1 AŋKɔrenth 12:10 - Ȧŋlemrȧnɛ Ȧfu

¹⁰ Ka ulɔm a sɔŋ kəyɔ məyɔs məkabanɛ; ka ulɔm kənabi; ka ulɔm, kətara ɔgbaskɛ wa mȧtȧy ma ro Yina; ka ulɔm, tənt təgbanthɛ tətəp; ɔwa ka ulɔm-e a sɔŋ aŋfɔsɔ tə kətepa tənt.

1 AŋKɔrenth 12:10 ပူးပေါင်းရင်းမြစ်များ

Mark 16:17

Ɔwa ɛmisali ɛye ɛ tə tȧŋ ŋa aŋa lanɛ; aŋ tə wurɔ akərəfi ka ȧŋes a mi; aŋ tə fɔf tənt təfu;

Mark 16:20

kaŋ kɔnɛ, aŋ taməs ȧkɛra kəfinɔ ka Kuru dɛr o dɛr, ka ɔMarki ɔ mar ŋa, ɔwa ɔ bȧksər ȧrim yi ɛmisali ɛyɛ tanda. Amina.

Luk 24:49

Ɔwa kəla, i som ro rɔnu aŋlahiri ŋa ɔKas kȧmi, kɛrɛ te nu bɔnɛ ro pet haŋ a lonsər nu afɔsɔ kəwur rokɔm.

Yɔn 14:12

I kanɛ nu tɛntɛnɛ, Wuni ɔwe mə lanɛ mi, mapanth ama minɛ i yɔ-e, kɔnɔ sɔ ɔ tə yɔ ma; ɔwa ɔ tə yɔ məyɔs məbana məthasi ame, pəkasifɛ i kɔ ka ɔKas kȧmi.

Yɔn 16:13

Kɛrɛ ma kɔnɔŋ, ɔYina ka təteŋ, ɔ der-e, ɔ tə kora nu ka tȧteŋ bɛ; kotȧy-e, ɔ fɔf hɛ ka ȧŋmerȧ ŋɔŋ; kɛrɛ mȧtȧy bɛ ama ɔ təl, ame ma mɔ fɔf: ɔwa ɔ tə tɔri nu mȧtȧy ama ba tə kəder.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 11:27

Ɔwa ka marey ame anȧbi aŋ thor ro Antiɔk kəwur ro Yerusalɛm.

Mȧyɔs ma aŋsom 11:28

Ka ukin ka ŋaŋ ɔwe a bont Akabɔs, ɔ təmȧ, kɔ tɔri ŋa ka aŋfɔsɔ ŋa ɔYina kəpa dor rəbana rə tə yi ka ȧdȧru bɛ; are rə yɔnɛ ka marey ma Klɔdiɔs.

Mȧyɔs ma aŋsom 19:6

Ɔwa ma Pɔl ɔ reŋ ŋa mȧta mɔŋ-e, ɔYina məsəm ɔ thorər ŋa; kaŋ fɔf tənt, aŋ nȧbi.

Mȧyɔs ma aŋsom 5:3

Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e?

AŋRomans 12:6

Ma pə yi ti-e, sə ba ɛboya ɛgbanthɛ kətaŋ ka ȧŋboŋa ma sɔŋ su, pə yi kətaməs mɔ unabi, ta sə yɔ ki mɔlɔ ma kȧlanɛ kȧsu kə yi.

AŋRomans 15:19

rə kəmisali dɛ yi mȧtȧy məkabanɛ asabu ŋa aŋfɔsɔ ŋa ɔYina məsəm; kȧmȧ kətəp ro Yerusalɛm yi tapet ta rayɛr haŋ kəkɔ ro Ilirikɔm, i po taməs ɔgbenthis mapa məfinɔ ma Krayst.

1 AŋKɔrenth 11:4

Te ba ti, wan duni o wan duni ɔwe mə ramnɛ thalɔm ɔ kawandi kəba rȧbomp rɔŋ rə gbəpər, ɔ lapəs rȧbomp rɔŋ.

1 AŋKɔrenth 13:8

Mȧbɔthər mə thamrɔ hɛ thȧnkȧŋ. Pə yi kənȧbi-o, kə tə thas; pə yi kəfɔf rɛ tənt-o, kə tə thalnɛ; pə yi kətara tay-o, kə tə poŋ.

1 AŋKɔrenth 14:13

Tiyȧŋ ɔwuni ɔwe mə fɔf kənt kətel-e, ta ɔ ramnɛ kȧmȧ ɔ gbəli tepa ki.

1 AŋKɔrenth 14:39

Tiyȧŋ, awɔnt, fela nu tə kənabi, ɔwa te bɛnt tə kəfɔf tənt tətel.

AŋKȧletia 3:5

Kɔn ɔwe sɔŋ nu ɔYina məsəm, dɛ yi ɔwe yɔ məyɔs məkabanɛ kətɔŋ ka nu-e, ɔ yɔ ti ba ka mȧyɔs ma anthɔ-i, thalɔm ka mathəksa ma kȧlanɛ-i?

1 AŋThɛsȧlonika 5:20

Te nu farki ȧsim ta Aŋnȧbi.

AŋHibru 2:4

Ɔwa Kuru sɔ ɔ seri ti rə ɛmisali, yi rə mȧtȧy məkabanɛ tətəp, dɛ yi rə ɛboya ya ɔYina məsəm ɛyɛ ɔ sɔŋ kətȧŋȧnɛ ka mȧselɔ mɔŋ.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.

Kȧŋȧibinɛ 2:2

I tȧrȧ mȧyɔs yi mapanth dɛ yi kamuyu ka mu. I kȧl tȧrȧ kəpa mə gbəli hɛ selɔ afəm akənȧ, dɛ yi mə po mɛm ŋaŋ aŋa pa aŋ yi asom, maŋ te yi asom, ɔwa mə po fir kəpa aŋ yi afəm ayem;