1 AŋKɔrenth 10:13 - Ȧŋlemrȧnɛ Ȧfu

¹³ Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

1 AŋKɔrenth 10:13 ပူးပေါင်းရင်းမြစ်များ

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Luk 11:4

ɔwa tera su maləs ma su kotȧy-e saŋ sɔ sə tera ŋaŋ bɛ aŋa yɔ su ɔləs. Te su wɔŋȧ rə tȧy ta məgbɔns, kɛrɛ wurɔ su ka mȧtȧy mələs.

Luk 16:26

Pəthas ȧte, kətɔŋ ka mu yi saŋ a po bot akaŋ abana kȧmȧ ŋaŋ aŋa yema wur nɔ tə kəfəsi ro nu aŋ gbəli hɛ; ɔwa kȧmȧ ŋaŋ ri aŋ te gbəli fəsi ro rɔsu.

Luk 22:46

kɔ pa ro ŋaŋ, kɔyɛŋ nə dirȧ-e? Yokanɛ nu nə ramnɛ kȧmȧ nə te wɔŋ rə tȧy ta məgbɔns.

Mȧyɔs ma aŋsom 27:44

ɔwa aŋa tia-e, alɔm ka ɛbeŋ rokɔm, alɔm ka ɛyɛt ya ȧŋbil. Ɔwa ya pə re yi kəpa ŋa bɛ aŋ kisi ro gbaŋ.

1 AŋKɔrenth 1:9

Kuru ɔ yi ubɔthi lanɛ ɔwe po muti nu ka mamanɛ ma ɔWan kɔŋ Yisɔs Krayst ɔMarki kȧsu.

2 AŋKɔrenth 1:10

Kɔnɔ yi ɔwe tafi su ka rafi rəbana rati, kɔ yi tə kətafi su sɔ; ka sə gbak ɛmerȧ ɛ su kəpa ɔ tə bȧsər tafi su.

1 AŋThɛsȧlonika 5:24

Kɔn ɔwe tela nu ɔ yi ubɔthi lanɛ, ɔwa ɔ tə yɔ ti.

2 AŋThɛsȧlonika 3:3

Kɛrɛ ɔMarki ɔ yi ubɔthi lanɛ, ɔ tə yɔ nu nə təmȧ kəŋkəŋ, ɔwa ɔ tə kȧl bumər nu sɔ ka mȧtȧy mələs.

2 Timɔthi 4:18

ƆMarki kɔnɔŋ ɔ tə kisis mi ka mȧləs bɛ, ɔwa ɔ tə bɛnɛ mi ka rȧbȧy rɔŋ rəsəm. Ta kɔn yi ayiki haŋ thȧnkȧŋ thəbana. Amina.

AŋHibru 10:23

Maŋ wop nu gbaŋ kȧlanɛ kȧsu kȧmȧ kə te yiŋkthanɛ; kotȧy-e kɔn ɔwe sɔŋ su aŋlahiri ɔ yi ubɔthi lanɛ.

AŋHibru 11:11

Rə kəlanɛ Sara kɔn kɔnɔnɛ ɔ sɔthɔ afɔsɔ tə kəkom hali ma ɔ po thas ȧŋlɔkɔ ŋati-e, pəkasifɛ ɔ lanɛ kəpa kɔn ɔwe sɔŋ kɔ aŋlahiri ɔ yi ubɔthi lanɛ.

AŋHibru 12:4

Nə tha tim hɛ ras haŋ a loŋ mətir, tə kəŋamnɛ ahakɛ.

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

1 Pitar 4:19

Tiyȧŋ ŋaŋ aŋa sɔmpanɛ kətȧŋȧnɛ ka mȧselɔ ma Kuru-e, ta aŋ lȧnki ɛŋesəm yaŋ ka ɔBɛmpa ubɔthi lanɛ, rə kəyɔ təfinɔ.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

1 Yɔn 1:9

Bepi sə gbithanɛ ɛhakɛ ɛ su, ɔ yi ubɔthi lanɛ dɛ ɔ yi ulompi tə kətera ɛhakɛ ɛ su, yi tə kəfethər su kəwur ka məkənə bɛ.

Kȧŋȧibinɛ 19:11

Ka i nənk kȧriyana kə kanthɛ, ɔwa kəlo, ȧsoy ȧferȧ ɔ wur, ka a tela ɔwe rensa kɔ-e, ƆBɔthi lanɛ dɛ yi utǝteŋ, ɔwa kɔnɔ mə thonkas, ɔ kȧl tim ka məlompi.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.