Santiago 3:2 - Nuevo Testamento Toba Maskoy

² Ngkolatsekama mota nempaivoma nelanei'o emmo'ok, koka apto la enenlhet metka aptevaskama apvesai'a po'ok, niennakke songkek apvalhok ma'a, apmopvana nhan emankok apiokha apanko ie kakpota melaniek qaselha akmasoma.

Santiago 3:2 ပူးပေါင်းရင်းမြစ်များ

Romanos 3:10

Ka ktemo nak na aktalhesammalhka Vakkahak Eniapom Neten apaivoma: «Mamma enenlhet apto apeivomo, mamma apankek lhema la'a,

Romanos 7:21

Hai', nenmak'ave niekhe angellanangkok qaselha altaqmelo, nnankek koka nhan malha ley akiennaktema nkek hengiatekamok engelvalho'ok anak angelanangkok qaselha ngkolatsekama.

1 Corintios 9:27

Malha astekpoikama koka stak asiokha nak kakpota heliehekho, kakpota nhan mankolhek hetepkeso nhan malha nelpaivasemmalhka nak neksa askeleltennasekamok ko'o.

Galatas 3:22

Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.

Galatas 5:17

Ka qaselha nak aliaspongkomakha nak apvalho'ok ammelhaikama mota m'a qaselha aniem'o Espíritu, vanlha mota alammelhammalhka m'a hanet qaselha nak, ka ngkanek ketlhengkap mankollapvankek ellanangkok qaselha altaqmelo apkenmak'akha la niekhe ellanangkok.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

Santiago 1:26

Moklhem'a ketlhengkap apieseksek anak ham nketlhenke mota apvalho'ok apkellelto apkeliamolhma meliaskeiam Eniapom Neten, koka apkeliennengkasekpek apankavek ma'a ngkanek mankollapvanka'ak enmangvomok apkelpakmeiasma ngkollatsekama, akhemo apkelleltammap apkeliamolhma meliaskeiam ma'a.

Santiago 1:4

Koka nkaimelhkak elvaskapok akvakmo aktakha nnelha akientalhnema apkelvetai'a, netamen hata m'a nkovak aptaikamok apketsavhongvaiakmo apkeliangveiakmo m'a, nkolhnangkok hata nhan lhamakho aktemakha apkeltaqmanma.

Santiago 2:10

Apno la enenlhet apkeliehekho ley atlhenkeskama nhan esavhoho', vanlha koka lhema alkama nkek ley meliehekho, ley hata nhan nkolhenek ma'a apto apselhnanemmap aniem'o apiekai'a m'a aklheianma.

1 Pedro 3:10

Ka ktemo nak na aktalhesammalhka vakkahak Eniapom Neten apaivoma hengke'e: «Enenlhet apkelto la enianiemhama aktaqmanma, akpaihekha apvalho'ok, nkaimelhkek elvataksek apkeliatekama ngkolatsekama kanhan metnek apmopvana ania'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.