Santiago 3:1 - Nuevo Testamento Toba Maskoy

¹ Ketlhengkap elialheng'a, melienlhanmamo nkek aplhamakho apkenmahai'a etnangkok hengetlhekmoskama Eniapom Neten apaivoma, ngkanek tep ankek hata ngkotnek nema aliekpelkemo m'a aktemakha apkenmakmekama, manlhehek hata m'a enenlhet'avok anak apkellomakha apankavek.

Santiago 3:1 ပူးပေါင်းရင်းမြစ်များ

Lucas 16:2

Ka apkaveiangka lhnak, lhna aptemak apkanemo: "Asleng'ak lhta ko'o aptevaskama qaselha ehenko'ok lheiap, helaneskaso no vakkahak aptalhesaikamok qaselha ehenkok alvesai'a alianmoma aptalhesaikama mota apkelhakhama kanhan apkeliaqmoikamok la enenlhet, atepkesek hata lheiap", lhna aptemak apveske apankok apkanemo m'a.

Lucas 6:37

Lhna aptemak mokhom Jesús apketlhekmoskama: —Meliekpelko nkek aptemakha la po'ok, kakpota nhan mangkolhek hata aliekpelko aptaiangkolha ketlhengkap. Metlhen na apselhnanemmap po'ok kakpota nhan mangkolhek atlheno apketselhnanemmap ketlhengkap. Eltemeskesama ta apankavek ketlhengkap apnaqtevasko la po'ok, kakpota nha ngkolhek aktemeskesangkankek ngkollatsekama apkellanekamok ketlhengkap.

Juan 3:10

Ka apkatemmoiangka lhnak mokhom Jesús ma'a: —¿Ma nlho eihok lheiap, he? Tokha la niekhe hengetlhekmoskama apanko'ok Israel.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

2 Corintios 5:10

Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

1 Timoteo 1:7

apketlhenammakpek apankavek hengetlhekmoskama ley anak Moises, koka m'a eliangveiakmok aktemakha apketlheianma, apketlhekmosekamok nahan.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:11

Heliekieskamo lhta Eniapom Neten kakpota apaiaksek ania'a aktaqmanma nak, hetneskeskamo nhan heiapaskamo apankok kanhan hengetlhekmoskama,

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Santiago 1:16

Elialheng'a askellamelaiam, mangkollatsekama alketamekama apvalho'ok ketlhengkap, have aniemai'akha Eniapom Neten ma'a ngkolatsekama nak aklhenaikama engvalhok.

Santiago 1:19

Ketlhengkap elialheng'a askellamelaiam, eltaqmelkaso ta apkellailhemo asmak'akha nak atnek alheianma, ntase mota ketlhengkap ellailhok eniangkok sekhe' eliatak po'ok la'a, have elelientemmakpok apmaniaie' ketlhengkap, metnamok na nav'a apvaheiok apkenmak'o la ello'ok,

Santiago 3:10

Vanlha lhema engatong anak nkelentepkek nempaivoma aktaqmanma, neniemetkeskama nhan, koka have nentemakha m'a elialheng'a.

1 Pedro 5:3

Metnamo nkek na ellanhok aptemakha nak apveske apkellaikamo nak akientalhnema nke apkenmakmekama enenlhet, elvetaskesakpo ta nhan apankavek aptaikamok apkeltakmelkasemmakpo napaqtavek ma'a.