Tito 1:15 - Nuevo Testamento Toba Maskoy

¹⁵ Apkellelto la alalhnai'o apvalho'ok nkelvetalhkek na lhamakho qaselha alalhnai'o apkellanai'a m'a, koka apkellelto la alpaiseiam apvalho'ok mankonmak'ak enmankok takha mongiaskeiam anak, nkelvetalhkek na lhamakho qaselha alpaiseiam ma'a ngkanek nkelpaisakmek alietnaikama apaqto'ok kanhan alianvekho apvalho'ok,

Tito 1:15 ပူးပေါင်းရင်းမြစ်များ

Hechos 10:15

Lhna ntemak mokhom nema aliatekama: —Apkenmopesakhek Eniapom Neten ma'a, meltamonkek alpaiseiam lheiap ma'a —lhna nnemak ktemo.

Romanos 14:14

Moi'askeiakmok ko'o apveske engankok Jesús, asiave ko'o mamma ngkolatsekama nentoma la napaqtek Eniapom Neten, koka moklhem'a engelialheng'a kelha atlheno la apvalho'ok mangkolatsekama anto'ok mantomakha la'a, ntasek etnangkok apankavek ma'a.

Romanos 14:20

Menaqteves aktemakha apkelpasmommakpo apkellanemakha eltehek Eniapom Neten apieseksek ketlhengkap aniem'o aptekamok apketlheianma. Lhamakho nentoma nak allelto alalhnai'o napaqtek Eniapom Neten, koka mangkolatsema m'a etavangkok napaqtavek apkelialheng'a lhema nentoma la akmovana nkolietnokhaskesek apvalho'ok apkelvet'o la'a ngkanek nkolvaiventak kelha meliaskeiam.

Romanos 14:23

Koka aptavo la apankek aptoma alpeivekha aklheianma apvalhok mangkolatsekama nlho ka la ntasek, eipetkasangkok nahan, koka aptevasekpe pankek apankok apankek ngkanek meieplavkasak mei'askeiam ma'a, koka akto ngkolatsekama nkek ma'a.

1 Corintios 10:23

Nlhenalhke mota: —Apvankek enenlhet apmak'akha la ellana —ka ntak ania'a m'a. Jave niapak ma'a, koka have lhamakho qaselha allelto altaqmelo. Jave niapak apvankek na enenlhet apmak'akha la ellanak, koka mangkolatsema elanak aktevaskama nak po'ok.

1 Corintios 10:25

Apvanka'ak ketlhengkap etavangkok lhamakho aktemakha apetek alleniem'o nak aknaiangkelha alhammalhkelha apetek, melelmalhnama nkek ma'a aniem'akha apetek la'a kakpota mangkotvaskesek aklhenaikama apvalho'ok ma'a.

1 Corintios 10:31

Ntasek ellaho Eniapom Neten neksa apkenmahai'a etavangkok, einangkok, kanhan lhamakho qaselha apkenmak'akha la ellanangkok.

1 Corintios 8:7

koka moklhem'a enenlhet meliamok ma'a. Lhennenga lhta moklhem'a ketlhengkap apkennapeiangke lhta mota apnaqtoskama apkellaiangko qaselha akiokha apkellanekamok. Ka ngkanek kolhvave nak aptavengko la apetek apkellaikamo nak ma'a, ngvaktaniek atlhenaikama mota apvalho'ok allaiekho m'a apetek anak, aniem'o koka nkoliennaktema atlhenaikama apvalho'ok.

1 Timoteo 6:5

apkeliamenammap anak apieseksek enenlhet'avok anak malha alieihama lhma, meliohok akto have niapak ankek, apketlhenakpave apankek nahan apkellelto meliaskeiam koka apteniangke mota apkennaksepma patakkom apanko'ok apankavek

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

Hebreos 9:14

Koka akto neten ankek ma'a ema apankok anak Cristo, avanke nkollalhnaksek alietnaikama apaqto'ok qaselha ngkollatsekama apkellanekamok, akmahai'o lhta mota nkolaqlakhak akietemelha nengetsepmakha m'a. Hai, apmesemmakpe lhta panke Cristo aniem'o Espíritu metnenvaiam annelha, malha aktemo lhta aktekioma nennaqtoskama metka nhan apiakteikama la'a kakpota hengeltemeskesek nellasennaikama Eniapom Neten apto mangkotnengvaiam annelha apkaniemhaikama.