1 AŋKɔrenth 1:27 - Ȧŋlemrȧnɛ Ȧfu

²⁷ kɛrɛ Kuru ɔ po thith mȧtȧy məpənk ma ȧdȧru kȧmȧ ɔ lapəs antempi; ɔ thith mȧtȧy mərant ma ȧdȧru kȧmȧ ɔ lapəs mȧtȧy ma afɔsɔ;

1 AŋKɔrenth 1:27 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Mathiu 21:16

kaŋ pa ro ŋɔŋ, Mǝ tǝl ȧte aŋe aŋ pa-i? Ka Yisɔsȧŋ ɔ pa ro ŋaŋ, Aŋko; naŋ nǝ la hɛ karaŋ kǝpa, Mǝ po gbenthis kǝthɔkǝs kǝwur ka tasǝŋ ta afɛth yi tǝlɛnth-i?

Mathiu 9:9

Ɔwa ma Yisɔsȧŋ ɔ wur ri-e, ɔ nənk wuni ɔwe a bont Mathiu, ɔ yirȧ ka ɔdɛr ro mǝ a gbasi ɛfȧk. Kɔ pa ro rɔŋɔŋ, Taŋ mi. Kɔ yokanɛ, ɔ tȧŋ kɔ.

Luk 21:15

ȧtesoma-e i ti sɔŋ nu kəsəŋ yi kətemp ȧke aŋtheranɛ a nu bɛ aŋ te gbəli pɛnsa ɔwa aŋ te gbəli wosa.

Mȧyɔs ma aŋsom 17:18

Ka aŋfəm atempi alɔm, aŋƐpikurian yi aŋStoik aŋ bəp kɔ. Alɔm aŋ pa, To wuni thɛlma ɔwe ɔ yema pa-e? Aŋlɔm aŋ pa, Pə yi mɔ ɔ tam ta aturu tətel, pəkasifɛ ɔ tɔri ta Yisɔsȧŋ yi kȧyokanɛ ka rȧfi.

Mȧyɔs ma aŋsom 7:35

ƆMosisȧŋ ɔwe aŋ pɛnsa, maŋ pa, Kanɛ bot mu ubȧy yi uthonkas-e? Kɔnɔ Kuru ɔ som tə kəyi ubȧy yi ukisis ka kȧta ka ɔmaleka ɔwe tɔrinɛ ro ŋɔŋ ka aŋgbɔfɔŋ.

Mȧyɔs ma aŋsom 7:54

Ɔwa maŋ təl mȧtȧy ame-e, tabuth taŋ tə tuŋ, kaŋ ŋandanɛ kɔ ɛsek.

1 AŋKɔrenth 1:20

Reke ɔtempi ɔ yi-a? Reke ɔgbal ɔ yi-a? Ɔthonka ka ȧdȧru are kɔna? Kuru ɔ səki hɛ kȧtemp ka ȧdȧru are apəŋk-i?

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 2:12

Ɔwa saŋ sə sɔthɔ hɛ aŋyina ŋa ȧdȧru kɛrɛ sə po sɔthɔ ɔYina ɔwe wur ka Kuru; kȧmȧ sə tȧrȧ mȧtȧy mǝgbathi ama Kuru ɔ boya su kəyaŋkaŋ.

2 AŋKɔrenth 10:10

Wuni lɔm ɔ tə pa, Ɛreka ya Pɔl ɛ yi ɛlel dɛ yi ɛbȧki mədɛr, kɛrɛ kȧbəpər kɔŋ kə yi kərant, dɛ yi kafɔf kɔŋ kə yi gbo kəyai.

2 AŋKɔrenth 4:7

Kɛrɛ sə bɛnɛ akɛŋ ake ka ɛbɔl ya ɛyɔftha ɛyɛ yi madɛr ma su, kȧmȧ aŋyiki ŋa aŋfɔsɔ abana aŋ gbəli yi ka Kuru son, aŋ wur hɛ do rɔsu hali.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?