1 AŋKɔrenth 1:9 - Ȧŋlemrȧnɛ Ȧfu

⁹ Kuru ɔ yi ubɔthi lanɛ ɔwe po muti nu ka mamanɛ ma ɔWan kɔŋ Yisɔs Krayst ɔMarki kȧsu.

1 AŋKɔrenth 1:9 ပူးပေါင်းရင်းမြစ်များ

Mathiu 24:35

Ȧkȧriyana yi ȧdȧru ɛ ba kǝthas, kɛrɛ ȧsim ta mi tǝ ba hɛ kǝthas.

Yɔn 17:21

kȧmȧ ŋaŋ bɛ aŋ ba ȧmerȧ ŋin; mɔ munɔŋ, Pa, mə yi rokor kȧmi, yi minɛŋ i yi rokor ka mu, kȧmȧ ŋaŋ sɔ aŋ yi rokor kȧsu: kȧmȧ ȧdȧru rə lanɛ kəpa munɔ som mi.

AŋRomans 11:17

Kɛrɛ bepi a sima mara məlɔm ma aŋleməre, ɔwa munɔ ɔwe mə yi gbo abaktha-e, a gbɛptanɛ mu ri-e, kȧmȧ mə səkɛ uyeranɛ yi ŋaŋ ka ɔbɔthi wa anthəŋk-e,

AŋRomans 8:28

Ka sə tȧrȧ kəpa mȧtȧy bɛ mə tə yɔnɛ finɔ ta salata ŋaŋ aŋa bɔthər Kuru, pə yi mɔ ta ŋaŋ aŋa a muti kətȧŋȧnɛ ka mȧselɔ mɔŋ.

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

AŋRomans 9:24

hali saŋ aŋa ɔ po tela kəwur ka aŋYuda son thahɔ, kɛrɛ ka tȧbona təlɔm sɔ.

1 AŋKɔrenth 1:30

Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

1 AŋKɔrenth 10:16

Ampɔthi ŋa aruba aŋa sə ruba-e, aŋ yi hɛ kayeranɛ ka mȧtir ma Kraist-i? Kabo ȧke sə siməth-e, kə yi hɛ kayeranɛ ka ȧŋdɛr ŋa Kraist-i?

2 AŋKɔrenth 1:18

Kɛrɛ mɔ mə Kuru ɔ yi təteŋ-e, ȧrim ra su ro rɔnu rə yi hɛ Yao dɛ yi Sako.

AŋKȧletia 1:15

Kɛrɛ ma pə thesanɛ Kuru ɔwe thith mi yeŋka a kom mi, dɛ yi ɔ muti mi ka ȧŋboŋa ŋɔŋ-e,

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 3:6

tə kəyi tȧbona təlɔm aŋ sɔthɔ kɛŋ yi saŋ ka aŋ yi adɛr ŋin dɛ yi saŋ, ɔwa aŋ yi ayeranɛ ŋa aŋlahiri rokor ka Yisɔs Kraystȧŋ asabu ŋa mapa məfinɔ ma Kuru.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

2 AŋThɛsȧlonika 2:14

Tȧsom Kuru ɔ poŋ tela nu ka ȧkɛra kəfinɔ kȧsu, kȧmȧ nə sɔthɔ aŋyiki ŋa ɔMarki kȧsu Yisɔs Krayst.

2 AŋThɛsȧlonika 3:3

Kɛrɛ ɔMarki ɔ yi ubɔthi lanɛ, ɔ tə yɔ nu nə təmȧ kəŋkəŋ, ɔwa ɔ tə kȧl bumər nu sɔ ka mȧtȧy mələs.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

2 Timɔthi 2:13

Bepi sə lanɛ hɛ, kɔnɔ ɔ tiyȧ gbo ubɔthi lanɛ. Ɔ gbəli hɛ pɛnsanɛ.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

AŋHibru 10:23

Maŋ wop nu gbaŋ kȧlanɛ kȧsu kȧmȧ kə te yiŋkthanɛ; kotȧy-e kɔn ɔwe sɔŋ su aŋlahiri ɔ yi ubɔthi lanɛ.

AŋHibru 11:11

Rə kəlanɛ Sara kɔn kɔnɔnɛ ɔ sɔthɔ afɔsɔ tə kəkom hali ma ɔ po thas ȧŋlɔkɔ ŋati-e, pəkasifɛ ɔ lanɛ kəpa kɔn ɔwe sɔŋ kɔ aŋlahiri ɔ yi ubɔthi lanɛ.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 1:3

ɔwa saŋ sə tɔri nu ara sə po nənk, yi ara sə po təl, kȧmȧ naŋ nə gbəli ba məmanɛ yi saŋ; ɔwa tɛntɛnɛ mamanɛ ma su mə yi yi ɔKas, dɛ yi ɔWan kɔŋ Yisɔs Kraystȧŋ.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 4:13

Ka ȧte sə tȧrȧ sə tiyȧ ro ŋɔŋ, ɔwa kɔnɔ ro su, pəkasifɛ ɔ po sɔŋ su ani ka ɔYina kɔŋ.

Kȧŋȧibinɛ 19:11

Ka i nənk kȧriyana kə kanthɛ, ɔwa kəlo, ȧsoy ȧferȧ ɔ wur, ka a tela ɔwe rensa kɔ-e, ƆBɔthi lanɛ dɛ yi utǝteŋ, ɔwa kɔnɔ mə thonkas, ɔ kȧl tim ka məlompi.