Santiago 5:13 - Nuevo Testamento Toba Maskoy

¹³ Apno la lhema enenlhet aplengaiangko akientalhnema apieseksek anak ketlhengkap, ntasek elmalhnak ma'a, apno la nhan lhema enenlhet akpaihekha apvalhok, ntasek ennekmaksek ma'a apvesai'a Eniapom Neten.

Santiago 5:13 ပူးပေါင်းရင်းမြစ်များ

Lucas 22:44

Avanhek ankek nak aplengaiangko akientalhnema m'a, koka niangveiakmek nak apkenmalhnonkoma Jesús ma'a, akteiapmo lhnak na apiemes ma'a malha ema lhna ntemak ma'a.

Lucas 23:42

Ka apkelanei'o lhnak enenlhet meihamolhma Jesús ma'a, lhna aptemak: —Jesús, koietnama ta apaqtek asvesai'a nak ko'o akvo'o ta aknem apteiakha ta apveske —lhna aptemak ma'a.

1 Corintios 14:15

Ntasek nkonmalhna nkek evalhok ehenke, nkaimelhkek koka nhan aihok ma'a, koka ntasek na aniohok ma'a, ntasek na nkonnekmaksek evalhok ehenke nak, nkaimelhkek koka nhan aihok ma'a.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

Efesios 5:19

Ennekmasamok hato ka mota salmos, nennekmaskama kakpota nhan apkellennekmasekama apvalho'ok aniem'o apieseksek ketlhengkap. Hai, ntasek eltakneskasangkok Apveske akvakho konne apvalho'ok.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

Santiago 5:10

Elialheng'a, ntasek koka antangkok ennengko'o m'a aptaiangkolha lhnak nanek apkeleltennaskama ania'a aniem'o apkellapaskama Eniapom Neten, apkellengaiangko lhnak nanek na akientalhnema m'a, koka apkelvaskapmek na m'a metka apkelieniekha kolhvavek apkenmakmekama.

Apocalipsis 14:3

Apkennekmasengke lhta nhan alhnankok nennekmaskama naqtek aptanema apveske, naqtavek na 4 kaselha allaniemhaiangka m'a kakpota nhan napaqtavek metno apketko'ok. Mamma lhta enenlhet eniapvanak nennekmaskama nak ma'a, vanlha lhtoka apkellapvanko 144.000 alhta enenlhet'avok apkellelto nema alvongkeskama tep apieseksek enenlhet takhalhet lhepop.

Apocalipsis 7:10

Apkeliennakteske lhta apkelpaqmeiasma m'a, lhta aptangkok: —Nengelvongkasemmalhka tep anak alleniem'o m'a Eniapom Neten apnemo m'a aptanema apveske kakpota nhan Nepkesek Apketkok —lhta aptangkok ma'a.