1 AŋKɔrenth 1:10 - Ȧŋlemrȧnɛ Ȧfu

¹⁰ Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

1 AŋKɔrenth 1:10 ပူးပေါင်းရင်းမြစ်များ

Mathiu 9:16

Wuni ɔ gbap hɛ arombo ŋa kotha kǝfu rǝ ruma rǝkur, kotȧy-e ȧŋrombo ŋati aŋ tǝ pim aruma, ɔwa ɔpima ɔ tǝ bȧr gbo lǝsǝ.

Mark 2:21

Wuni ɔ gbap hɛ arombo ŋa kotha kəfu rə ruma rəkur. Bepi pə yi yi-e, ȧŋrombo aŋ tə pim aruma, ɔwa ɔpima ɔ bȧr gbo ləsȧ.

Mark 3:24

Bepi məputhanɛ mə wɔŋ rȧ rəbȧy, rȧbȧy rati rə gbəli hɛ won.

Yɔn 10:19

Ka məgbayanɛ mə yi kətɔŋ ka aŋYuda salata ȧsim ȧte.

Yɔn 17:23

minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

Yɔn 7:43

Ka məgbayanɛ mə wɔŋ kətɔŋ ka aŋfəm salata kɔnɔŋ.

Yɔn 9:16

Tiyȧŋ aFaresi alɔm aŋ pa, Ɔwuni ɔwe ɔ wur hɛ ka Kuru, pəkasifɛ ɔ wop hɛ aŋsabath. Alɔm aŋ pa, To wuni ka ahakɛ mɔ gbəli yɔ ɛmisali ɛwunɔŋ-e? Məgbayanɛ mə wɔŋ kətɔŋ ka ŋaŋ.

Mȧyɔs ma aŋsom 4:32

Ɔwa ȧruniya ara lanɛ rə ba ȧmerȧ ŋin yi afela ŋin; hali wuni kin ɔ pa hɛ ta ɛyɛt yɔŋ ɛyɛ ɔ ba kəpa ɛ yi ɛyɔŋ, kɛrɛ aŋ ba ɛyɛt bɛ ɔthənanɛ.

AŋRomans 1:13

Aŋwɔnt a mi i yema kȧmȧ nə tȧrȧ kəpa i ba ti rə ȧmerȧ alɔkɔ ȧgbȧthi tə kəder ro rɔnu, (kɛrɛ tȧy tə bɛnt mi haŋ thonɔŋ) kȧmȧ i gbəli ba məkomi kətɔŋ ka nu sɔ, mɔ mȧ i ba ka tȧbona təlɔm.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 12:16

Ba nu dim din ukin yi ulɔm, ɔwa te nu nanɛ mȧtȧy məbana gbo gbɛt, kɛrɛ nanɛ sɔ mȧtȧy məlɔl. Te nu yi abonɛ tȧy rə ȧmerȧ.

AŋRomans 15:30

Ɔwa aŋwɔnt a mi, i nɛmthɛnɛ nu salata ɔMarki Yisɔs Krayst yi salata mabɔthər ma ɔYina məsəm, kȧmȧ nə timnɛ yi minɛŋ ka taramnɛ ta nu ka Kuru ta ȧtȧ mi;

AŋRomans 16:17

Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

1 AŋKɔrenth 1:11

kotȧy-e, aŋwɔnt mi, aŋfəm ŋa Tiloyis aŋ po tɔri mi kəpa ɛgbȧl ɛ yi kətɔŋ ka nu.

1 AŋKɔrenth 11:18

Ka ɔtɔtɔkɔ bepi nə der rɔkin ka ȧŋseth ŋa Kuru-e, i təl kəpa ɔgbaskɛ gbaskɛ ɔ yi nu kətɔŋ; ɔwa i lanɛ ti dɔ.

1 AŋKɔrenth 12:25

kȧmȧ kəpɛnsanɛ kə te yi ka ȧŋdɛr, dɛ yi kȧmȧ ɔkin ɔ ba ananɛ ta ulɔm.

1 AŋKɔrenth 3:3

kotȧy-e nə yi ras ka mafela mələs ma madɛr. Fani kətut, yi kəgbal, yi kəpeskɛnɛ kə yi kətɔŋ kȧ nu, pə yi hɛ kəpa nə kɔth ka madɛr mɔ mə matanɛ ma afəm a kəpet mə yi-i?

1 AŋKɔrenth 4:16

Tiyȧŋ ɔmari nu, yi na ȧtȧnsȧnɛ mi.

2 AŋKɔrenth 10:1

Ɔwa minɛ Pɔl, i nɛmthɛnɛ nu ka kathoranɛ yi mathɔfəl ma Krayst, minɛ ɔwe yi uthoranɛ ka kȧbəprȧnɛ ka nu, kɛrɛ ma i te bəpər i fɔfȧnɛ nu rə kəmintha.

2 AŋKɔrenth 13:11

Ka kaləpsɔ, awɔnt, maŋ dirȧ nu yɔ. Yi nu apons, yi nu abɛfəth, ba nu ȧmerȧ ŋin, yirȧ ka məthɔfəl; ɔwa ɔKuru ka məbɔthər dɛ yi məthɔfəl ɔ tə yi yi naŋ.

2 AŋKɔrenth 13:9

Ȧtesoma-e sə ba məbɔnɛ ma sə yi arȧnt, dɛ yi naŋ nə abȧki mədɛr; ta ȧte tə mə sə ramnɛ sɔ, pə yi mɔ ta kagbenthis ka kȧlanɛ ka nu.

2 AŋKɔrenth 5:20

Tiyȧŋ sə yi aŋsom ŋa Kraystȧŋ, pə yi mɔ Kuru ɔ nɛmthɛnɛ nu kətaŋ do rɔsu. Saŋ sə nɛmthɛnɛ nu salata Kraystȧŋ tə kəkal manɛ yi Kuru.

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋKȧletia 4:12

Awɔnt, i nɛmthɛnɛ nu, yi nu mɔ minɛŋ ȧtesoma-e i yi mɔ naŋ nə yi; nə la hɛ yɔ mi ɔləs hali.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 3:16

Kɛrɛ ta mȧtȧy ama sə po thɔŋ sɔthɔ-e, maŋ bȧsər nu kəyi abɔthi lanɛ.

1 AŋThɛsȧlonika 5:13

Ɔwa nə yi tə kəlambe ŋa finɔ ka məbɔthər salata mapanth maŋ. Kal ba nu məthɔfəl kətɔŋ ka nu.

2 AŋThɛsȧlonika 2:1

Ɔwa sə nɛmthɛnɛ nu awɔnt, salata kȧder ka ɔMarki kȧsu Yisɔs Krayst, dɛ yi kagbanɛ kȧsu yi kɔn,

1 Timɔthi 5:21

I yamari nu rodi ka Kuru yi ɔMarki Yisɔs Krayst, yi ka aŋmȧleka athith, kȧmȧ mə yɔ ȧtȧy ȧte rə kəte wop ŋin pəthasi alɔm, yi kəte yɔ agbȧy.

2 Timɔthi 4:1

Tiyȧŋ i maŋ mu ka kȧbəprȧnɛ ka Kuru, yi ka ɔMarki Yisɔs Krayst ɔwe yi tə kəthoŋkas aŋkəli yi aŋfi ka kȧder kɔŋ yi rȧbȧy rɔŋ.

1 Pitar 2:11

Na abɔthər, i nɛmthɛnɛ nu-e, mɔ atik dɛ yi mɔ afəm ŋa ȧbiyas, gbapɛ nu ɛmilɛ ya madɛr ɛyɛ mə tim kəŋamnɛ rafəm.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.