1 AŋKɔrenth 1:8 - Ȧŋlemrȧnɛ Ȧfu

⁸ ɔwe yi tə kəbaksər nu sɔ haŋ ka ɔthalnɛ. Kama nə te ba məthɛkɛ ka ȧŋrey ŋa ɔMarki kȧsu Yisɔs Krayst.

1 AŋKɔrenth 1:8 ပူးပေါင်းရင်းမြစ်များ

Luk 17:24

ȧtesoma-e mɔ mə pə nakthinɛ ka ȧŋgbȧp ŋin ka ȧkuru, ɔwa pə gbɛntha ka ȧŋgbȧp alɔm; yaŋ sɔ ɔWan ka wuni mɔ yi ka ȧŋrey ŋɔŋ.

Luk 17:30

Ya pə tə yi sɔ ka ȧŋrey aŋa ɔWan ka wuni ɔ tɔrinɛ.

AŋRomans 14:4

Mun kanɛ ɔwe mə thonkas ȧŋbɔy ŋa wuni lɔm-e? Ka ɔmarki kɔŋ ɔ təmȧ, thalɔm ɔ fumpɔ. Ɔwa ɔ tə təmȧ yathi, pəkasifɛ ɔMarki ɔ ba afɔsɔ tə kətəmər kɔ.

AŋRomans 16:25

Ka-ake kɔn ɔwe gbəli bȧksər nu kətȧŋȧnɛ ka mapa məfinɔ ma Kuru ama a maŋkər mi, dɛ yi aŋkanɛ salata Yisɔs Kraystȧŋ, mɔlɔ ma kaŋaybi ka aŋgbundu aŋa a maŋk kȧbi ka ɔtəpɛ,

AŋRomans 8:19

kotȧy-e ɛyɛt ɛbɛmpa bɛ ɛ tə kar rə kəbosinɛ kəbaŋ ta kaŋȧybɛ ka aŋwuth ŋa Kuru.

1 AŋKɔrenth 3:13

mapanth ma wuni o wuni mə tə tɔrinɛ, kotȧy-e ȧŋrey ŋa Krayst aŋ tə ŋaibi ma, dɛ yi anant sɔ. Ɔwa anant nə tə mɛm ko mapanth ma wuni o wuni mȧ mə yi.

1 AŋKɔrenth 5:5

nə yi tə kəlaŋkli ɔwuni wunɔŋ ka Sethani tə kədim madɛr kȧmȧ aŋyina ŋɔŋ aŋ kisi ka ȧŋrey ŋa Yisɔs Krayst.

2 AŋKɔrenth 1:13

kotȧy-e sə gbalər hɛ nu mȧtȧy məlɔm thambe ȧtȧ nə gbəli karaŋ yi ȧtȧ nə tȧrȧ; ka i gbak ȧmerȧ sɔ kəpa nə tə sɔthnɛ ti ɔgbenthis,

2 AŋKɔrenth 1:14

mɔ mȧ nə po sɔthnɛ ti ɔthan kəpa nə gbəli kolonɛ do rɔsu mɔ mȧ saŋ sɔ sə gbəli kolonɛ do rɔnu ka ȧŋrey ŋa ɔMarki kȧsu Yisɔs.

2 AŋKɔrenth 1:21

Ɔwa ɔwe mə təmsər su rɛ naŋ rokor ka Kraystȧŋ, rɛ ɔ kȧl sopa su mȧro, kɔn ɔ yi Kuru Məsaba.

AŋƐfisɔs 5:27

kȧmȧ ɔ gbəli sɔŋ aŋchɔch do rɔŋɔŋ mɔ agbanɛ ŋa aŋlanɛ agbenthis, aŋa te ba apora, thalɔm akompthanɛ, thalɔm tȧy o tȧy təwunɔŋ; kȧmȧ aŋchɔch aŋ gbəli yi asəm kəte ba məthɛkɛ bɛ.

AŋFilipai 1:10

Kama nə thith mȧtȧy məfinɔ; kȧmȧ nə yi təteŋ, kəte ba məthɛkɛ haŋ ka ȧŋrey ŋa Yisɔs Krayst.

AŋFilipai 1:6

Ka i lanɛ ti ɔbaksər kəpa, kɔnɔ ɔwe po təp məpanth məfinɔ rokor ka nu-e, ɔ tə pons ma haŋ ka ȧŋrey ŋa Yisɔs Krayst.

AŋKɔlɔsi 1:22

halisa ka-ake ka ȧŋdɛr ŋɔŋ ŋa rawuni kəpet, ɔ po yɔ kȧmȧ nə kȧl manɛ kətȧŋȧnɛ ka rafi rɔŋ, kȧmȧ ɔ təmər nu asəm dɛ yi agbəraŋ kəte ba məthɛkɛ rodi kɔŋ.

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

1 AŋThɛsȧlonika 3:13

Kama ɔ bȧksər ɛmerȧ ɛ nu kəte ba məthɛkɛ ka rȧsəm rodi ka Kuru ɔKas kȧsu, ka kȧder ka ɔMarki kȧsu Yisɔs Krayst dɛ yi aŋfəm ŋɔŋ asəm bɛ.

1 AŋThɛsȧlonika 5:2

Pəkasifɛ naŋ nə tȧrȧ finɔ kəpa ȧŋrey ŋa ɔMarki aŋ tə der mɔ ukei tȧtȧk.

2 AŋThɛsȧlonika 2:2

kȧmȧ nə te yeŋk ba ȧmerȧ ȧyinkthanɛ thalɔm ayagbanɛ, pə yi a yɛthas nu yi ayina thalɔm rim, ta a pa ras areka aŋa a pa hɔ aŋ wur do rɔsu, kəpa ȧŋrey ŋa ɔMarki aŋ poŋ thɔŋ yi ka-ake.

2 AŋThɛsȧlonika 3:3

Kɛrɛ ɔMarki ɔ yi ubɔthi lanɛ, ɔ tə yɔ nu nə təmȧ kəŋkəŋ, ɔwa ɔ tə kȧl bumər nu sɔ ka mȧtȧy mələs.

2 Timɔthi 1:12

Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

2 Timɔthi 1:18

Kaŋka ɔ sɔthɔ ȧney ka ɔMarki ka ȧŋrey ŋati. Ɔwa munɔ mə tȧrȧ finɔ kamar ȧke ɔ yɔna mi ro Ɛfisɔs.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.