1 AŋKɔrenth 11:3 - Ȧŋlemrȧnɛ Ȧfu

³ Kɛrɛ i yema nu nə tȧrȧ kəpa ɔkərəbomp ka wan duni o wan duni ɔ yi Krayst; ɔwa ɔkərəbomp ka wuni bom o wuni bom ɔ yi ɔwos kɔŋ; ɔwa ɔkərəbomp ka Krayst ɔ yi Kurɔŋ.

1 AŋKɔrenth 11:3 ပူးပေါင်းရင်းမြစ်များ

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Yɔn 14:28

Nə po təl ma i pa ro nu, I kɔnɛ, kɛrɛ i ti kȧl der ro nu. Bepi nə bɔthər mi naŋ-e, nə tə ba ti məbɔnɛ, ȧtesoma-e i pa, i kɔ ka ɔKas; pəkasifɛ ɔKas ɔ thasi mi.

1 AŋKɔrenth 3:23

Ɔwa Krayst ɔ ba nu, yi Kuru ɔ ba Kraystȧŋ.

AŋƐfisɔs 4:15

Kɛrɛ sə yi tə kəfɔf tȧteŋ ka məbɔthər, kȧmȧ sə tɛŋa do rɔŋɔŋ ka mȧtȧy bɛ, ɔwe yi rȧbomp ra su, Krayst kɔn kɔnɔnɛ.

AŋKɔlɔsi 1:18

Kɔnɔ yi rȧbomp ra ȧŋdɛr, pə yi mɔ aŋchɔch. Kɔnɔ yi ɔtəpɛr sɔ, dɛ yi ɔWan utɔtɔkɔ kəwur kətɔŋ ka aŋfi, kȧmȧ pə gbəli yi rə tȧy o tȧy ɔ ba matəma mətɔtɔkɔ.

AŋKɔlɔsi 2:10

Ɔwa naŋ nə yi agbenthis do rɔŋɔŋ, ɔwe yi ɔgbəka ka agbəka dɛ yi ɔbȧy ka abȧy bɛ.

AŋKɔlɔsi 2:19

Wuni wunɔŋ ɔ wop hɛ gbaŋ ka Kraystȧŋ rȧbomp, ro pə yi ȧŋdɛr alolok bɛ aŋ sɔthɔ aŋfɔsɔ ŋati, kȧmȧ pə re yi ɔ ɔkɔtir o kɔtir dɛ yi nəbəntha o bəntha ɛ sekəranɛ dɛr ɔkin, tə kətɛŋa yi katɛŋa ka Kuru Məsaba.

AŋKɔlɔsi 3:18

Naŋ arani, sanɛ nu ka aŋwos a nu, mɔ mə pə mar ŋaŋ aŋa lanɛ ɔMarki.

1 Pitar 3:1

Ya pə yi sɔ naŋ arani sanɛ nu ka aŋwos a nu gbeŋ, kȧmȧ pə yi-e, bepi alɔm aŋ wop hɛ ȧrim ra Kuru-e, aŋ tə lafthɛ, kəte ba ȧrim salata mafinɔ ma aŋrani ŋaŋ;