1 AŋKɔrenth 1:18 - Ȧŋlemrȧnɛ Ȧfu

¹⁸ kotȧy-e, ȧŋpa ŋa akənt kəpəŋkiyɛ aŋ yi gbo apənk ka aŋa mə dinɛ; kɛrɛ ka saŋ aŋkisi, aŋ yi aŋfɔsɔ ŋa Kuru Məsaba.

1 AŋKɔrenth 1:18 ပူးပေါင်းရင်းမြစ်များ

Mȧyɔs ma aŋsom 13:41

Kəla naŋ afarki tȧy, Kabanɛ nu ɔwa dinɛ nu; kotȧy-e i yɔ apanth ka marey ma nu, Apanth aŋa mə nə te lanɛ rə roŋ o roŋ, Hali wuni ɔ kanɛ nu ŋi.

Mȧyɔs ma aŋsom 17:18

Ka aŋfəm atempi alɔm, aŋƐpikurian yi aŋStoik aŋ bəp kɔ. Alɔm aŋ pa, To wuni thɛlma ɔwe ɔ yema pa-e? Aŋlɔm aŋ pa, Pə yi mɔ ɔ tam ta aturu tətel, pəkasifɛ ɔ tɔri ta Yisɔsȧŋ yi kȧyokanɛ ka rȧfi.

Mȧyɔs ma aŋsom 17:32

Maŋ təl ta kȧyokanɛ ka aŋfi-e, alɔm aŋ sel, alɔm aŋ pa, Sə tə sua mu ɛləns sɔ ta ȧte.

Mȧyɔs ma aŋsom 2:47

rə kəthɔkəs Kuru. Ka aŋfəm bɛ aŋ tȧrȧ ŋa rəka. Ka ɔMarki ɔ bȧrȧ ŋa ŋaŋ aŋa mə kisi ȧrey o rey.

AŋRomans 1:16

kotȧy-e i lap hɛ salata mapa məfinɔ ma Krayst, ȧtesoma-e mə yi aŋfɔsɔ ŋa Kuru tə kəkisis wuni o wuni ɔwe mə lanɛ; ka ɔtɔtɔkɔ ka aŋYuda, yi ka aŋKrik sɔ.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 15:2

Ɔwa kətȧŋȧnɛ kati sɔ nə sɔthɔ kəkisi, bepi nə wop ma ɔbaksər, thambe nə po lanɛ kətiŋ.

1 AŋKɔrenth 2:14

Kɛrɛ ɔwuni ɔwe te ba ɔYina ɔ gbəli hɛ sɔthɔ mȧtȧy ma ɔYina məsəm ka Kuru, ȧtesoma-e mə yi məpəŋk do rɔŋɔŋ; ɔwa ɔ gbəli hɛ tȧrȧ ma pəkasifɛ ɔYina məsəm kɔnɔ wɛski ma.

1 AŋKɔrenth 2:2

kotȧy-e i ba ti ka ȧŋmerȧ a mi tə kəte tȧrȧ tȧy o tȧy kətɔŋ ka nu thambe Krayst yi rafi rɔŋ ka ȧŋpənki.

1 AŋKɔrenth 3:19

kotȧy-e kȧtemp ka ȧdȧru are kə yi apənk ka Kurɔŋ. Ȧtesoma-e a po gbal kəpa, Ɔ tə wop antempi ka masɔth maŋ gbeŋ.

1 AŋKɔrenth 4:10

Sə yi apənk salata Krayst, kɛrɛ naŋ nə yi a tempi rokor ka Krayst; sə yi arȧnt, kɛrɛ naŋ nə yi abȧki mədɛr; naŋ nə ba ayiki, kɛrɛ saŋ sə yi afarkɛ.

2 AŋKɔrenth 10:4

ȧtesoma-e ɛyɛt ɛtima ya katim kȧsu ɛ yi hɛ ɛya mȧdɛr, kɛrɛ ɛ ba afɔsɔ aninis kətȧŋȧnɛ ka Kuru tə kəyɛksi ɛbənkȧ.

2 AŋKɔrenth 4:3

Bepi pə yi ȧkɛra kȧsu kəfinɔ kə ba kumafele-e, kə ba gbo kumafele ka aŋa mə dinɛ.

1 AŋThɛsȧlonika 1:5

kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

2 AŋThɛsȧlonika 2:10

dɛ yi sɔ rə ɛyaŋfa o yaŋfa ɛləs salata ŋaŋ aŋa mə dinɛ; pəkasifɛ aŋ malanɛ hɛ mabɔthər ma tȧteŋ, kȧmȧ aŋ gbəli kisi.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 4:12

kotȧy-e ȧrim ra Kuru rə yi rəkəli dɛ yi rəyasyas, rəwɔŋi sɔ pəthasi agbathɔ ŋa ran narəŋ, ɔwa rə gbəli gbai kətɔŋ ka ȧŋmerȧ yi aŋyina, dɛ yi ɔkɔtir yi mȧfith, ɔwa rə gbəli tȧrȧ ɛnanɛ yi mafela ma ȧŋmerȧ.