1 AŋKɔrenth 13:2 - Ȧŋlemrȧnɛ Ȧfu

² Hali i ba aŋfɔsɔ tə kənȧbi-e, ɔwa i sɔthnɛ ɛgbundu dɛ yi kətara tȧy bɛ; ɔwa hali i ba kəlanɛ bɛ haŋ thɔŋ i gbəli tɔŋa təteŋ, bepi i ba hɛ məbɔthər-e, i yi hɛ koko.

1 AŋKɔrenth 13:2 ပူးပေါင်းရင်းမြစ်များ

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Mathiu 17:20

kɔ pa ro ŋaŋ, Salata kate lanɛ ka nu. Tɛntɛnɛ i kanɛ nu, Bepi gbo nǝ ba kǝlanɛ mɔ aluka ŋa amustard nǝ gbǝli pa ka kateŋ ake, Tɔnɛ nɔ mǝ kɔ ro, ɔwa kǝ tǝ tɔnɛ. Ɔwa koko rǝ tui hɛ nu tȧy.

Mathiu 21:19

Ma ɔ nənk ŋǝnt ŋa aŋgbɔnɔ ro roŋ dayɛr-e, ɔ fatǝr ŋi, kɛrɛ ɔ bǝp hɛ ri koko pǝthas gbo ɛbɔpǝr son, kɔ kanɛ ŋi, Ta akomi aŋ te sɔ wur mu thȧnkȧŋ. Ka ɔlɛmp wati aŋǝnt ŋa aŋgbɔnɔ aŋ wela.

Mathiu 21:21

Ka Yisɔsȧŋ ɔ wosa, ɔ pa ro ŋaŋ, Tɛntɛnɛ i pa ro nu, Bepi nǝ ba kǝlanɛ-e, ɔwa nǝ sikɛ hɛ-e, nǝ ba hɛ gbo kǝyɔ ȧte i yɔ aŋǝnt ŋa aŋgbɔnɔ-e, kɛrɛ hali nǝ pa ka kateŋ ake, Yokanɛ mǝ fithanɛ ro baŋ, pǝ tǝ yɔnɛ.

Mȧyɔs ma aŋsom 13:1

Ɔwa anȧbi yi akarmɔkɔ alɔm aŋ yi ka aŋchɔch ŋa ro Antiɔk, Banabasȧŋ yi Simiyɔnȧŋ ɔwe a bont Nikər, yi Lusiɔsȧŋ ɔwe ro Sirini yi Manɛnȧŋ ɔwe a rusəm yi Hɛrɔd ɔTɛtrark, yi Sɔlȧŋ.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

AŋRomans 15:14

Ka minɛ sɔ, aŋwɔnt mi, i lanɛ kəpa naŋ gbeŋ nə la yi məthɔth, dɛ yi kətara bɛ, ɔwa nə gbəli sɔ maŋsanɛ.

AŋRomans 16:25

Ka-ake kɔn ɔwe gbəli bȧksər nu kətȧŋȧnɛ ka mapa məfinɔ ma Kuru ama a maŋkər mi, dɛ yi aŋkanɛ salata Yisɔs Kraystȧŋ, mɔlɔ ma kaŋaybi ka aŋgbundu aŋa a maŋk kȧbi ka ɔtəpɛ,

1 AŋKɔrenth 11:4

Te ba ti, wan duni o wan duni ɔwe mə ramnɛ thalɔm ɔ kawandi kəba rȧbomp rɔŋ rə gbəpər, ɔ lapəs rȧbomp rɔŋ.

1 AŋKɔrenth 12:28

Kuru ɔ po bot ti ka aŋgbanɛ ŋa aŋfəm ŋɔŋ kȧmȧ alɔm aŋ tə yi asom, kəbeka ŋarəŋ anȧbi, kəbeka asas akarmɔkɔ, kədarəŋ kati məyɔ məkabanɛ, ɛboya ya kəyeŋkəs, kəmar, agbəka, yi tənt tətəp.

1 AŋKɔrenth 13:1

Hali i fɔf atənt ta afəm yi amaleka-e, bepi i ba hɛ məbɔthər-e, i səkɛ mɔ akɛm arəmi, thalɔm mɔ adaro.

1 AŋKɔrenth 13:3

Ɔwa, hali i yer ɛyɛ i ba tə kəwɔnthər ȧŋmɔnɛ, hali i sɔŋ ȧŋdɛr a mi kȧmȧ a thɔy ŋi-e, bepi i ba hɛ məbɔthər-e, tə naŋfas hɛ mi koko.

1 AŋKɔrenth 13:8

Mȧbɔthər mə thamrɔ hɛ thȧnkȧŋ. Pə yi kənȧbi-o, kə tə thas; pə yi kəfɔf rɛ tənt-o, kə tə thalnɛ; pə yi kətara tay-o, kə tə poŋ.

1 AŋKɔrenth 14:29

Anȧbi ŋarəŋ thalɔm asas aŋ yi tə kəfɔf, ɔwa aŋlɔm aŋ yi tə kəthoŋkas ti.

1 AŋKɔrenth 14:39

Tiyȧŋ, awɔnt, fela nu tə kənabi, ɔwa te bɛnt tə kəfɔf tənt tətel.

1 AŋKɔrenth 14:4

Ɔwe mə fɔf kənt kətel-e, ɔ tempəs ȧŋmerȧ ŋɔŋ, kɛrɛ kɔnɔ ɔwe mə nabi-e, ɔ tempəs aŋchɔch.

1 AŋKɔrenth 15:51

Kəla, i tɔri nu agbundu. Saŋ bɛ tha aŋa ba kəfi, kɛrɛ a tə siŋkar su bɛ.

1 AŋKɔrenth 16:22

Bepi wuni o wuni ɔ bɔthər hɛ ɔMarki Yisɔs Kraystȧŋ, ta ɔ yi uraŋka. Kaŋka ɔMarki kȧsu ɔ der.

1 AŋKɔrenth 4:1

Nə yi tə kəkəli su mɔlɔ ma ɛbɔy ya Krayst aŋa mə kɔtha ɛgbundu ya Kuru.

1 AŋKɔrenth 7:19

Kəbirons kə ba hɛ tȧy, yi kəte birons kə ba hɛ tȧy, kɛrɛ kəwop ɛthɔ ya Kuru-e, ka ba tȧy.

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

2 AŋKɔrenth 12:11

I po yɔ apənk, kɛrɛ naŋ nə korakora mi; ɔwa pə yi nə yi naŋ tə kəkolo mi, kotȧy-e minɛ i yi hɛ roȧarəŋ ka aŋsom abana bana ta koko bɛ, hali ma i te yi koko.

AŋKȧletia 5:16

Ɔwa i pa hɔ, Kɔth nu ka ɔYina kȧmȧ nə te lasər ɛfela ɛləs ya madɛr.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 6:3

Bepi wuni ɔ nanɛ ɔ yi wuni bana bana-e ma ɔ te yi koko-e, ɔ tɔnsnɛ.

AŋƐfisɔs 3:4

kȧmȧ pə yi ma nə karaŋ nə tə tȧrȧ kȧsɔthnɛ kȧmi ka aŋgbundu ŋa Kraystȧŋ.

AŋƐfisɔs 6:19

Dɛ yi ta ȧtȧ mi sɔ, kȧmȧ a sɔŋ mi sim dɛ yi kəmintha kȧmȧ i gbəli tɔri aŋgbundu ŋa ȧkɛra kəfinɔ ka Kuru Məsaba kəte ba rənes.

AŋKɔlɔsi 1:26

hali aŋgbundu aŋa a la maŋk kəwur ka ɛyamana ya təkomra bɛ ȧtȧ po thas, kɛrɛ ka-ake a ŋaibi ŋi gbafəth ka afəm ŋɔŋ asəm.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Yɔn 4:8

Kɔn ɔwe mə te bɔthər ɔ tɛ hɛ Kuru; kotȧy-e, Kuru ɔ yi məbɔthər.