1 AŋKɔrenth 12:18 - Ȧŋlemrȧnɛ Ȧfu

¹⁸ Kɛrɛ Kuru ɔ po bot malaŋktha reke o reke ka ȧŋdɛr, mɔ mɔ nəŋka ti ɔfinɔ.

1 AŋKɔrenth 12:18 ပူးပေါင်းရင်းမြစ်များ

Luk 10:21

Ȧŋlɔkɔ ŋati ɔYina məsəm ɔ lasər Yisɔsȧŋ yi məbɔnɛ, kɔ pa, I mɔmɔ mu ɔKas, ɔMarki ka ro riyana yi ȧdȧru, ma mə po maŋk mȧtȧy ame ka aŋtempi yi aŋtara tȧy, ɔwa mə tɔri ma ka aŋfɛth. Yao ɔKas pəkasifɛ ame mə yi mȧselɔ ma mu.

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

AŋRomans 12:3

kotȧy-e, salata ȧŋboŋa aŋa a sɔŋ mi-e, i pa ka wuni o wuni ɔwe yi kətɔŋ ka nu, ta ɔ te nanɛnɛ pəthas ȧtȧ ɔ yi tə kənanɛ; ta ɔ nanɛ gbo rə ȧmerȧ akəthɛgbɛ, ukin o kin mɔ mȧ Kuru ɔ poŋ thuntha kɔ kȧlanɛ.

AŋRomans 12:6

Ma pə yi ti-e, sə ba ɛboya ɛgbanthɛ kətaŋ ka ȧŋboŋa ma sɔŋ su, pə yi kətaməs mɔ unabi, ta sə yɔ ki mɔlɔ ma kȧlanɛ kȧsu kə yi.

1 AŋKɔrenth 12:11

Kɛrɛ ɔYina ɔkin kati ɔ yɔ mȧtȧy mati ame bɛ, kɔ yerəs wuni o wuni mɔ mɔ selɔ.

1 AŋKɔrenth 12:17

Bepi ȧŋdɛr bɛ aŋ yi gbo rafɔr-e, reke katəl kə gbəli yi-a? Bepi ȧŋdɛr bɛ aŋ yi aŋləns-e, reke katəl abont kə gbəli yi-a?

1 AŋKɔrenth 12:19

Bepi aŋ yi alaŋktha ŋin gbo-e, reke ȧŋdɛr maŋ yi-a?

1 AŋKɔrenth 12:24

Kɛrɛ malaŋktha ma su məfinɔ mə paŋ hɛ ti; Kuru ɔ po tɔsanɛ ȧŋdɛr rɔkin, ɔ sɔŋ ayiki abana ka ȧŋgbȧp aŋa paŋ ayiki,

1 AŋKɔrenth 12:28

Kuru ɔ po bot ti ka aŋgbanɛ ŋa aŋfəm ŋɔŋ kȧmȧ alɔm aŋ tə yi asom, kəbeka ŋarəŋ anȧbi, kəbeka asas akarmɔkɔ, kədarəŋ kati məyɔ məkabanɛ, ɛboya ya kəyeŋkəs, kəmar, agbəka, yi tənt tətəp.

1 AŋKɔrenth 15:38

Kɛrɛ Kuru ɔ sɔŋ pi adɛr mɔ mə pə thesanɛ kɔ, ɔwa ka məter ɔ məter ɔ sɔŋ ȧŋdɛr ŋati.

1 AŋKɔrenth 3:5

Kanɛ yi Pɔl-əŋ-e? Ɔwa kanɛ yi Apɔlɔs-e? Aŋ yi gbo aŋsom ŋa Kuru kətaŋ ka aŋa nə lanɛ, mɔ mə ɔMarki ɔ sɔŋ afɔsɔ ka kin o kin.

AŋƐfisɔs 1:5

kotȧy-e ɔ bot su thəpaŋ tə kəsɔthɔ matəma gbeŋ ma awuth asabu ŋa Yisɔs Krayst, mɔ mə mȧthesȧ ma mȧselɔ mɔŋ mə yi

AŋƐfisɔs 1:9

ma ɔ poŋ tɔri su aŋgbundu ŋa mȧselɔ mɔŋ, mɔ mə mȧselɔ mɔŋ məfinɔ mə yi ama ɔ ba ka aŋyɛthɛ ŋɔŋ.

Kȧŋȧibinɛ 4:11

Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.