1 AŋKɔrenth 10:20 - Ȧŋlemrȧnɛ Ȧfu

²⁰ Gbere, kɛrɛ i pa, ɛyɛt ɛyɛ tȧbona təlɔm aŋ sɔŋ sathka-e, aŋ sɔŋ yi ka akərəfi aləs, pə yi hɛ ka Kuru; ɔwa i yema hɛ nə ba məmanɛ yi akərəfi aləs.

1 AŋKɔrenth 10:20 ပူးပေါင်းရင်းမြစ်များ

Mathiu 4:9

kɔ pa ro ŋɔŋ, I ti sɔŋ mu mayɛt ame bɛ-e bepi mǝ gbǝpsa, ɔwa mǝ bȧtho mi.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋKȧletia 4:8

Kɛrɛ ka ȧŋlɔkɔ ma nə te tha tȧrȧ Kuru-e, nə la yi atar ka ŋaŋ aŋa te yi turu gbeŋ-e,

Kȧŋȧibinɛ 2:14

Kɛrɛ i ba kəthɛkɛ mu ta tȧy təlɔm, pəkasifɛ mə ba ŋaŋ kətɔŋ ka mu aŋa wop mathəksa ma Belam, ɔwe thəksa Belak tə kəgbɔns aŋwuth ŋa Isrɛl kȧmȧ aŋ di ɛyɛt ɛyɛ a po wurɔ sathka ka ɛrɔŋ-e, dɛ yi tə kəyɔ kərəp.

Kȧŋȧibinɛ 2:20

Kɛrɛ i ba kəthɛkɛ mu ta tȧy təlɔm, pəkasifɛ mə malanɛ ɔwuni bom kati Yɛsibɛl, ɔwe telanɛ unȧbi ubɛra. Ɔwa ɔ thəksa, kɔ kȧl yɛthas ɛbɔy ɛ mi tə kəyɔ kərəp, dɛ yi tə kədi ɛyɛt ɛyɛ a po wurɔ sathka ka ɛrɔŋ.

Kȧŋȧibinɛ 9:20

Aŋfəm a kəpet alɔm aŋa te fi ka ɛfithina ɛye, aŋ thupi hɛ ka ɛyɛt ɛyɛ aŋ po bɛmpanɛ ka mȧta maŋ, ɔwa aŋ gbapɛ hɛ kabȧtho ka aŋkərəfi, yi ɛrɔŋ ya məbɔŋɔ, yi akala ȧferȧ, yi akɛm, yi ȧsar, dɛ yi kənt, ɛyɛ te gbəli nənk thalɔm ɛ təl, thalɔm ɛ kɔth.