Santiago 5:16 - Nuevo Testamento Toba Maskoy

¹⁶ Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

Santiago 5:16 ပူးပေါင်းရင်းမြစ်များ

Marcos 1:5

Apkelvai'ak nak na enenlhet'avok apkelleniem'o iokhalhma Judea kakpota nhan apiav'akha temma Jerusalen, apkeleltemo lhnak ellailhok Juan ma'a. Apketlheianmo lhnak na apankavek apkeltemakha ngkollatsekama. Ka apkellavkesaiangko lhnak na konne iemmen Juan ma'a akieto alvata Jordán.

Lucas 9:6

Ka apketlhengamo lhnak apkeltamesaikamok ma'a, apkelpaieskamo lhnak ania'a aktaqmanma lhamakho aiempek lhmankek ham, apkeltaqmelkeskaiakmo lhnak na anmaska apiempeiok ma'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 19:18

Man nantek na enenlhet'avok aptaikamok meliaskeiam ma'a apketlheianmo nhan apankavek apkellanekamok alhta qaselha ngkolatsekama napaqtavek enenlhet'avok ma'a.

Hechos 8:24

Ka apkatemmoiangka lhnak Simon: —Helelmalhneskes koka Apveske kakpota mankovhek ma'a akientalhnema ta tekhelhet ko'o —lhnak aptemak ma'a.

Romanos 3:10

Ka ktemo nak na aktalhesammalhka Vakkahak Eniapom Neten apaivoma: «Mamma enenlhet apto apeivomo, mamma apankek lhema la'a,

Romanos 5:19

Lhema enenlhet alhta apmanie panke meliehekho apkaskamakha Eniapom Neten, hengeltemeskeskamo nhan ennengko'o mangeleliehekhok. Netamen na lhema aphapak apanke lhta nhan enenlhet apkeliehekho apkaskamakha Eniapom Neten, hengeltemeskeskamo nhan ennengko'o nengelpeivomo m'a.

Colosenses 1:9

Neksa nellengai'a lhta ania'a aktemakha apkellangiemhaikama ketlhengkap ham, lhta nkenok nelelmalhneskeskama mota metka nnelha Eniapom Neten eltemeskesek apkeliekpelkangveiakmo kiokho nkek aptemakha m'a, ellangkok na lhamakho aktemakha nema neniamo kakpota nhan neniekpelkemo aniem'o Espíritu apankok.

1 Tesalonicenses 5:17

elelmalhnamok na metka nnelha.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

1 Tesalonicenses 5:25

Ketlhengkap elialheng'a, hengellelmalhneskes hata Eniapom Neten kakpota hengeltaqmelkesek ennengko'o m'a.

Hebreos 11:4

Aktemakha mei'askeiam Abel ntasek ankek nak apkaikamok apkaqhema aptoskama Eniapom Neten, melhnemok ma'a Cain. Ka akleklemo lhnak nanek apvalhok Eniapom Neten aptemakha m'a, apkeltaiangko nhan apeivomo m'a. Lhennenga tep ankek niekhe apketsepma Abel, nengeliangveiakmek koka m'a aptemakha mei'askeiam nak nanek ma'a.

Hebreos 11:7

Mang nak nanek na ei'askeiakmok Noé apaivoma Eniapom Neten apkeskamo nkovak hata lhema qaselha melvetai'o m'a. Apkelanei'ak noka apanke loma nemmen akiavai'a kakpota evongkasakpok tep kanhan apketkak. Hai, mei'askeiam nak nanek nkeniemai'ak ma'a Noé aknemo aktevasekho lhmankek ham. Mei'askeiam nak nanek Noé ka nkeniemai'ak ma'a nemo altaiangko apeivomo.

Hebreos 12:13

Ellanamok hata nhan malha amai akpeivomo, metka aliekvatekamok la'a kakpota anmaska la apmanko'ok mankolaskesangkek hata apmanko'ok ma'a, nkoltaqmelekhak hata nhan apmanko'ok ma'a.

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.