28 Tiyȧŋ wuni o wuni ɔ yi tə kəgbɛŋgbɛŋ aŋyɛthɛ ŋɔŋ; kədarəŋ kati ɔ gbəli di kabo kati, ɔ kȧl mun ka ampɔthi ŋati.
Ka animisa aŋ wop ŋa, aŋ tǝp kǝyif kɔ ukin o kin, Pa, minɛŋ-i?
Ȧtesoma-e, bepi wuni ɔwe bek hɛ ɔ di-e, ɔwa ɔ kȧl mun-e, ɔ di dɛ yi ɔ mun mətheri ka aŋyɛthɛ ŋɔŋ ma ɔ te botərnɛ ȧmerȧ ta ȧŋdɛr ŋa ɔMarki.
Kɛrɛ bepi sə thektheknɛ-e, a ba hɛ kəthoŋkas su.
Gbɛŋgbɛnɛ nu kȧmȧ nə tȧrȧ bepi nə yi ka kȧlanɛ tə tɛntɛnɛ; thektheknɛ nu. Niaŋ nə tɛ hɛ kəpa Yisɔs Kraystȧŋ ɔ yi nu rokor-i? Thambe pə yi hɔ nə yi afəm athȧyoŋ.
Kɛrɛ ta wuni o wuni ɔ thekthek mapanth mɔŋ, ɔwa di kati ɔ tə tȧrȧ bepi ɔ ba tȧy təkolonɛ ka aŋyɛthɛ ŋɔŋ son, pə yi hɛ ka wuni lɔm.