Santiago 3:17 - Nuevo Testamento Toba Maskoy

¹⁷ Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

Santiago 3:17 ပူးပေါင်းရင်းမြစ်များ

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Lucas 6:36

Elietnaho ta nhan napaqta'a m'a po'ok la'a, ngkanek Apiapma'ak anak ketlhengkap apkelietnavek na napaqta'a m'a aplhamakho enenlhet.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 1:47

Ka apketlhengamo lhnak ma'a, apvetai'o lhnak Jesús aplheiakmo Natanael, lhnak aptemak Jesús: —Ka enenlhet aplhekmo nak ha'e apto Israelita apanke, mamma aptaikama nhan apmopvana ania'a —lhna aptemak Jesús.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Romanos 12:18

Apkellapvankelha la'a, eteniamok hata apiempeiok ellanangkok metka akmaska napaqtavek aplhamakho enenlhet'avok.

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

2 Corintios 7:11

Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.

2 Corintios 9:10

Apkankek Eniapom Neten aktek apto la apkanmo mota, apkankek na nentoma aptoma la'a, ellangkok hata nhan ketlhengkap nkeskama aktek nkeskama ta nhan nkotnek akielhna aniem'o apkelpeivomo ketlhengkap.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 4:8

Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

1 Tesalonicenses 2:7

Envanka'a nlho lhta niekhe angeliatangkok hengelleliehekhok ennengko'o ketlhengkap, ngkanek nengelelto hengellapaskamo pankok Cristo, koka ma lhta ntaiangkok ma'a, malha alhta nentaiangkok aktaiangkolha nak nematkak. Neltaqmelkeskanke lhta mota malha aktona ngken altakmelkeskama nak atkak.

1 Timoteo 5:21

Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

2 Timoteo 2:24

Lhema apkasennaikama la Apveske mankapvankek eliamenakpok po'ok, ntasek koka etaqmelkasok apaqmetkeskama po'ok la'a, etnek na apmopvana etlhekmoksek kanhan metka apekheskama qaselha,

Tito 1:15

Apkellelto la alalhnai'o apvalho'ok nkelvetalhkek na lhamakho qaselha alalhnai'o apkellanai'a m'a, koka apkellelto la alpaiseiam apvalho'ok mankonmak'ak enmankok takha mongiaskeiam anak, nkelvetalhkek na lhamakho qaselha alpaiseiam ma'a ngkanek nkelpaisakmek alietnaikama apaqto'ok kanhan alianvekho apvalho'ok,

Tito 3:2

Ellana ta nhan lheiap melentepkasama apkelvesai'a po'ok ma'a, eteniangkok na metka akmaska, etnangkok na apkeliamolhma kanhan nalhep'avek apvalho'ok napaqtavek aplhamakho enenlhet'avok.

Hebreos 12:11

Have niapak ankek mankolkek engelvalho'ok hengennaveso la m'a, nkollaioskesek engelvalho'ok, netamen koka m'a nkeskama nak nema hengennaveskama, nengeliangvakmek ma'a angellanangkok metka akmaska kanhan akpeivomo.

Hebreos 12:14

Ellasekhakpo mota aplhamakho, ellanamok hata nha mota qaselha altaqmelo ngkanek vanlha apkellelto la apkeliamolhma apankave nak apvanka'ak hata m'a elvetangvomok Apveske.

Santiago 1:17

Eniapom Neten koka nkeniemai'ak ma'a aktaqmanma, kanhan akiokho nkek apkeliangveiakmo ngkanek apto nhan Niapma'ak ma'a alapommatemo nak neten, mamma nkek na akiaqmoiekha la mo'ok apvalhok ma'a.

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

Santiago 2:13

Enenlhet la meietnai'o napa'at po'ok, mangkolhek hata nhan akietno napa'at ma'a, koka apietno la napa'at po'ok, eiephongvomhok hata nhan ma'a akvo'o la aknem nema akiekpelkemelha apkeltemakha enenlhet.

Santiago 2:4

Koka mangkolatsema etnangkok ketlhengkap ma'a, koka akvesai'a manneskamo mo'ok nelanei'o emmo'ok ma'a, malha aptaiangkelha nak hengiekpelkemo niapma'ak ngkolatsekama nak atlhenaikama apvalho'ok.

Santiago 3:15

Koka iama neniamo nak have aniemai'a neten, nalhepop koka nkeniemai'ak ma'a, enenlhet apanke nak kanhan keliaqhameio',

Santiago 4:8

¡Elteteskakho ta Eniapom Neten, netamen elteteskatak hata nhan ketlhengkap ma'a! ¡Elieniesamo ta nhan apmeio'ok, malha alpaisengkeskama ngkollatsekama apkellanekamok ketlhengkap! ¡Elalhnasekha ta nhan apvalho'ok ketlhengkap hanet anak apvalho'ok!

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 2:1

Elvatesamok hata lhamakho aktemakha ngkollatsekama nak, neniennenkeskama, hanet engvalho'ok, neniasepkeskama emmo'ok apanko'ok kakpota nhan nentepkesaikama apvesai'a emmo'ok.

1 Pedro 2:18

Ketlhengkap apkellelto nak nema anmakmesaikama, eleliehekho, ellaho ta nhan apkelveskaie apanko'ok apkelioho la lhma kanhan apkasekhai'o la'a, eleliehekhok na melioho la lhma.

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.