŋ, A sɔŋ nu tə kətara aŋgbundu ŋa rȧbȧy ra Kuru, kɛrɛ ka ŋaŋ aŋa yi rokaŋ-e, mȧtȧy ame bɛ mə yɔnɛ rə ɛlomɔ,

Mȧyɔs ma aŋsom 10:46

Pəkasifɛ aŋ təlȧ ŋa aŋ fɔf tənt tətel, aŋ thɔkəs Kuru. Ka Pitaŋ ɔ lasi, ɔ pa,

Mȧyɔs ma aŋsom 19:6

Ɔwa ma Pɔl ɔ reŋ ŋa mȧta mɔŋ-e, ɔYina məsəm ɔ thorər ŋa; kaŋ fɔf tənt, aŋ nȧbi.

Mȧyɔs ma aŋsom 22:9

Ɔwa ŋaŋ aŋa yi yi minɛŋ aŋ nənk kəwalɛ tɛntɛnɛ, kɛrɛ aŋ təl hɛ ȧrim ra ɔwe fɔfȧnɛ mi.

AŋRomans 16:25

Ka-ake kɔn ɔwe gbəli bȧksər nu kətȧŋȧnɛ ka mapa məfinɔ ma Kuru ama a maŋkər mi, dɛ yi aŋkanɛ salata Yisɔs Kraystȧŋ, mɔlɔ ma kaŋaybi ka aŋgbundu aŋa a maŋk kȧbi ka ɔtəpɛ,

1 AŋKɔrenth 12:10

Ka ulɔm a sɔŋ kəyɔ məyɔs məkabanɛ; ka ulɔm kənabi; ka ulɔm, kətara ɔgbaskɛ wa mȧtȧy ma ro Yina; ka ulɔm, tənt təgbanthɛ tətəp; ɔwa ka ulɔm-e a sɔŋ aŋfɔsɔ tə kətepa tənt.

1 AŋKɔrenth 12:28

Kuru ɔ po bot ti ka aŋgbanɛ ŋa aŋfəm ŋɔŋ kȧmȧ alɔm aŋ tə yi asom, kəbeka ŋarəŋ anȧbi, kəbeka asas akarmɔkɔ, kədarəŋ kati məyɔ məkabanɛ, ɛboya ya kəyeŋkəs, kəmar, agbəka, yi tənt tətəp.

1 AŋKɔrenth 13:1

Hali i fɔf atənt ta afəm yi amaleka-e, bepi i ba hɛ məbɔthər-e, i səkɛ mɔ akɛm arəmi, thalɔm mɔ adaro.

1 AŋKɔrenth 13:2

Hali i ba aŋfɔsɔ tə kənȧbi-e, ɔwa i sɔthnɛ ɛgbundu dɛ yi kətara tȧy bɛ; ɔwa hali i ba kəlanɛ bɛ haŋ thɔŋ i gbəli tɔŋa təteŋ, bepi i ba hɛ məbɔthər-e, i yi hɛ koko.

1 AŋKɔrenth 14:16

Bepi pə yi hɛ ti-e, ma mə ruba ŋa rɛ yi ȧŋmerȧ a mu-e, to kɔnɔ ɔwe te tȧrȧ ɔ gbəli pa, Amina, ka kamuti ka mu mɔmɔ-e, ma pə sɔk hɛ kɔ ȧtȧ mə pa-e?

1 AŋKɔrenth 14:26

To pə yi thɔŋ-a awɔnt? Bepi nə thoŋklanɛ rɔkin-e, wuni o wuni ɔ ba aleŋ, ɔ ba kəthəksa, ɔ ba kənt kətel, ɔ ba tȧy təŋȧybi, thalɔm ɔ ba kətepa. Ɔwa yɔ kȧmȧ tȧy o tȧy tə tempəs ȧŋmerȧ.

1 AŋKɔrenth 15:51

Kəla, i tɔri nu agbundu. Saŋ bɛ tha aŋa ba kəfi, kɛrɛ a tə siŋkar su bɛ.

1 AŋKɔrenth 2:10

Kɛrɛ Kuru ɔ po ŋaibi ma ro rɔsu ka ɔYina məsəm, kotȧy-e ɔYina məsəm ɔ thekthek mȧtȧy bɛ, yao, hali mȧtȧy məbɔlɔŋ ma Kuru.

1 AŋKɔrenth 2:7

Kɛrɛ sə fɔf gbo kȧtemp ka aŋgbundu ŋa Kuru, pə yi mɔ kȧtemp kəmȧnknɛ ȧke Kuru ɔ botəs thəpaŋ yeŋka ȧdȧru rə təpɛ, ta salata aŋyiki a su.

AŋƐfisɔs 6:19

Dɛ yi ta ȧtȧ mi sɔ, kȧmȧ a sɔŋ mi sim dɛ yi kəmintha kȧmȧ i gbəli tɔri aŋgbundu ŋa ȧkɛra kəfinɔ ka Kuru Məsaba kəte ba rənes.

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 3:9

kaŋ yi tə kəwop aŋgbundu ŋa kȧlanɛ rə ȧmerȧ ȧferȧ.

Kȧŋȧibinɛ 10:7

Kɛrɛ ka marey mati ma ɔmaleka ɔwe bekȧ tȧmthədɛrəŋ ɔ təp kəfɛŋ-e, aŋgbundu ŋa Kuru aŋ tə lasər mɔlɔ ma ɔ po tɔri ɛbɔy yɔŋ Aŋnȧbi thəpaŋ.