1 AŋKɔrenth 1:30 - Ȧŋlemrȧnɛ Ȧfu

³⁰ Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

1 AŋKɔrenth 1:30 ပူးပေါင်းရင်းမြစ်များ

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Luk 11:49

Tiyȧŋ kȧtemp ka Kuru kə pa, I ti somra ŋa anȧbi yi asom; aŋ tə dif alɔm, aŋ tə sɔmpa alɔm,

Luk 21:15

ȧtesoma-e i ti sɔŋ nu kəsəŋ yi kətemp ȧke aŋtheranɛ a nu bɛ aŋ te gbəli pɛnsa ɔwa aŋ te gbəli wosa.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 17:26

Ka i po tɔri ŋa ȧŋes a mu ɔwa i ti tɔri ŋi sɔ: kȧmȧ mabɔthər ama mə bɔthər mi mə yi rokor ka ŋaŋ, ɔwa minɛŋ sɔ i yi rokor ka ŋaŋ.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 8:12

Ɔwa Yisɔsȧŋ ɔ kȧl fɔfȧnɛ aŋfəm, ɔ pa, Minɛ yi ȧŋmothȧ ŋa ȧdȧru; wuni ɔwe mə tȧŋ mi-e ɔ ba hɛ kəkɔth ka ȧŋsum, kɛrɛ ɔ tə ba ȧŋmothȧ ŋa aŋesəm.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 1:17

kotȧy-e di kati mȧlompi ma Kuru Məsaba mə ŋaybɛ kəwur rə alanɛ kəkɔ ka alanɛ; mɔ mə a gbal kəpa ye, Aŋlompi aŋ tə yi kətaŋ rə alanɛ.

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋRomans 12:5

yaŋ sɔ saŋ, hali sə yi sa agbȧthi, sə yi adɛr ŋin rokor ka Krayst, ɔwa kin o kin ɔ yi alaŋktha ŋin ta alɔm.

AŋRomans 16:11

Kori Herodiɔn ɔwe yi ka rakom ra mi. Kori kabɔr ka Narsisɔs aŋa yi rokor ka ɔMarki.

AŋRomans 16:7

Kori Andronaykɔs yi Yuniyasȧŋ, antəkom a mi; aŋ la yi dɛ yi minɛ ka ȧŋseth ŋa tȧrəŋka. Ŋa yi sɔ afəm akolo kətɔŋ ka aŋsom, kaŋ lanɛ Krayst sɔ mɔtha minɛŋ.

AŋRomans 4:25

Ɔwe a sɔnd salata ɛhakɛ ɛ su, ɔwa a yokas kɔ kətɔŋ ka aŋfi kȧmȧ sə gbəli sɔthɔ məmari.

AŋRomans 4:6

Debid sɔ ɔ tɔri aŋruba ŋa ɔwuni ɔwe Kuru ɔ lɔma məlompi kəgbaskinɛ kəwur ka mȧyɔs mɔŋ.

AŋRomans 5:19

kotȧy-e ka asabu ŋa kate sanɛ ka wuni kin agbȧthi aŋ po səkɛ afəm ŋa ahakɛ-e, yaŋ sɔ asabu ŋa kasanɛ ka wuni kin agbȧthi aŋ səkɛ alompi.

AŋRomans 5:21

kȧmȧ mɔ ahakɛ aŋ gbəka salata rəfi, yaŋ sɔ aboŋa aŋ gbəka salata mȧlompi kəkɔ ka aŋesəm thəbana asabu ŋa Yisɔs Krayst ɔMarki kȧsu.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

AŋRomans 8:23

Ka pə yi hɛ gbo yaŋ-e, kɛrɛ saŋ sɔ gbeŋ aŋa ba mȧkomi mətɔtɔkɔ ma ɔYina-e, hali saŋ sə laŋ rə ȧmerȧ, ma sə kar ȧŋlɔkɔ ma a ba kəsəki su mɔ awuth, pə yi mɔ-e kabani ka mȧdɛr ma su.

AŋRomans 8:9

Kɛrɛ naŋ, nə yi hɛ ka madɛr-e, nə yi ka ɔYina məsəm, bepi pə yi ɔYina məsəm ka Kuru a yi nu rokor. Ɔwa bepi wuni o wuni ɔ ba hɛ ɔYina ka Kraystȧŋ ɔ yi hɛ ukɔŋ.

1 AŋKɔrenth 1:2

ka aŋfəm ŋa Kuru aŋa yi ro Kɔrinth, aŋa a səməs rokor ka Yisɔs Krayst, aŋa a muti tə kəyi asəm dɛ yi ŋaŋ bɛ dɛr o dɛr aŋa mə tela ka ȧŋes ŋa ɔMarki kȧsu Yisɔs Krayst, ɔwe yi ɔMarki ka ŋaŋ, dɛ yi ɔka su sɔ.

1 AŋKɔrenth 1:24

Kɛrɛ ka ŋaŋ aŋa po malanɛ kamuti kɔŋ-e, pə yi aYuda-o, thalɔm aKrik-o, ɔKrayst ɔ yi aŋfɔsɔ ŋa Kuru yi kȧtemp ka Kuru.

1 AŋKɔrenth 12:18

Kɛrɛ Kuru ɔ po bot malaŋktha reke o reke ka ȧŋdɛr, mɔ mɔ nəŋka ti ɔfinɔ.

1 AŋKɔrenth 12:27

Naŋ nə po thɔŋ yi ȧŋdɛr ŋa Kraystȧŋ, ɔwa wuni o wuni ɔ yi alaŋktha ŋati.

1 AŋKɔrenth 12:8

Ka ukin ɔYina məsəm mɔ sɔŋ ȧrim ra kȧtemp; ka ulɔm ȧrim ra kȧtara tȧy kəwur ka ɔYina ɔkin kati;

1 AŋKɔrenth 4:15

kotȧy-e, hali nə ba naŋ akarmɔkɔ ɛwul tɔfɔt ka Kraist-e, nə gbəli hɛ ba akas agbȧthi. Kotȧy-e minɛ i yi ɔkas ka nu ka Krayst Yisɔsȧŋ asabu ŋa mapa məfinɔ ma Kuru.

1 AŋKɔrenth 6:11

Ɔwa yaŋ alɔm kətɔŋ ka nu nə la yi thəpaŋ, kɛrɛ a po fethər nu, a po səməs nu, ɔwa a po sɔŋ nu məmari ka ȧŋes ŋa ɔMarki Yisɔs Kraystȧŋ dɛ yi ka ɔYina ka ɔKuru kȧsu.

2 AŋKɔrenth 12:2

I tȧrȧ wuni ka Krayst təren tɔfɔt tanlɛ ȧtȧ po thas, (bepi ɔ yi ka andɛr-e, i tɛ hɛ; bepi ɔ yi hɛ ka andɛr-e, i tɛ hɛ. Kuru ɔ tȧrȧ). Ɔwuni wunɔŋ a sɛmpi kɔ haŋ ka kȧriyana ȧke bekȧ məsas.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋKȧletia 3:13

Krayst ɔ po bani su ka ȧŋranka ŋa ȧŋthɔ, ma ɔ po səkɛ uranka ta ȧtȧ su; kotȧy-e a po gbal kəpa, Wuni o wuni ɔwe a gbak ka ŋənt-e, uraŋka wɔŋ;

AŋƐfisɔs 1:10

Kȧmȧ pəyi, mȧ ȧŋlɔkɔ aŋ lasər-e, ɔ gbəli thonkla mȧtȧy bɛ rɔkin rokor ka Krayst, pə yi mȧtȧy ama yi ro riana-e, dɛ yi ama yi ka raru-e.

AŋƐfisɔs 1:14

ɔwe yi masɛkɛ ma akɛŋ kȧsu, haŋ kabani kati kə gbenthis, kəkɔ ka kathɔkəs ka aŋyiki ŋɔŋ.

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

AŋƐfisɔs 5:26

kȧmȧ ɔ gbəli səməs kɔ mɔ ɔ po fethər kɔ ka mȧnt kətȧŋȧnɛ ka ȧrim rɔŋ,

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

AŋKɔlɔsi 1:14

Do rɔŋɔŋ sɔ sə ba kəbani salata mȧtir mɔŋ, pə yi mɔ-e, katerɔ ka ɛhakɛ ɛ su;

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 9:12

ɔ wɔŋ win haŋ thəbana ka ɔdɛr ɔsəm thɔ bɛ, kɔ gbasi mȧtir mɔŋ gbeŋ, pə yi hɛ mȧtir ma atir dɛ yi təna təfɛth. Yaŋ ɔ sɔthɔ kakisi kəthəbana ta ȧtȧ su.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

1 Pitar 1:2

aŋa pə yi Kuru ɔKas ɔ thith tə kəsəməs kətȧŋȧnɛ ka ɔYina kȧmȧ aŋ sanɛ ka Yisɔs Krayst dɛ yi a wɔnsir ŋa ka mȧtir mɔŋ. Ta aboŋa yi məthɔfəl ɛ bȧrnɛ ro rɔnu.

2 Pitar 1:1

Saymɔn Pita, ȧbɔy usom ka Yisɔs Kraystȧŋ, ka ŋaŋ aŋa po sɔthɔ kəlanɛ kəkɛŋ kin dɛ yi saŋ kətȧŋȧnɛ ka mȧlompi ma Kuru yi ɔKisis kȧsu Yisɔs Kraystȧŋ.

1 Yɔn 5:6

Ɔwa Yisɔs Kraystȧŋ kɔnɔ der rə mȧnt yi mətir; pə yi hɛ rə mȧnt gbo son, kɛrɛ rə mȧnt yi mətir.

Kȧŋȧibinɛ 14:4

Aŋe, ŋa yi aŋfəm aŋa te pulkinɛ rə afəm abom; ȧtesoma-e aŋ yi agbəraŋ mɔ afanɛ. Aŋe-e, ŋa tȧŋ kaLɔmɛ kəfɛth dɛr o dɛr rə ɔ kɔnɛ. Aŋe-e aŋ yi abani kətɔŋ ka afəm a kəpet mɔ mȧkomi mətɔtɔkɔ ta Kuru dɛ yi ta kaLɔmɛ kəfɛth.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.