Santiago 2:6 - Nuevo Testamento Toba Maskoy

⁶ Ketlhengkap koka apkeltemeskesantek koneng ma'a enenlhet'avok anak metka apkeletsekama. ¿Have nlho nema apketsekama nak apkellaiangkok akientalhnema apkenmakmekama, ketsek koka apkelianmongkeskama m'a, he? ¿Have nlho nhan nema apketsekama nak elieniosokha ketlhengkap napaqtavek apkelientalhnemo nak, he?

Santiago 2:6 ပူးပေါင်းရင်းမြစ်များ

Juan 8:49

Ka apkatemmongka lhta Jesús: —Mamma nkek ko'o kasekapok av'alhok hemaikamaha, askai'o ko'o mota Tata, koka ketlhengkap manghellak'o mota.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 17:6

Koka man nak elvetekhak Pablo kakpota nhan Silas ma'a, netamen apkelpathetmo lhnak Jason kakpota nhan apkeltemo lhemek apkelialheng'a, ka apkeliantemekho apkelienioseikokho nhan napaqtavek apkelemhama apmaniaie, ka apkelveneiangka lhnak ma'a, lhna aptaiangkok: —Ka enenlhet anak hengke'e apkeltemeskeskangkek lhamakho eiempek anak, apiennengkeskama lhma enenlhet'avok, kolhva apkelva'ak hengke'e,

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 8:3

Man nak eltaqmelkeskamak Saulo apkellelto iglesia, apkelentalhnekama lhnak apkakhaiangkelha kakpota elentepkesek neksa mellasekhai'a apkelennava'ak kakpota nhan ngkelvana'ak, apkelentalhneskamo lhnak na nengaqlhengkasemmalhkelha m'a.

1 Corintios 11:22

¡Apkeliekai'ak ketlhengkap aktemakha nak aklhengama iglesia apankok Eniapom Neten kanhan metka nak apkelletsekama ham! Koka apkenmak'o la mellaksek etavokha aptekamok, einangkok nahan mankonmak'o la elpasmok po'ok aptekamok, motlhenama ta mota apkelvesai'a ketlhengkap apkeliamolhma ¡eniaqhamok hata apkakhaiangkolha apankave kakpota etavokhak ma'a!

Santiago 5:4

Apkakhangkek ketlhengkap apkenmakmesaikama apanko'ok apnaklhekamok akielhna, apketlheianme niekhe apkelvannaikamok akianmoma ngkanek melianmonkasak apkenmakmekama akianmoma m'a, apleng'ak koka nhan Apveske aknema apmopvana apankek ma'a.

Santiago 5:6

Apketlheianmek ketlhengkap apketselhnanemmap enenlhet meltemengvaiakmo lhma, apkellaqhengkek nahan, koka apkellaiangkavek apnaqtevaskamo m'a.