Santiago 3:15 - Nuevo Testamento Toba Maskoy

¹⁵ Koka iama neniamo nak have aniemai'a neten, nalhepop koka nkeniemai'ak ma'a, enenlhet apanke nak kanhan keliaqhameio',

Santiago 3:15 ပူးပေါင်းရင်းမြစ်များ

Lucas 16:8

Aplengai'ak nak ania'a apveske apankok, aklhenaiangka lhnak apvalho'ok aptemakha apmakmesaikama apmopvana akietnaikama apaqtek apmak'akha la etnek. Have niapak ankek enenlhet apkellelto la melelieplekama Eniapom Neten, neten apankavek apkellelto apkenmopvanka'a alietnaikama apaqtek apkenmak'akha la etnangkok, mangkolhnok ma'a apkellelto nak apkelieplekama Eniapom Neten.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Hechos 13:10

lhnak aptemak apkanemo: —Meihamolhma nak lheiap apmopvana ania'a, aveske keliaqhameio' atka. Mankonmahai'ak ellana qaselha aktaqmanma, apkelaptengkasekama qaselha akpeivomo aniem'o m'a Apveske.

Romanos 1:22

Apketlhenammakpave lhta mota nema apkeliamo m'a, koka malha metka apaqto'ok ma'a,

1 Corintios 1:27

Hai, apkeliekieskek Eniapom Neten enenlhet apketlhenammap la metka apkeliamo kakpota etneskasokhak koneng ma'a nema nak apkeliamo. Apkeliekieskek enenlhet apketlhenammap la metka apiempeiok kakpota etneskasokhak koneng ma'a enenlhet aliennaktema la apiempeiok.

1 Corintios 2:14

Koka mangkollapvankek eliangvomhok ma'a apkellelto nak metka Espíritu apankok Eniapom ngkanek aktaikama ankek apkellanemak ma'a, vanlha koka apvankek iehangvomhok ma'a apietno la Espíritu apankok anak Eniapom Neten.

1 Corintios 3:19

Aktaikama nkek ma'a napaqtek Eniapom Neten nenianveiakmo nak aniem'o engankok enganke. Ka ktemo nak aktalhesammalhka Eniapom Neten apaivoma hengke'e: «Aptemeskaskek Eniapom Neten nema nak apkeliangveiakmo nkonmok al·hanemmalhka aniem'o apkeliangveiakmo apanko'ok apankave».

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

Filipenses 3:19

Koka enenlhet'avok anak enaqtevasakpok hata ngkanek vanlha mota anmahai'o nkek apvalho'ok ellanangkok qaselha ngkolatsekama apanko'ok apankavek, apkelakpek apkellanengko la qaselha henmankaskama nak, vanlha mota atlheianma apvalho'ok qaselha aknaiangko nak hengke'e nalhepop anak.

2 Tesalonicenses 2:9

Ka enenlhet anak meihamolhma m'a nkoniemak hata akpasmoma Satanas, nkankok hata nhan akiavai'a nkek apmopvana kakpota ellanak qaselha mongenatkeskama kakpota nhan qaselha hempelapkeskama akmovana ania'a.

1 Timoteo 4:1

Aplheianmek Espíritu akto iokhalhmek ankek akmak'o ta nkovak aktemongvanlha nnelha aknem, moklhem'a elvatesangko ta aptaikamok meliaskeiam, elieplo'ok hata kasekapo av'alhok hengiennenkeskama kakpota nhan hengetlhekmoskama anko'ok kasekapok av'alho'ok.

Santiago 1:17

Eniapom Neten koka nkeniemai'ak ma'a aktaqmanma, kanhan akiokho nkek apkeliangveiakmo ngkanek apto nhan Niapma'ak ma'a alapommatemo nak neten, mamma nkek na akiaqmoiekha la mo'ok apvalhok ma'a.

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

Judas 1:19

Apkellelto nak apkelhpankeskama ketlhengkap aniem'o anmaikama aliaspongkomakha apvalho'ok ma'a, mamma songkek Espíritu Santo apvalho'ok ma'a.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 2:24

Koka ketlhengkap ham ko Tiatira apkellelto nak melieplavkeskama atlhekmosekamok ngkelvana nak, meteniaikamok na atlhekmosekamok akvesai'a qaselha akielhammalhka konne ankek aniem'o m'a ankok Satanas, vanlha askeltavek ko allangkok lhema aspaioma.

Apocalipsis 9:11

Apne lhta nhan apiav'akha apveske apankok seva lhema ángel aplomakha lhtoka mota akieto malhek konne kanke, nema altema koka Hebreo apaivoma Abadón, kakpota nhan Griego apaivoma Apolion.